ຈະດີເທົ່າໃດ ຖ້າຮອຍສັກຢູ່ເທິງຮ່າງກາຍຂອງເຮົາ ສາມາດເກັບສຽງຕ່າງໆໄດ້ ເຊັ່ນ: ສຽງບອກຮັກທີ່ມາຈາກຄົນທີ່ເຮົາຮັກ ຫຼື ຄອບຄົວ, ສຽງໃຫ້ກຳລັງໃຈ, ສຽງຫົວ ແມ່ນແຕ່ສຽງເພງ ພ້ອມຍັງສາມາດເປີດຟັງໄດ້ທຸກຄັ້ງທີ່ຄິດຮອດ.
![](https://laox.la/wp-content/uploads/2020/11/image-15-3.jpg)
ພາໄປຮູ້ຈັກກັບນະວັດຕະກຳ “ລາຍສັກຄື້ນສຽງ” ຫຼື “Sound Wave Tattoo” ໄອເດຍຈາກຊ່າງສັກລາຍຊາວອາເມຣິກາ Nate Siggard, ເປັນນະວັດຕະກໍາຂອງການສັກລາຍ ທີ່ປະສົມປະສານຄວາມລໍ້າສະໄໝຂອງເຕັກໂນໂລຊີ ແລະ ຄວາມຮຽບງ່າຍຂອງສີລະປະເທິງຮ່າງກາຍເອົາໄວ້ຢ່າງລົງຕົວ.
![](https://laox.la/wp-content/uploads/2020/11/image-15-4.jpg)
ກ່ອນອື່ນແມ່ນ Sound Wave Tattoo ຕ້ອງເຊື່ອມຕໍ່ກັບແອັບພິເຄຊັນ “Skin Motion” ກ່ອນ ເມື່ອເຮົາເລືອກສຽງທີ່ຢາກສັກແລ້ວ ສຽງນັ້ນກໍຖືກປັບປ່ຽນເປັນລາຍສັກ ແລ້ວ ຖືກສັກລົງໂດຍລະບົບຄອມພິວເຕີ (ຫຼືສາມາດໃຫ້ຊ່າງສັກ ສັກດ້ວຍມືໄດ້ເລີຍ). ຫຼັງຈາກ 24 ຊົ່ວໂມງທີ່ສຽງຖືກເກັບເຂົ້າໃນຖານຂໍ້ມູນແລ້ວ ເຮົາສາມາດເປີດແອັບແລ້ວສະແກນໄດ້ເລີຍ ພຽງເທົ່ານີ້ເຮົາກໍຈະສາມາດຟັງສຽງຈາກຮອຍສັກໄດ້ແລ້ວ.
ຂອບໃຈຂໍ້ມູນຈາກ:
https://www.facebook.com/EventPassfanpage/posts/4755892774485247