InnovestX ໄດ້ປະເມີນວ່າ ສະຫະລັດທີ່ຂຶ້ນພາສີສິນຄ້າການນໍາເຂົ້າຈາກຈີນຈະສົ່ງຜົນກະທົບໃນວົງຈຳກັດ, ແຕ່ຢູໂຣບຍັງມີຄວາມສ່ຽງຫຼາຍທີ່ຈະໄດ້ຮັບຜົນກະທົບດັ່ງກ່າວ. ຫຼ້າສຸດຈີນໄດ້ລົງທຶນ 300 ຕື້ຢວນ ຊື້ໂຄງການເຮືອນທີ່ຂາຍບໍ່ອອກ ເພື່ອຊ່ວຍບັນເທົາບັນຫາໄດ້ໃນລະດັບໃດໜຶ່ງ. ແຕ່ມັນຍັງບໍ່ສາມາດແກ້ໄຂບັນຫາເຊີງໂຄງສ້າງໄດ້ທັງໝົດ.
ຕະຫຼາດຫຼັກຊັບສະຫະລັດ ຍັງຄົງເດີນໜ້າປັບຕົວເພີ່ມຂຶ້ນເຮັດຈຸດສູງສຸດຢ່າງຕໍ່ເນື່ອງ. ໂດຍຜົນປະກອບການຂອງໄຕມາດທີ 1 ຂອງປີ 2024 ຂອງບໍລິສັດຈົດທະບຽນ (Ltd.) ໃນຕະຫຼາດຫຼັກຊັບສະຫະລັດ ອອກມາດີກວ່າທີ່ຕະຫຼາດທີ່ຄາດໄວ້ສໍາລັບ 9 ໄຕມາດຕິດຕໍ່ກັນ, ເຕີບໂຕ 7.4% ເມື່ອທຽບກັບໄຕມາດທີ່ຜ່ານມາ.
3 ຫົວຂໍ້ສໍາຄັນທີ່ສະໜັບສະໜູນຕະຫຼາດຫຼັກຊັບສະຫະລັດ
- ບໍລິສັດໃນດັດຊະນີ S&P 500 ຈໍານວນ 250 ບໍລິສັດໄດ້ນໍາໃຊ້ AI ເພື່ອດຳເນີນທຸລະກິດຂອງເຂົາເຈົ້າ.
- ຜູ້ບໍລິໂພກສະຫະລັດ ສຸມໃສ່ການຊື້ຜະລິດຕະພັນທີ່ສໍາຄັນ ແລະ ພິຈາລະນາລາຄາສິນຄ້າຫຼາຍຂຶ້ນ
- ບໍລິສັດຈົດທະບຽນໃນສະຫະລັດໃຫ້ຄວາມສໍາຄັນກັບແຜນການຄຸ້ມຄອງເພື່ອຫຼຸດຜ່ອນຄ່າໃຊ້ຈ່າຍ.
ສະຫະລັດຂຶ້ນພາສີສິນຄ້າຈີນ ສົ່ງຜົນກະທົບທີ່ຈໍາກັດ ແຕ່ຢູໂຣບຍັງມີຄວາມສ່ຽງທີ່ຈະໄດ້ັຮັບຜົນກະທົບຕາມ
ສະຫະລັດປະກາດຂຶ້ນພາສີສິນຄ້ານຳເຂົ້າຈາກຈີນທີ່ມີມູນຄ່າ 18 ຕື້ໂດລາສະຫະລັດ. ຄາດວ່າຈະມີຜົນກະທົບທີ່ຈໍາກັດຕໍ່ຈີນ. ແຕ່ຢູໂຣບມີຄວາມສ່ຽງທີ່ຈະໄດ້ຮັບຜົນກະທົບຢ່າງຮ້າຍແຮງ.
ສໍາລັບການປະຕິບັດນະໂຍບາຍເສດຖະກິດຂອງສະຫະລັດ ທີ່ອອກມາກ່ຽວຂ້ອງເຖິງສົງຄາມການຄ້າ (Trade War) ໂດຍສະຫະລັດໄດ້ປະກາດຂຶ້ນພາສີສິນຄ້ານໍາເຂົ້າຈາກຈີນ ມູນຄ່າທັງໝົດປະມານ 18 ຕື້ໂດລາ. ໂດຍການປະເມີນວ່າ ນະໂຍບາຍທີ່ໄດ້ອອກມາແມ່ນຢູ່ໃນຮູບແບບຂອງຖະແຫຼງການ. ແຕ່ຄາດວ່າຈະສົ່ງຜົນກະທົບຕໍ່ຢູໂຣບຢ່າງຊັດເຈນ. ປັດຈຸບັນສະຫະລັດດຳເນີນການຢູ່ 2 ເລື່ອງຫຼັກຄື:
- ນະໂຍບາຍ US Biosecure Bill: ຕ້ອງການທີ່ຈະແຍກຈີນອອກຈາກສະຫະລັດໃນດ້ານ BioTech, ຈີນມີເວລາ 8 ປີເພື່ອປັບຕົວ ແລະ ຫາໂອກາດໃໝ່.
- ການຂຶ້ນພາສີສິນຄ້າ New Trio (EV, ໂຊລາເຊວ ແລະ ແບັດເຕີຣີ) ທີ່ຈີນສົ່ງອອກສິນຄ້າ 3 ກຸ່ມນີ້ກວມເອົາບໍ່ຮອດ 5% ຂອງສິນຄ້າຈີນທັງໝົດ. ປັດຈຸບັນ, ຈີນຈະສົ່ງອອກ EV ໄປຍັງສະຫະລັດພຽງ 1% ເທົ່ານັ້ນຂອງຍອດສົ່ງອອກ EV ທັງໝົດ.
ຢູໂຣບມີຄວາມສ່ຽງທີ່ຈະໄດ້ຮັບຜົນກະທົບ.
ຜູ້ຜະລິດລົດຍົນລາຍໃຫຍ່ໃນຢູໂຣບເຊັ່ນ: BMW ແລະ Benz ມີລາຍໄດ້ຄິດເປັນ 20% ຈາກປະເທດຈີນ. ເຊິ່ງຈະໄດ້ຮັບຜົນກະທົບຈາກບັນຫາທີ່ເພີ່ມຂຶ້ນ
ນອກຈາກນີ້, ເຕັກໂນໂລຊີການຜະລິດແບັດເຕີຣີຂອງຈີນຖືວ່າທັນສະໄໝທີ່ສຸດໃນໂລກ ໂດຍສົ່ງອອກແບັດເຕີຣີພຽງແຕ່ 5% ໄປຍັງສະຫະລັດ. ໃນຂະນະທີ່ປັດຈຸບັນສະຫະລັດ ຍັງບໍ່ມີເຕັກໂນໂລຊີການຜະລິດແບັດເຕີຣີທີ່ດີເທົ່າກັບຂອງຈີນ. ແຕ່ນະໂຍບາຍນີ້ຈະເປັນປະໂຫຍດຕໍ່ຜູ້ຜະລິດແບັດເຕີຣີເກົາຫຼີໃຕ້ ແລະ ຍີ່ປຸ່ນ.
ປັດຈຸບັນ, ຈີນບໍ່ໄດ້ສົ່ງອອກແຜງໂຊລາເຊວໄປຍັງສະຫະລັດໂດຍກົງ, ແຕ່ໃຫ້ບໍລິສັດຈີນໃນອາຊຽນເປັນຜູ້ຜະລິດ ແລະ ສົ່ງອອກ. ດັ່ງນັ້ນ, ກະທົບຂອງນະໂຍບາຍເກັບພາສີຂອງສະຫະລັດກັບຈີນ ຈະມີຜົນກະທົບທີ່ຂ້ອນຂ້າງຈໍາກັດ. ພ້ອມກັນນັ້ນ, ກຸ່ມອາຊຽນຍັງໄດ້ຮັບຜົນປະໂຫຍດຈາກນະໂຍບາຍນີ້ໃນຖານະເປັນຜູ້ຜະລິດ.
ຈີນໄດ້ລົງທຶນ 300 ຕື້ຢວນ, ແຕ່ອະສັງຫາລິມະຊັບຍັງບໍ່ຟື້ນຕົວ.
ລັດຖະບານຈີນໄດ້ໃຊ້ເງິນ 300 ຕື້ຢວນເພື່ອຊື້ໂຄງການທີ່ຢູ່ອາໄສທີ່ຂາຍບໍ່ອອກ. ປັບຫຼຸດການຜ່ອນຈ່າຍລົງເປັນ 15% ສໍາລັບເຮືອນຫຼັງທໍາອິດ ແລະ 25% ສໍາລັບເຮືອນທີສອງ.ມາດຕະການນີ້ຊ່ວຍບັນເທົາບັນຫາໄດ້ໃນລະດັບໃດຫນຶ່ງ. ແຕ່ມັນບໍ່ສາມາດແກ້ໄຂບັນຫາໂຄງສ້າງທັງໝົດໄດ້ ແລະ ຈໍານວນເງິນທີ່ເອົາອອກແມ່ນໜ້ອຍ ບໍ່ພຽງພໍເພື່ອຫຼຸດຜ່ອນການຄ້າງ stock ຂອງຫຼັກຊັບທີ່ຢູ່ອາໄສ. ຈໍາເປັນຈະຕ້ອງໄດ້ໃຊ້ວົງເງິນ ແລະ ເວລາຈຳນວນຫຼວງຫຼາຍເພື່ອແກ້ໄຂບັນຫາ.
ມາດຕະການດັ່ງກ່າວຈະສະໜັບສະໜູນພາສີສໍາລັບການຊື້ອະສັງຫາລິມະຊັບໃນບາງຕົວເມືອງໃຫຍ່. ແຕ່ຍັງຄົງຕ້ອງເບິ່ງວ່າມາດຕະການນີ້ສາມາດແກ້ໄຂບັນຫາໄດ້ແນວໃດ. ແຕ່ມັນກໍຈະເປັນປັດໄຈທີ່ຈະຊ່ວຍໃຫ້ບັນເທົາຄວາມກັງວົນໃນໄລຍະ 1-2 ເດືອນຂ້າງໜ້າ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
