ວັນສະຫະປະຊາຊາດ ຫຼື U.N. Day (United Nations Day) ໄດ້ປະກາດຢ່າງເປັນທາງການເມື່ອວັນທີ 24 ຕຸລາ ມີຈຸດປະສົງເພື່ອແຈ້ງໃຫ້ຄົນທັງໂລກຮູ້ເຖິງເປົ້າໝາຍ, ຈຸດປະສົງ ແລະ ການບັນລຸຜົນຂອງສະຫະປະຊາຊາດ ມີຜົນບັງຄັບໃຊ້ເມື່ອວັນທີ 24 ຕຸລາ 1945 ເປັນວັນກຳເນີດຂອງອົງການສະຫະປະຊາຊາດ ແລະໃນວັນທີ 6 ທັນວາ 1971 ໄດ້ມີມະຕິຂອງສະຫະປະຊາຊາດທີ 2782 (XXVI) ສະໜັບສະໜູນໃຫ້ວັນສະຫະປະຊາຊາດ ເປັນວັນພັກປະຈຳຊາດໃນປະເທດສະມາຊິກທຸກໆປະເທດ.
ອົງການສະຫະປະຊາຊາດ ຫຼື UN (United Nations Organization) ເປັນອົງກອນລະຫວ່າງປະເທດທີ່ມີບົດບາດສຳຄັນໃນການນຳສັນຕິພາບສູ່ໂລກ ໂດຍພະຍາຍາມໃຫ້ມະນຸດທຸກຊາດ ທຸກພາສາ ໄດ້ຢູ່ຮ່ວມກັນຢ່າງສະເໝີພາກ ແລະ ສະຫງົບສຸກ. ກໍ່ຕັ້ງຂຶ້ນໃນຊ່ວງສົງຄາມໂລກຄັ້ງທີ 2 (1939-1945) ໂດຍຄວາມຮ່ວມມືຂອງນາຍົກລັດຖະມົນຕີແຫ່ງອັງກິດ ວິນສຕັນ ເຊີຊິລ ແລະ ປະທານາທິບໍດີແຫ່ງສະຫະລັດອາເມຣິກາ ແຟຣງຄລິນ ດີ. ຣູສເວລທ໌ ເນື່ອງມາຈາກ 3 ເຫດຜົນຄື:
- ເພື່ອຢຸດຢັ້ງກໍລະນີພິພາດລະຫວ່າງປະເທດຄູ່ກໍລະນີດ້ວຍສັນຕິວິທີ
- ເປັນແກນກາງໃນການນຳສັນຕິພາບຖາວອນມາສູ່ໂລກ
- ເປັນສູນກາງຄວາມຮ່ວມມືຊ່ວຍເຫຼືອລະຫວ່າງປະເທດໃນເສດຖະກິດ, ສັງຄົມ ແລະ ວັດທະນະທຳ.
ອົງການສະຫະປະຊາຊາດ ມີສຳນັກງານໃຫຍ່ຕັ້ງຢູ່ນະຄອນນິວຢອກ ປະເທດສະຫະລັດອາເມຣິກາ ພາສາທາງການມີຢູ່ 6 ພາສາຄື: ອັງກິດ, ຝຣັ່ງ, ສະເປນ, ລັດເຊຍ, ຈີນ ແລະ ພາສາອາຫລັບ.
ເລຂາທິການແຫ່ງສະຫະປະຊາຊາດຄົນປັດຈຸບັນແມ່ນ ທ່ານ ອັງຕໍນີອູ ກູແຕຣຶສ ຊາວໂປຕຸເກສ ເຊິ່ງຮັບຕຳແໜ່ງຕໍ່ຈາກ ທ່ານ ບັນ ຄີ ມຸນ ເມື່ອວັນທີ 1 ມັງກອນ 2017.
ຮຽບຮຽງໂດຍ: Alounny
https://hilight.kapook.com/view/28804
