ອີງຕາມຂໍ້ມູນ ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ໄດ້ກ່າວໄວ້ວ່າ: ເຂື່ອນນ້ຳຂອງທີ່ຫຼວງພະບາງ ແມ່ນຕັ້ງຢູ່ລະຫວ່າງເມືອງຈອມເພັດ ແລະ ເມືອງປາກອູ. ປັດຈຸບັນກຳລັງເລັ່ງໃນການກໍ່ສ້າງ ພ້ອມກັບສິ່ງອຳນວຍຄວາມສະດວກໃນດ້ານຕ່າງໆໄວ້ລ່ວງໜ້າແລ້ວ ເຊັ່ນ: ການປູຢາງຈາກບ້ານຫາດຍາ ໄປຍັງເຂດພັດທະນາໂຄງການກໍ່ສ້າງ, ພິເສດໄປກວ່ານັ້ນຂົວຂ້າມແມ່ນ້ຳຂອງເມືອງປາກອູຫາເມືອງຈອມເພັດແມ່ນຈະສຳເລັດພາຍໃນປີ 2022 ນີ້.
![No photo description available.](https://scontent.fbkk15-1.fna.fbcdn.net/v/t1.0-9/81443324_649274955610130_7772689653731164160_o.jpg?_nc_cat=108&ccb=1-3&_nc_sid=730e14&_nc_eui2=AeHYBwzpxL5VFhCXS5nHdAtN8NvXR65rY7Lw29dHrmtjsoKp8C3WUS282pQ4FMx0xM648zjJbEOkUHRlEk_XH5Zs&_nc_ohc=cmT00Edw65gAX98GniX&_nc_ht=scontent.fbkk15-1.fna&oh=11c6a7f48229cdb8f19920ad14a02ec8&oe=6079A8C5)
ກອງປະຊຸມປຶກສາຫາລືແລກປ່ຽນຄວາມຄິດເຫັນ ຂອງບັນດາຜູ້ແທນກະຊວງທີ່ກ່ຽວຂ້ອງທີ່ຜ່ານມາ ຍັງໄດ້ລາຍງານກ່ຽວກັບບັນຫາທີ່ຈະຕາມມາ ພ້ອມທັງໄດ້ເວົ້າເຖິງ UNESCO ທີ່ມີຄວາມເປັນຫ່ວງຕໍ່ຜົນກະທົບທີ່ຈະອາດເກີດຂຶ້ນໄດ້ກັບເມືອງມໍລະດົກໂລກ, ເມືອງທີ່ເປັນບ່ອນທ່ອງທ່ຽວຊື່ດັງຂອງປະເທດລາວ ແຕ່ກໍຍັງບໍ່ໄດ້ເປີດເຜີຍວ່າຈະມີບັນຫາໃດຕາມມາ ເພາະອາດບໍ່ຮູ້ໄດ້ວ່າໃນອະນາຄົດຈະເກີດຜົນປະໂຫຍດຫຼາຍກວ່າເສຍ ຫຼື ຈະເສຍຜົນປະໂຫຍດຫຼາຍກວ່າໄດ້ຜົນປະໂຫຍດ.
ໃນການຈະກໍ່ສ້າງແມ່ນຍັງລໍຖ້າການອະນຸມັດຈາກລັດຖະບານ ຖ້າຫາກວ່າອະນຸມັດແລ້ວ ການກໍ່ສ້າງເຂື່ອນນັ້ນຈະໃຊ້ເວລາການກໍ່ສ້າງປະມານ 7 ປີ ແລະ ໃນການກໍ່ສ້າງແມ່ນມີມູນຄ່າສະເລ່ຍເຖິງ 3,000 ລ້ານໂດລາສະຫະລັດ, ຮັບເໝົາການກໍ່ສ້າງໂດຍ ບໍລິສັດ ໄຟຟ້າຫຼວງພະບາງ ພາວເວີ ຈຳກັດ ຮ່ວມການລົງທຶນລະຫວ່າງປະເທດ ພ້ອມກັບບໍລິສັດ Petro Vietnam Power Corporation ເຊິ່ງເປັນໂຮງງານໄຟຟ້າທີ່ໃຫຍ່ທີ່ສຸດຂອງຫວຽດນາມ.
![No photo description available.](https://scontent.fbkk15-1.fna.fbcdn.net/v/t1.0-9/80403526_649275505610075_2929164036559863808_o.jpg?_nc_cat=106&ccb=1-3&_nc_sid=730e14&_nc_eui2=AeH7yzTiphLomdUqZyrEo59xrvmhImlFsHau-aEiaUWwduOMMEiwJLdeBQOHh-uo12wHixKigUu8UCGAPGXkvsmA&_nc_ohc=AnHEZ04wR7AAX-C9D1N&_nc_ht=scontent.fbkk15-1.fna&oh=c4da86529894e8ef36738060d4a721a7&oe=6076BAC9)
ທີ່ມາ:
https://www.facebook.com/vientianetimeslao/posts/2974614356106339?_rdc=1&_rdr
https://www.facebook.com/PhenluangPhenlao/posts/649275578943401?_rdc=1&_rdr