“ພະນົມເປນ” ນະຄອນຫຼວງຂອງກຳປູເຈຍໄດ້ສ້າງຄວາມປະຫຼາດໃຈດ້ວຍການກ້າວຂຶ້ນເປັນເມືອງທີ່ມີລາຄາແພງທີ່ສຸດອັນດັບສອງໃນອາຊີຕາເວັນອອກສຽງໃຕ້ ແຊງໜ້າບາງກອກ, ມານິລາ, ຈາກາຕາ, ຮ່າໂນ້ຍ, ນະຄອນໂຮ່ຈີມິນ, ຢ່າງກຸ້ງ, ກົວລາລໍາເປີ, ວຽງຈັນ ແລະ Johor Bahru. ອີງຕາມການສໍາຫຼວດຄ່າໃຊ້ຄ່າຄອງຊີບປະຈຳປີ 2024 ຂອງ Mercer.
ການເພິ່ມຂຶ້ນສູງຂອງຄ່າຄອງຊີບໃນພະນົມເປນ ສະທ້ອນໃຫ້ເຫັນເຖິງການເຕີບໂຕທາງເສດຖະກິດຢ່າງວ່ອງໄວຂອງກຳປູເຈຍ ແລະ ການເພີ່ມຂຶ້ນຫຼາຍຂອງປະຊາກອນຕ່າງປະເທດ. ສົ່ງຜົນໃຫ້ຄວາມຕ້ອງການສິນຄ້າ ແລະ ການບໍລິການແບບຕາເວັນຕົກເພີ່ມຂຶ້ນ.
ໃນການສໍາຫຼວດພົບວ່າ ລາຄາຂອງສິນຄ້າ ແລະ ການບໍລິການທີ່ຫຼາກຫຼາຍເຊັ່ນ: ທີ່ຢູ່ອາໄສ, ອາຫານ, ການຂົນສົ່ງ ແລະ ຄວາມບັນເທີງ, ທັງໝົດຕ່າງກໍມີລາຄາເພີ່ມສູງຂຶ້ນໃນພະນົມເປນ. ໂດຍສະເພາະແມ່ນໃນເຂດທີ່ຄົນຕ່າງປະເທດອາໄສຢູ່.
- ປັດໄຈຕົ້ນຕໍທີ່ພາໃຫ້ຄ່າຄອງຊີບສູງຂຶ້ນຢູ່ພະນົມເປນລວມມີດັ່ງນີ້:
- ການເຕີບໂຕດ້ານເສດຖະກິດ: ເສດຖະກິດຂອງກຳປູເຈຍໄດ້ເຕີບໂຕຢ່າງວ່ອງໄວໃນຊຸມປີມໍ່ໆມານີ້. ສິ່ງນີ້ໄດ້ດຶງດູດນັກລົງທຶນ ແລະ ນັກທຸລະກິດຕ່າງປະເທດ, ເຊິ່ງສົ່ງຜົນໃຫ້ຄວາມຕ້ອງການສິນຄ້າ ແລະ ການບໍລິການເພີ່ມຂຶ້ນ.
- ການຂະຫຍາຍຕົວຂອງປະຊາກອນຕ່າງປະເທດ: ປະຊາກອນຕ່າງປະເທດທີ່ອາໄສຢູ່ໃນພະນົມເປນມີການເພີ່ມຂຶ້ນຢ່າງຕໍ່ເນື່ອງ. ຄົນຕ່າງປະເທດເຫຼົ່ານີ້ມັກຈະມີກໍາລັງການຊື້ສູງກວ່າ ແລະ ເຕັມໃຈທີ່ຈະຈ່າຍເງິນຫຼາຍກວ່າຄົນທ້ອງຖິ່ນສໍາລັບສິນຄ້າ ແລະ ການບໍລິການ.
- ຄວາມຕ້ອງການສິນຄ້າ ແລະ ການບໍລິການຂອງຕາເວັນຕົກ: ຄົນຕ່າງປະເທດຫຼາຍຄົນຕ້ອງການສິນຄ້າ ແລະ ການບໍລິການຂອງຕາເວັນຕົກ. ສິ່ງນີ້ສົ່ງຜົນໃຫ້ລາຄາສິນຄ້າ ແລະ ການບໍລິການເຫຼົ່ານີ້ສູງຂຶ້ນ.
ການຫັນປ່ຽນຂອງພະນົມເປນ ຈາກເມືອງທີ່ມີຄ່າຄອງຊີບທີ່ແສນປະຢັດໄປສູ່ເມືອງທີ່ມີຄ່າຄອງຊີບສູງຂຶ້ນແບບກ້າວກະໂດດ, ສະທ້ອນເຖິງຄວາມກ້າວໜ້າທາງດ້ານເສດຖະກິດຂອງກຳປູເຈຍ ແລະ ການປ່ຽນແປງຂອງປະຊາກອນ. ຢ່າງໃດກໍຕາມ, ຄ່າຄອງຊີບຂອງກຳປູເຈຍຍັງຕ່ຳກວ່າຕົວເມືອງໃຫຍ່ໆໃນອາຊີຕາເວັນອອກສ່ຽງໃຕ້ເຊັ່ນ: ສິງກະໂປ ແລະ ຮ່ອງກົງ
ສໍາລັບບໍລິສັດຂ້າມຊາດທີ່ສົ່ງພະນັກງານໄປປະຈຳການທີ່ພະນົມເປນ. ການສໍາຫຼວດຄ່າໃຊ້ຈ່າຍໃນດໍາລົງຊີວິດຂອງ Mercer ນີ້ສາມາດເປັນປະໂຫຍດໃນການກໍານົດຄ່າຕອບແທນ ແລະ ສະວັດດີການທີ່ຍຸຕິທໍາສໍາລັບພະນັກງານ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
