ໃນວັນທີ 22 ເດືອນພຶດສະພາ, SEC ຂອງມາເລເຊຍກ່າວວ່າ Crypto exchange Huobi ນັ້ນໄດ້ດໍາເນີນການໃນປະເທດເເບບຜິດກົດໝາຍເນື່ອງຈາກບໍ່ໄດ້ລົງທະບຽນການເເລກປ່ຽນຊັບສິນດິຈິຕອລ (DAX). ໂດຍເຈົ້າໜ້າທີ່ໄດ້ລະບຸວ່າ ນີ້ເປັນການລະເມີດຢ່າງຮ້າຍແຮງຕໍ່ກົດໝາຍວ່າດ້ວຍການຕະຫຼາດ ແລະ ການບໍລິການ, ເຊິ່ງກຳນົດໃຫ້ Crypto exchange ຈະຕ້ອງໄດ້ຮັບອະນຸຍາດຈາກ SEC ຂອງມາເລເຊຍໃນຖານະຜູ້ດຳເນີນການຕະຫຼາດທີ່ໄດ້ຮັບການຍອມຮັບ (RMO).
ໂດຍກົດໝາຍມາເລເຊຍໄດ້ຈັດໃຫ້ Crypto ຢູ່ໃນປະເພດຂອງຫຼັກຊັບ ແລະ Crypto exchange ຕ່າງໆຈະຕ້ອງໄດ້ພິສູດເຖິງຄວາມເໝາະສົມໃນການຈັດການບໍລິຫານ ແລະ ການປະຕິບັດຕາມຄວາມສ່ຽງຂອງການຟອກເງິນ, ການສະໜອງເງິນທຶນໃຫ້ເເກ່ຜູ້ກໍ່ການຮ້າຍ. ເຊິ່ງກ່ອນໜ້ານີ້ SEC ໄດ້ສັ່ງໃຫ້ປິດ Crypto exchange ໄປເເລ້ວຫຼາຍກວ່າ 40 ເເຫ່ງນັບຕັ້ງແຕ່ປີ 2017.
![](https://laox.la/wp-content/uploads/2023/05/image-546.png)
ດັ່ງນັ້ນ, Crypto exchange Huobi ຈຶ່ງຈຳເປັນຈະຕ້ອງປິດເວັບໄຊ ແລະ ເເອັບພິເຄຊັນໃນມືຖືໃນຫຼາຍເເພລັດຟອມຫຼາຍ Apple Store, Google Play ແລະ ອື່ນໆ.
ຢ່າງໃດກໍຕາມ, ການສັ່ງປິດກິດຈະການຂອງ Huobi Global ອາດຈະກະຕຸ້ນໃຫ້ນັກເທຣດ Crypto ຍ້າຍໄປຊົມໃຊ້ Crypto exchange ອື່ນໆທ່າມກາງຄວາມສົນໃຈໃນວົງການ Crypto ທີ່ເພີ່ມຂຶ້ນໃນປະເທດມາເລເຊຍ, ດ້ວຍການຍອມຮັບເອົາ Crypto ໃນປະເທດມາເລເຊຍໄດ້ເພີ່ມຂຶ້ນຈາກ 20% ໃນລະຫວ່າງໄຕມາດທີ 4 ຂອງປີ 2021 ເປັນ 26% ໃນປີຕໍ່ມາ.
![](https://laox.la/wp-content/uploads/2023/05/image-545.png)
ນອກຈາກນີ້ SEC ຍັງໄດ້ເເຈ້ງເຕືອນໃຫ້ບັນດານັກເທຣດຊາວມາເລເຊຍທຸກຄົນຢຸດການຊື້ຂາຍ, ຖອນເງິນ ແລະ ປິດບັນຊີຂອງຕົນເອງຢູ່ Huobi ໂດຍທັນທີ, ນັບແຕ່ເດືອນສິງຫາປີ 2022 ເປັນຕົ້ນໄປ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/