ຫຼ້າສຸດແບຣນໃນຕຳນານ LOUIS VUITTON ໄດ້ເປີດຕົວຕຳນານບົດໃໝ່ຢ່າງ HORIZONS NERVER END ແຄັມເປນ ກະເປົາເດີນທາງທີ່ໄດ້ນັກຮ້ອງຊື່ດັງກ້ອງໂລກຢ່າງ Jackson Wang ມາຮັບບົດເປັນພີເຊັນເຕີຄົນໃໝ່ຂອງຄໍເລັກຊັນກະເປົາຊຸດເລືອງຊື່ໃນຕຳນານໂດຍກະເປົາອອກແບບໂດຍ Marc Newson ດິໄຊເນີ ຊື່ດັງຂອງຍຸກ.
ແຄັມເປນໃນຄັ້ງນີ້ໄດ້ຊ່າງພາບລະດັບໂລກຊາວອັງກິດຢ່າງ Glen Luchford ມາຖ່າຍໃຫ້ທີ່ Paris ເຊິ່ງໂຟກັດໄປທີ່ Line ກະເປົາເດີນທາງຊື່ດັງ HORIZONS ໂດຍກ່ອນໜ້ານີ້ທາງແບນໄດ້ປ່ອຍຮູບພາບໂຄສະນາ Lionel Messi ແລະ Gisele Bündchen ທີ່ທັງສອງຢູ່ໃນເຟມພາບດຽວກັນໃນຊີຣີ້ HORIZONS NERVER END.
![](https://laox.la/wp-content/uploads/2023/05/image-585.png)
![](https://laox.la/wp-content/uploads/2023/05/image-586.png)
ການທີ່ທາງ LOUIS VUITTON ໄດ້ເລືອກເອົາ Jackson Wang ມາເປັນພີເຊັນເຕີຂອງລາຍກະເປົາ HORIZONS ໃນເທື່ອນີ້ຄາດເດົາໄດ້ວ່າ ເພື່ອຈະມາເຈາະກຸ່ມລູກຄ້າຈາກປະເທດຈີນ ທີ່ກັບມາເຕິບໂຕຢ່າງມະຫາສານອີກຄັ້ງຫຼັງສະຖານະການໂຄວິດຫາຍໄປ ບວກກັບຊ່ວຍຂະຫຍາຍ Brand Awareness ໄປທາງກຸ່ມ Gen Z ກຸ່ມຄົນຮຸ່ນໃໝ່ອີກດ້ວຍ.
ແນ່ນອນວ່າກະເປົາເອງກໍຕອບໂຈດນັກເດີນທາງຍຸກໃໝ່ ເພາະໂຄງສ້າງກະເປົາເຮັດມາຈາກຜ້າຕາຂ່າຍຂຶ້ນຮູບພິເສດດ້ວຍຊ່າງສີມືຂອງແບຣນ. ນອກຈາກນັ້ນຍັງຫຸ້ມດ້ວຍແຄນວາສທີ່ຕົກແຕ່ງດ້ວຍລວດລາຍໂມໂນແກຣມ ແລະ ລາຍ Damier ອັນເປັນເອກະລັັກຂອງທາງແບນ ນັ້ນເອງ.
![](https://laox.la/wp-content/uploads/2023/05/image-587.png)
ການຮ່ວມງານຂອງ Jackson Wang ກັບ LOUIS VUITTON ອອກມາໃນຮູບແບບໃດຕ້ອງຕິດຕາມ ແລະ ຈະໄປປາກົດຕົວໃນງານແຟຊັ່ນໂຊວທີ່ສຳຄັນຢ່າງ Cruise 2024 ໃນອາທິດໜ້າທີ່ປະເທດອິຕາລີຫຼືບໍ່ ຫຼື ເສື້ອຜ້າຜູ້ຊາຍຄໍເລັກຊັນທຳອິດຂອງ Pharrell Williams ເດືອນໜ້າທີ່ Paris Fashion Week ຄົງຕ້ອງໄດ້ຕິດຕາມກັນຕໍ່ໄປ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/