![](https://laox.la/wp-content/uploads/2020/12/image-112.png)
ຖ້າເວົ້າເຖິງວີດີໂອສັ້ນ ທີ່ມາແຮງທີ່ສຸດເວລານີ້ ຄົງໜີບໍ່ພົ້ນ TikTok ແອັບສຸດຮິດທີ່ຫຼາຍຄົນກຳລັງເວົ້າເຖິງ ຕ້ອງບອກວ່າ TikTok ເຂົ້າມາເປັນສ່ວນໜຶ່ງໃນຊີວິດຂອງຄົນອາຊີຫຼາຍຂຶ້ນໃນຊ່ວງປາຍປີ 2018 ແລະ ໄດ້ສ້າງສະຖິຕິການດາວໂຫຼດໃນເດືອນເມສາທີ່ຜ່ານມາ (ອ້າງອີງຈາກ Sensor Tower)
![](https://laox.la/wp-content/uploads/2020/12/image-106.png)
ແລະດ້ວຍເວລາບໍ່ດົນ TikTok ໄດ້ກ້າວໄປອີກຂັ້ນ ຈາກການເປັນພຽງແຕ່ຊ່ອງທາງແຊຣວີດີໂອສັ້ນຂອງຜູ່ຄົນທົ່ວໂລກ ສູ່ການກາຍເປັນຊ່ອງທາງ Digital Marketing ທີ່ມາແຮງທີ່ທຸລະກິດຕັ້ງແຕ່ຂະໜາດນ້ອຍຈົນເຖິງຂະໜາດໃຫຍ່ກຳລັງໃຫ້ຄວາມສົນໃຈເວລານີ້
ໃນຊ່ວງທີ່ຜ່ານມາ, ອຸປະສັກຫຼາຍຢ່າງຂອງການເຮັດການຕະຫຼາດດີຈິຕອນ ຄືການສ້າງເນື້ອຫາ ຫຼື ຄອນເທັນໃຫ້ກັບແບຣນໃຫ້ເປັນທີ່ໜ້າສົນໃຈ ແລະ ຈະເຮັດແນວໃດໃຫ້ການສື່ສານເຂົ້າເຖິງກຸ່ມເປົ້າໝາຍໄດ້ຢ່າງມີປະສິດທິພາບສູງສຸດ
ຫຼ້າສຸດ TikTok ໄດ້ເປີດຕົວ platform ການຕະຫຼາດນ້ອງໃໝ່ທີ່ຊື່ວ່າ “TikTok For Business” ເຊິ່ງຖືເປັນການແກ້ໄຂບັນຫາການຕະຫຼາດທີ່ຕອບໂຈດແບຣນ ແລະ ທຸລະກິດທຸກຂະໜາດໃນການເຮັດການຕະຫຼາດຄົບວົງຈອນ ເທິງ TikTok ຕັ້ງແຕ່ການສ້າງການຮັບຮູ້ ການມີສ່ວນຮ່ວມລະຫວ່າງແບຣນ ແລະ ຜູ້ບໍລິໂພກ ໄປຈົນເຖິງການຕໍ່ຍອດການພິຈາລະນາ ສູ່ການຕັດສິນໃຈຊື້ໄດ້ຢ່າງມີປະສິດທິພາບ
![](https://laox.la/wp-content/uploads/2020/12/image-107.png)
ແລ້ວ TikTok ໜ້າສົນໃຈແນວໃດ ? ຖ້າໃຜທີ່ເປັນຜູ້ໃຊ້ TikTok ຢູ່ແລ້ວອາດຈະຄຸ້ນເຄີຍກັບຄອນເທັນວີດີໂອສັ້ນ ທີ່ປາກົດຢູ່ໜ້າ Feed ຕາມຄວາມສົນໃຈ ແລະ ຄວາມມັກສ່ວນບຸກຄົນ ໂດຍທີ່ເຮົາບໍ່ໄດ້ໄປກົດຕິດຕາມ creator ນັ້ນໆ ດ້ວຍຄຸນລັກສະນະນີ້ເອງ TikTok ເຮັດໃຫ້ເຮົາສາມາດເຫັນວີດີໂອຈາກຄົນທີ່ຢູ່ທົ່ວທຸກມຸມໂລກ ແລະ ເຮັດໃຫ້ທຸກຄົນນັ້ນມີພື້ນທີ່ໃນການສ້າງເນື້ອຫາເທິງແອັບນີ້ໄດ້ແທ້ ຖ້າເນື້ອຫານັ້ນມີຄົນສົນໃຈຫຼາຍ ເຖິງມີຜູ້ຕິດຕາມບໍ່ຫຼາຍກໍສາມາດເຮັດໃຫ້ມີຄົນເຫັນຫຼາຍໄດ້
ພໍເລື່ອງເປັນແບບນີ້ ຈຶ່ງເຮັດໃຫ້ຫຼາຍຄັ້ງທີ່ວີດີໂອສັ້ນຂອງບຸກຄົນໜ້າໃໝ່ໃນ TikTok ກາຍເປັນທີ່ສົນໃຈຫຼາຍ (Viral) ໄດ້ໃນເວລາບໍ່ດົນ
ແລ້ວ TikTok For Business ນັ້ນຈະເຂົ້າມາຊ່ວຍເສີມຫຍັງແດ່ ?
![](https://laox.la/wp-content/uploads/2020/12/image-108.png)
ຢ່າງທຳອິດເລີຍຄື TikTok For Business ເປັນທາງອອກຂອງການຕະຫຼາດທີ່ເປີດໂອກາດໃຫ້ເປັນແບຣນ ແລະ ນັກການຕະຫຼາດໄດ້ເຂົ້າເຖິງແລະມີສ່ວນຮ່ວມກັບຜູ້ຄົນໃນຊຸມຊົນ TikTok ດ້ວຍຈຸດແຂງສະເພາະໂຕຂອງ TikTok ໃນເລື່ອງຂອງການສ້າງການຮັບຮູ້ (Awareness) ແລະ ການມີສ່ວນຮ່ວມ (Engagement) ລະຫວ່າງແບຣນກັບຜູ້ບໍລິໂພກ ພ້ອມຕໍ່ຍອດໄປເຖິງການພິຈາລະນາ (Consideration) ສູ່ການຕັດສິນໃຈຊື້ (Conversion)
![](https://laox.la/wp-content/uploads/2020/12/image-109.png)
ແລະ ສິ່ງທີ່ເຮັດໃຫ້ TikTok ໂດດເດັ່ນຈາກບ່ອນອື່ນຄື ການເປີດມຸມມອງໃຫມ່ຂອງການເຮັດ Brand Storytelling ພາຍໃຕ້ແນວຄິດ ຫຼື concept “Don’t make ads. Make TikTok” ດ້ວຍການໃຊ້ພື້ນທີ່ເທິງຊ່ອງທາງ TikTok ນີ້ບອກເລົ່າເລື່ອງລາວຂອງແບຣນໃນຮູບແບບທີ່ສ້າງສັນ ແລະ ໜ້າສົນໃຈ ສອດຄ່ອງໄປກັບເນື້ອຫາທີ່ມີຄວາມເປັນເອກະລັກ ເພື່ອໃຫ້ຜູ້ຄົນເກີດມີຄວາມສົນໃຈ ຫຼາຍກວ່າການນຳສະເໜີໂຄສະນາຮູບແບບເກົ່າໆ ທີ່ເນັ້ນການຂາຍເປັນຫຼັກ
![](https://laox.la/wp-content/uploads/2020/12/image-110.png)
ເຊິ່ງຕົວຢ່າງຈະເຫັນໄດ້ຈາກແບຣນດັງຫຼາຍແບຣນເຊັ່ນ Pomelo ແບຣນແຟຊັ້ນກັບແຄມເປນ #walkwithpomelo ທີ່ສ້າງສະຖິຕິກະແສຕອບຮັບແລະການມີສ່ວນຮ່ວມກັບຜູ້ຄົນເທິງ TikTok ໄດ້ຢ່າງລົ້ນຫຼາຍໃນຊ່ວງເວລາພຽງບໍ່ຮອດ 1 ອາທິດ ດ້ວຍຍອດວີດີໂອ 176.4 ລ້ານວິວ ຕໍ່ຍອດເປັນປະກົດການສ້າງຍອດຂາຍໄດ້ທຽບເທົ່າກັບ Mega Sale 11.11 ຂອງທຸກປີຢ່າງທະລົ່ມທະລາຍ
ເຊັ່ນກັບ NIVEA ແບຣນຜະລິດຕະພັນຮັກສາຜິວຊັ້ນນຳ ແລະ ເປັນທີ່ຮູ້ຈັກຫຼາຍທີ່ສຸດໃນໂລກເຊິ່ງມີຜະລິດຕະພັນວາງຈຳໜ່າຍໃນກວ່າ 200 ປະເທດທົ່ວໂລກ ໄດ້ສົ່ງແຄມເປນ #PutURHandsUpChallenge ໂດຍທັນທີທີ່ແຄມເປນຖືກເຜີຍແຜ່ ພົບວ່າໄດ້ກະແສຕອບຮັບຢ່າງດີດ້ວຍຍອດວີດີໂອລວມສູງເຖິງ 10 ລ້ານວິວ ພາຍໃນໄລຍະເວລາພຽງ 6 ມື້ ຂອງການປ່ອຍແຄມເປນເທົ່ານັ້ນ ແລະ ຍັງຊ່ວຍເພີ່ມຍອດຂາຍຂອງນີເວຍໂຣສເຊຣຳ ເຊິ່ງເປັນອີກໜຶ່ງຜະລິດຕະພັນຂອງ NIVEA ໄດ້ຫຼາຍກວ່າ 26% ຫຼັງການເປີດຕົວແຄມເປນແລະບໍ່ວ່າຈະເປັນທຸລະກິດຂະໜາດໃດ ມີເມັດເງິນໃນການເຮັດໂຄສະນາເທົ່າໃດ ກໍສາມາດເລີ່ມຕົ້ນໂຄສະນາກັບ TikTok ໄດ້ເພາະ TikTok ມີ Self-Serve Platform ທີ່ຈະຊ່ວຍໃຫ້ແບຣນຂະໜາດກາງ ແລະ ຂະໜາດນ້ອຍສາມາດເຂົ້າໄປບໍລິຫານຈັດການການຊື້ໂຄສະນາໄດ້ດ້ວຍຕົວເອງ ເຊິ່ງສາມາດເຮັດໄດ້ງ່າຍ, ສະດວກ ແລະ ຍັງວັດຜົນໄດ້ທັນທີອີກດ້ວຍ
ເຊິ່ງຮູບແບບຊ່ອງທາງການໂຄສະນາ TikTok ນັ້ນກໍມີຫຼາຍຮູບແບບຕັ້ງແຕ່
- Brand Takeover ທີ່ຮັບຮອງການຮັບຊົມແບບ 100%
- Top View ຮູບແບບໂຄສະນາໃນຕຳແໜ່ງດ້ານເທິງ ຈະໄດ້ເປັນຄອນເທັນທຳອິດໆກ່ອນ Feed ອື່ນໆ
- In-Feed Ads ຮູບແບບການໂຄສະນາທີ່ປາກົດຂຶ້ນລະຫວ່າງທີ່ຄົນເບິ່ງວີດີໂອຕ່າງໆ ໃນໜ້າ Feed
- Hashtag Challenge ຮູບແບບການໂຄສະນາໃນລັກສະນະຂອງການຈັດແຄມເປນ ເພື່ອທ້າໃຫ້ຄົນຮ່ວມກິດຈະກຳ
Brand Effect ຮູບແບບການໂຄສະນາທີ່ແບຣນສາມາດສ້າງ effect ຕ່າງໆທັງພາບ ແລະ ສຽງ
![](https://laox.la/wp-content/uploads/2020/12/image-111.png)
ເຊິ່ງຕ້ອງບອກວ່າ TikTok For Business ນັ້ນເປັນອີກໜຶ່ງຕົວຊ່ວຍທີ່ຈະເຂົ້າມາຊ່ວຍໃຫ້ແບຣນໄດ້ເຂົ້າເຖິງກຸ່ມເປົ້າໝາຍທີ່ມີຂະໜາດໃຫຍ່ ແລະ ຫຼາກຫຼາຍໃນຊຸມຊົນ TikTok ໄດ້ເປັນຢ່າງດີ ເຊິ່ງຫຼາຍຄົນທີ່ໃຊ້TikTok ນີ້ຢູ່ອາດຈະຄຸ້ນເຄີຍພົບເຫດການທີ່ບໍ່ຮູ້ຕົວເລີຍວ່າເຮົາກຳລັງເບິ່ງຄອນເທັນ ທີ່ມາຈາກການໂຄສະນາຢູ່, ເຮັດໃຫ້ຜົນຂອງການໂຄສະນາມີຄວາມເປັນທຳມະຊາດ ຈົນເຮັດໃຫ້ເກີດການສ້າງການຮັບຮູ້ ສູ່ການພິຈາລະນະຕັດສິນໃຈຊື້ທີມີໂອກາດເພີ່ມສູງຂຶ້ນໄປດ້ວຍ
ເຊິ່ງດ້ວຍຄວາມໜ້າສົນໃຈນີ້ ຄວາມສັ້ນ ແລະ ຄວາມຖືກໃຈຜູ່ບໍລິໂພກ ເປັນເຫດຜົນທີ່ປະຕິເສດບໍ່ໄດ້ວ່າ TikTok ໄດ້ກາຍເປັນຊ່ອງທາງທີ່ຜູ້ຄົນຕ່າງໃຫ້ຄວາມສົນໃຈ ຕັ້ງແຕ່ຜູ່ໃຊ້ທົ່ວໄປ, ຜູ່ສ້າງເນື້ອຫາ ໄປຈົນເຖິງນັກການຕະຫຼາດ ແລະ ນັກໂຄສະນາຈາກແບຣນຕ່າງໆທ່ົວໂລກ
ທີ່ມາ: https://www.longtunman.com/25961