ອາດຈະເປັນເລື່ອງທີ່ສະດວກສະບາຍຖ້າເຮົາສາມາດເປີດ ແລະ ປ່ຽນເພງຈາກ Spotify ໂດຍຜ່ານແອບ Facebook ທີ່ໃຊ້ກັນເປັນປະຈຳ.
‘Project Boombox’ ເປັນໂປຣເຈັກທີ່ທາງ Facebook ໄດ້ຮ່ວມມືກັບ Spotify ເພື່ອສ້າງຟັງຊັນ ແລະ Platform ໃຫ້ Facebook ສາມາດສະຕີມເພງ ຫຼື ຟັງ Podcast ໄດ້ໂດຍບໍ່ຕ້ອງອອກຈາກແອບພິເຄຊັນ ແຕ່ມີພຽງບາງຄຸນສົມບັດທີ່ມີໄວ້ສະເພາະຜູ້ໃຊ້ Spotify ແບບສະໝັກສະມາຊິກເທົ່ານັ້ນຈຶ່ງສາມາດໃຊ້ໄດ້, ແຕ່ທັງນີ້ກໍຍັງບໍ່ໄດ້ລະບຸຊັດເຈນວ່າຜູ້ໃຊ້ແບບຟຣີຈະມີຂໍ້ຈຳກັດໃນການໃຊ້ງານເທົ່າໃດ.
ສຳລັບ ‘Project Boombox’ ນີ້ Mark Zuckerberg ເອງກໍໄດ້ອອກມາເປີດເຜີຍວ່າຟີເຈີນີ້ໄດ້ອອກແບບມາເພື່ອຮອງຮັບ ແລະ ສະໜັບສະໜູນແກ່ຜູ້ທີ່ສ້າງຜົນງານ ຫຼື ກຸ່ມສິລະປິນທີ່ຕ້ອງການເຜີຍແຜ່ຜົນງານຂອງຕົນໃຫ້ເຂົ້າເຖິງຜູ້ຟັງໄດ້ຫຼາຍຂຶ້ນ.
ແລະ ອີກດ້ານໜຶ່ງກໍເປັນການເພີ່ມຄວາມສະດວກໃຫ້ແກ່ຜູ້ໃຊ້ໄດ້ຮັບຄວາມສະດວກໃນການເປີດເພງຂະນະທີ່ກຳລັງຫຼິ້ນ Social Media ຫຼື ຈະເປັນການແບ່ງປັນເພງໃຫ້ໝູ່ຟັງກໍເປັນເລື່ອງງ່າຍຂຶ້ນ.
ຟີເຈີນີ້ກຳລັງຈະຖືກປ່ອຍເພື່ອທົດສອບໃນ ສະຫະລັດອາເມຣິກາ, ເມັກຊິໂກ ແລະ ປະເທດໃນເຂດເອເຊຍໃນໄວໆນີ້.
ຂໍ້ມູນຈາກ:
- https://www.engadget.com/facebook-and-spotify-will-team-up-on-new-music-features-191235561.html?
- https://news.thaiware.com/20108.html
ຕິດຕາມຂ່າວທັງໝົດຈາກ LaoX: https://laox.la/all-posts/
