ໃນປັດຈຸບັນທີ່ເປັນຍຸກໂຄວິດ-19 ນີ້ ປະຕິເສດບໍ່ໄດ້ເລີຍວ່າການດຳລົງຊີວິດ ຫຼື ການໄປມາຫາສູ່ກັນນັ້ນຫຍຸ້ງຍາກຫຼາຍ ໂດຍສະເພາະຢ່າງຍິ່ງແມ່ນການເດີນທາງຂ້າມປະເທດ ກໍຍິ່ງເປັນເລື່ອງທີ່ຍາກ ເພາະຕ້ອງມີຄວາມຈຳເປັນ ແລະ ໄດ້ຮັບອະນຸຍາດຈາກພາກສ່ວນທີ່ກ່ຽວຂ້ອງແລ້ວເທົ່ານັ້ນ, ຕ້ອງໄດ້ແລ່ນເອກະສານຫຼາຍຢ່າງ ທັງໃບຮັບຮອງແພດ, ໃບກວດພະຍາດ… ແຕ່ຈະດີເທົ່າໃດ ຖ້າຫາກວ່າເຮົາມີ “Vaccine Passport” ຫຼຶ ພາສປອດວັກຊີນ ທີ່ລົດຂໍ້ຈຳກັດການເດີນທາງທັງພາຍໃນ ແລະ ຂ້າມປະເທດ ແຖມເຮັດໃຫ້ເສດຖະກິດການບິນ ແລະ ການທ່ອງທ່ຽວກັບມາຄຶກຄື້ນອີກຄັ້ງ.
![](https://laox.la/wp-content/uploads/2021/03/image-35.png)
World Economic Forum ໄດ້ຮ່ວມມືກັບ Rockefeller Foundation ສ້າງແນວຄິດພາສປອດອອນໄລນ໌ ທີ່ຈະນຳເອົາຂໍ້ມູນລະບຸການຮັບຮອງການສັກວັກຊີນໂຄວິດ-19 ເຂົ້າມາໄວ້ ຫຼື Digital Health Pass ຂອງ IBM (International Business Machines) ຜູ້ຜະລິດຄອມພິວເຕີ ແລະ ໃຫ້ບໍລິການດ້ານສາລະສົນເທດ ກໍໄດ້ພັດທະນາແອັບ ເພື່ອໃຊ້ສະແກນບໍ່ສະເພາະແຕ່ເດີນທາງຂ້າມປະເທດ ແຕ່ຍັງໃຊ້ໄດ້ພາຍໃນປະເທດພ້ອມ ຕັ້ງແຕ່ການເຂົ້າໂຮງຮຽນ, ໂຮງແຮມ, ຫ້ອງສະໝຸດ… ພຽງແຕ່ກົດເປີດແອັບໃນໂທລະສັບກໍສາມາດສະແດງຫຼັກຖານໄດ້ທັງໝົດເຊັ່ນ: ສັກວັກຊີນໄປຈັກເຂັມ, ຜົນກວດໂຄວິດ-19 ແລະອື່ນໆ ເພື່ອສະດວກໃນການເດີນທາງ.
![](https://laox.la/wp-content/uploads/2021/03/image-36.png)
ລະບົບການເຮັດວຽກຂອງມັນຈະໃຊ້ “Cloud” ເປັນເຊີບເວີກາງສຳລັບຈັດເກັບຂໍ້ມູນໄລຍະໄກ ແລະ ໃຊ້ “Blockchain” ຈັດເກັບຂໍ້ມູນທີ່ຊັບຊ້ອນກວ່າ ແລະ ປົກປ້ອງຄວາມເປັນສ່ວນຕົວ.
ເຖິງຢ່າງໃດກໍຕາມ ພາສປອດວັກຊີນກໍຍັງເປັນທີ່ຈັບຕາເບິ່ງຂອງຫຼາຍໆປະເທດ ເພາະວ່າການເຂົ້າເຖິງຂໍ້ມູນທາງການແພດເປັນເລື່ອງທີ່ລະອຽດອ່ອນ ແລະ ອາດຈະເປັນການລະເມີດຄວາມເປັນສ່ວນຕົວຂອງບຸກຄົນ ເຊິ່ງຂັດກັບກົດໝາຍຄວາມເປັນສ່ວນຕົວ.
![](https://laox.la/wp-content/uploads/2021/03/image-37.png)
ຫຼັງຈາກມີການປ່ອຍແນວຄິດດັ່ງກ່າວອອກມາ ເຮັດໃຫ້ຫຼາຍປະເທດຕື່ນຕົວຫຼາຍຂຶ້ນ ເພາະຖ້າຫາກວ່າມັນໃຊ້ໄດ້ແທ້ ຫຼາຍໆຂະແໜງເສດຖະກິດກໍຈະກັບມາຟື້ນຕົວອີກຄັ້ງ, ໂດຍປະເທດເດັນໝາກເອງກຽມເປີດຕົວການໃຊ້ງານພາສປອດນີ້ພາຍໃນທ້າຍເດືອນກຸມພາ-ຕົ້ນເດືອນມີນາ 2021 ນີ້ ແລະ ຕັ້ງເປົ້າວ່າປະຊາຊົນທຸກຄົນໃນປະເທດຈະໄດ້ຮັບວັກຊີນໃນເຄິ່ງປີທຳອິດຂອງປີ 2021.
ຂອບໃຈຂໍ້ມູນຈາກ:
https://www.facebook.com/UrbanCreatureTH/posts/2624544587843761