ຄິວແໜ້ນ ຄິວເຕັມ! ເມື່ອ ໜຸ່ມໄທ ໄອເດຍດີ ຮັບຈ້າງອອກກຳລັງກາຍເປັນໝູ່ ບໍ່ວ່າຈະໄປແລ່ນ, ໄປຂີ່ລົດຖີບ ຫຼື ກິດຈະກຳຕ່າງໆ ເປີດໃຈບໍ່ຄິດວ່າຈາກ Life Style ສ່ວນຕົວ ຈະກາຍມາເປັນອາຊີບທີ່ສ້າງເງິນ ແລະ ຍັງເປັນແຮງບັນດານໃຈໃຫ້ຄົນມາອອກກຳລັງກາຍ.
ຫາກໃຜເບື່ອ ໃຜເຫງົາຈ້າງເຮົາໄດ້ ກາຍເປັນກະແສໃນໂລກອອນລາຍປະເທດໄທ ເມື່ອມີຜູ້ໃຊ້ Facebook มหิธร ประทีปะวณิช ໄດ້ລົງຮູບພາບພ້ອມລະບຸຂໍ້ຄວາມວ່າ “ຮັບຈ້າງເປັນໝູ່ອອກກຳລັງກາຍຈິງຈັງ! ຍິງ ຊາຍ LGBTQ+ ໄດ້ໝົດ ບໍ່ໄດ້ລົງເອົາຕະຫຼົກ” ຫຼ້າສຸດມີຍອດແຊຫຼາຍກວ່າ 7 ພັນຄົນ ເຮັດໃຫ້ມີກະແສຕອບຮັບເປັນຢ່າງດີ.
ໂດຍການອອກກຳລັງກາຍຈະບໍ່ກຳນົດຊະນິດກິລາ ແລະ ສາມາດໂອ້ລົມແລກປ່ຽນກັນໄດ້ ຫຼືື ຈະປຶກສາບັນຫາຊີວິດ, ການເມືອງ, ເສດຖະກິດ, ນັ່ງລົມຫຼິ້ນກໍຍັງໄດ້ ທີ່ສຳຄັນລົມໄດ້ທັງໄທ ແລະ ອັງກິດ ອັດຕາຄ່າບໍລິການເທື່ອລະ 250 ບາດ. ຈຸດເລີ່ມຕົ້ນຂອງໄອເດຍຄື ສ່ວນຕົວເປັນຄົນມັກອອກກຳລັງກາຍ ແລະ ດູແລສຸຂະພາບ ເອີ້ນໄດ້ວ່າເປັນຊີວີດປະຈຳວັນ ຈາກນັ້ນກໍນັ່ງລົມນຳໝູ່ຫຼິ້ນວ່າຢາກເຮັດທຸລະກິດ ໝູ່ແລ່ນ ບໍ່ຄິດວ່າຈະກາຍເປັນອາຊີບ ຫຼື ທຸລະກິດໃໝ່ທີ່ສ້າງລາຍໄດ້ ໂດຍຕອນນີ້ກະແສຕອບຮັບດີ ເພາະຍັງມີຫຼາຍຄົນທີ່ຢາກອອກກຳລັງກາຍ ຫຼື ບໍ່ເຄີຍໄປອອກກຳລັງກາຍຢູ່ໃສມາກ່ອນໄດ້ກັບມາອອກກຳລັງກາຍ.
ຫຼ້າສຸດໄດ້ເພີ່ມຕົວເລືອກ ທີ່ສາມາດເລືອກຕົວລະຄອນຫຼັກ ເລືອກຊະນິດກິລາ ບໍ່ວ່າຈະເປັນອອກກຳລັງໜັກ-ເບົາ ກິນຊີ້ນດາດຕໍ່ໄດ້ ພ້ອມມີໂປຣໂມຊັນ “ແລ່ນ 5 ຄັ້ງ ປົດລັອກຕົວລະຄອນພິເສດ ເຣັດຈີ້ ມະນຸດຜັກ” ເຊິ່ງເປັນຕົວລະຄອນລັບແບບພິເສດ ໂດຍຕອນນີ້ຍັງມີຢູ່ໃນພຽງຕົວເມືອງ ຂອນແກ່ນ ສ່ວນເມືອງອື່ນໆຍັງຕ້ອງລໍຖ້າກັນຕໍ່ໄປ.
ຢ່າງໃດກໍຕາມ ທຸລະກິດນີ້ເຮັດມາເພື່ອອອກກຳລັງກາຍເທົ່ານັ້ນ ບໍ່ແມ່ນການຫາຄູ່ ບໍ່ມີການຄຸກຄາມ ພ້ອມເປັນແຮງບັນດານໃຈໃຫ້ກັບຄົນທີ່ຢາກອອກກຳລັງກາຍ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
