ສຳລັບ ການເປັນເຈົ້າພາບຈັດມະຫະກຳການທ່ອງທ່ຽວອາຊຽນ ATF 2024 ຂອງ ສປປ ລາວ ພວກເຮົາ ຖືເປັນເຫດການໜຶ່ງທີ່ສຳຄັນຢ່າງຍິ່ງ, ເປັນການຍົກສູງບົດບາດ ຂອງ ສປປ ລາວ ໃນເວທີສາກົນ ໂດຍສະເພາະ ວຽກງານການທ່ອງທ່ຽວ ຂອງ ສປປ ລາວ ໃຫ້ເປັນທີ່ຮູ້ຈັກຢູ່ໃນພາກພື້ນ ແລະ ສາກົນ. ສຳລັບການເປັນເຈົ້າພາບງານ ATF 2024 ທີ່ຈະມາເຖິງນີ້ ຈະເປັນກາລະໂອກາດທີ່ສໍາຄັນ ເພື່ອໂຄສະນາເຜີຍແຜ່ນະໂຍບາຍຂອງພັກ-ລັດເຮົາ ໃນການພັດທະນາເສດຖະກິດ-ສັງຄົມ, ການໂຄສະນາການທ່ອງທ່ຽວລາວສູ່ເວທີສາກົນ; ເປັນການເພີ່ມທະວີການຮ່ວມມືກັບບັນດາປະເທດສະມາຊິກອາຊຽນ, ປະເທດຄູ່ເຈລະຈາ, ອົງການຈັດຕັ້ງສາກົນ ເພື່ອຈັດຕັ້ງຜັນຂະຫຍາຍ ແຜນຍຸດທະສາດການທ່ອງທ່ຽວອາຊຽນ 2021-2025 ໃຫ້ປາກົດຜົນເປັນຈິງ.
ໃນຫຼາຍໆພາກສ່ວນທີ່ກ່ຽວຂ້ອງ ກໍໄດ້ປະຊຸມກະກຽມໃນການເປັນປະທານອາຊຽນຄັ້ງນີ້ ບໍ່ວ່າຈະເປັນກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ກະຊວງການເງິນ, ກະຊວງໂຍທາທິການ ແລະ ຂົນສົ່ງ. ພ້ອມກັນນີ້ ກໍຍັງມີອີກຫຼາຍໆພາກສ່ວນ ເພື່ອກຽມອຳນວຍຄວາມສະດວກໃຫ້ແກ່ແຂກທີ່ມາຢາມ, ຜ່ານມາໄດ້ປົວແປງເສັ້ນທາງໃນຕົວເມືອງ, ກຽມແຫຼ່ງທ່ອງທ່ຽວ, ກຽມງົບປະມານໃນການປະຊຸມ ແລະ ອື່ນໆ.
ໃນການເປັນປະທານອາຊຽນນີ້ ແມ່ນຈະໄຂຂຶ້ນແຕ່ວັນທີ 01 ມັງກອນ 2023 – 31 ທັນວາ 2024 ດ້ວຍຄຳຂວັນ “ເພີ່ມທະວີການເຊື່ອມຈອດ ແລະ ຄວາມເຂັ້ມແຂງອາຊຽນ (ASEAN Enhancing Connectivity and Resilience)”.
ຂໍ້ມູນຈາກ:
Lao National Television-English
ຕິດຕາມຂ່າວທັງໝົດຈາກ LaoX: https://laox.la/all-posts/
