Shunsuke Kikuchi ຜູ້ປະພັນເພງປະກອບອະນິເມຊັ່ນຊື່ດັງ “ໂດຣາເອມ່ອນ” ໄດ້ເສຍຊີວິດລົງແລ້ວໃນວັນທີ 24 ເມສາ 2021 ຈາກສາເຫດພະຍາດປອດອັກເສບ ດ້ວຍອາຍຸ 89 ປີ.
ທ່ານເປັນຜູ້ປະພັນເພງທີ່ພວກເຮົາຄຸ້ນຫູ ແລະ ເມື່ອໄດ້ຍິນຈະນຶກເຖິງຄວາມຊົງຈຳໃນໄວເດັກທັນທີຄືເພງ “Doraemon no Uta” ແລະ “Boku Doraemon”.
ນອກຈາກໂດຣາເອມ່ອນແລ້ວ ທ່ານຍັງມີຜົນງານເພງປະກອບຊີຣີອື່ນໆອີກເຊັ່ນ: ໜ້າກາກເສືອ ແລະ Kamen rider ພ້ອມທັງໄດ້ຮັບຮາງວັນ Japan Record Awards 57th ໃນປີ 2015 ເປັນສິ່ງຢືນຢັນຄວາມສຳເລັດໃນຖານະນັກປະພັນເພງອີກດ້ວຍ.
ເຖິງວ່າທ່ານ Shunsuke Kikuchi ຈະໄດ້ຈາກໄປແລ້ວ ແຕ່ບົດເພງ ແລະ ຜົນງານ ຈະຍັງດັງກ້ອງຢູ່ໃນໃຈເຮົາໃຫ້ໄດ້ກັບໄປນຶກເຖິງພາບໄວເດັກສະເໝີ.
- ຟັງເພງ Doraemon no Uta :
ທີ່ມາ: https://www.instagram.com/p/COO3sY4MW46/?igshid=uylts2nt6sck
ຕິດຕາມຂ່າວທັງໝົດຈາກ LaoX: https://laox.la/all-posts/
