The Laotian Times ໄດ້ລາຍງານຂ່າວວ່າ: ທາງການລາວ ໄດ້ຮັບວັກຊີນ ໂຄວິດ-19 ຂອງບໍລິສັດ ຊິໂນຟາມ (Sinopharm) ຈາກປະເທດຈີນ ຈໍານວນ 2,000 ໂດສ ແລະ ໄດ້ເລີ່ມສັກວັກຊີນໃຫ້ກັບອາສາສະໝັກ ແລະ ບຸກຄະລາກອນທາງການແພດ ຈໍານວນ 200 ຄົນແລ້ວ.
ພ້ອມດຽວກັນນັ້ນ ລັດຖະບານລາວ ໄດ້ຕິດຕໍ່ຂໍຮັບວັກຊີນ ໂຄວິດ-19 ຈາກ 3 ແຫ່ງຄື:
1. ຊິໂນຟາມ (Sinopharm) ຂອງປະເທດຈີນ
2. ສະປຸດນິກ ໄຟ້ (Sputnik V) ຂອງປະເທດຣັດເຊຍ
3. ວັກຊີນ ໂຄແວັກ (COVAX) ເຊິ່ງເປັນວັກຊີນຄວາມຮ່ວມມືລະຫວ່າງປະເທດ
ແລະໄດ້ຄາດຄະເນວ່າ: ວັກຊີນສະປຸດນິກ ໄຟ້ ຈໍານວນ 500 ໂດສ ຈະມອບໃຫ້ລາວໃນຊ່ວງຕົ້ນເດືອນ ມັງກອນ 2021 ນີ້. ສ່ວນວັກຊີນໂຄແວັກ ທີ່ກວມເອົາຈໍານວນປະຊາກອນປະມານ 15-20% ຈະມາເຖິງປະເທດລາວໃນເດືອນ ເມສາ 2021 ນີ້.
ທີ່ມາ: https://www.facebook.com/khaosod/posts/5707736665909912
