ເມື່ອສອງສາມຊົ່ວໂມງທີ່ຜ່ານມາ Bitcoin ໄດ້ເພີ່ມຂຶ້ນເເຕະລະດັບ 28.500 ໂດລາອີກຄັ້ງ ທ່າມກາງຄວາມຄາດຫວັງຂອງບັນດານັກລົງທຶນ ເເລະ ນັກວິເຄາະຕະຫຼາດ, ຫຼັງຈາກມີຄວາມກັງວົນວ່າລາຄາຂອງ Bitcoin ຈະລົດລົງເພື່ອທົດສອບການເເນວຮັບຢູ່ທີ່ລະດັບ 25.000 ໂດລາ.
![](https://laox.la/wp-content/uploads/2023/04/image-142.png)
ຈາກກຣາຟຈະເຫັນໄດ້ວ່າ ນັບຕັ້ງແຕ່ເວລາທ່ຽງຄືນທີ່ຜ່ານມາ, ລາຄາ Bitcoin ໄດ້ເພີ່ມຂຶ້ນຈາກລະດັບຕໍ່າສຸດ 27.800 ໂດລາ ໄປເຖິງຈຸດສູງສຸດທີ່ 28.500 ໂດລາ ກ່ອນທີ່ຈະລົດລົງມາເລັກນ້ອຍ ເເລະ ລອຍຕົວເໜືອລະດັບ 28.000.
ໂດຍການເພີ່ມຂຶ້ນຂອງລາຄາ Bitcoin ໃນຄັ້ງນີ້ຍັງບໍ່ຮູ້ສາເຫດທີ່ເເນ່ຊັດວ່າ ເກີດຂຶ້ນເພາະຫຍັງ, ປັດຈຸບັນ Bitcoin ມີລາຄາຢູ່ທີ່ 28.300 ໂດລາ, ລົດລົງພຽງແຕ່ 0.93% ຈາກ 28.500 ໂດລາ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/