ບໍລິສັດ CP ຫຼື CPF ໄດ້ຮ່ວມມືກັບ Freshket ແພລັດຟອມຕະຫຼາດອອນລາຍເປີດ ຕົວຜະລິດພັນປາ CP ທີ່ຜ່ານການຕັດແຕ່ງມາແລ້ວ. ເພື່ອເພີ່ມທາງເລືອກໃຫ້ແກ່ຮ້ານຄ້າ ແລະ ຜູ້ບໍລິໂພກໃນການເຂົ້າເຖິງຊີ້ນປາທີ່ມີຄຸນະພາບທີ່ສູງ ສົດໃໝ່ທີ່ສົ່ງກົງຈາກຟາມໃນທຸກໆມື້ແບບບໍ່ມີຂັ້ນຕໍ່າ.
CPF ມຸ່ງໝັ້ນທີ່ຈະຜະລິດ ແລະ ສົ່ງມອບອາຫານທີ່ປອດໄພ, ມີຄຸນຄ່າທາງໂພຊະນາການດ້ວຍນະວັດຕະກໍາ ແລະ ເຕັກໂນໂລຊີທີ່ພັດທະນາມາຈາກຕົ້ນແບບການລ້ຽງປາໃນຮູບແບບ CARE Aquaculture Model, ເພື່ອຕອບສະໜອງຄວາມຕ້ອງການຂອງຜູ້ບໍລິໂພກ ແລະ ເປັນມິດກັບສິ່ງແວດລ້ອມ. ພາຍໃຕ້ລະບົບ Bio-security ທີ່ສາມາດກວດສອບຢ້ອນຫຼັງໄດ້ຕະຫຼອດໃນລະບົບການຜະລິດ ແລະ ຍັງສົ່ງເສີມການບໍລິໂພກແບບຍືນຍົງ.
ໂດຍຜະລິດຕະພັນປາ CP ທີ່ຕັດແຕ່ງແລ້ວນັ້ນປະກອບມີ: ປາກະພົງ, ປາທັບທິມ ແລະ ປານິນ. ໂດຍຜ່ານຂະບວນການຄັດເລືອກຂະໜາດ ແລ້ວນໍາມາແປຮູບໃຫ້ພ້ອມປຸງແຕ່ງທີ່ໄດ້ມາດຕະຖານ ແລະ ໃຊ້ການຫຸ້ມຫໍ່ສູນຍາກາດທີ່ທັນສະໄໝ, ເພື່ອຮັກສາຄວາມສົດ ແລະ ຄຸນະພາບຂອງຊີ້ນປາໃຫ້ໄດ້ດົນນານຈົນຮອດມືຜູ້ບໍລິໂພກ.
ນອກຈາກນີ້, CP ຍັງໄດ້ຮ່ວມມືກັບ Freshket ໃນການຈໍາໜ່າຍວັດຖຸດິບຄົບວົງຈອນ ພາຍໃຕ້ແນວຄວາມຄິດທີ່ວ່າ “ສັ່ງໄດ້ທຸກມື້ ສົ່ງໄດ້ທຸກວັນ ແບບບໍ່ບໍ່ມີຂັ້ນຕໍ່າ” ເພື່ອເປັນຊ່ອງທາງໃຫ້ແກ່ລູກຄ້າ ແລະ ຮ້ານອາຫານໃຫ້ສາມາດເຂົ້າເຖິງວັດຖຸດິບທີ່ມີຄຸນະພາບ, ຣົດຊາດດີ, ຄົບຖ້ວນ, ກົງຕໍ່ເວລາ, ສະດວກ ແລະ ວ່ອງໄວ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
