ຈິຣະຍຸດ ຊັບສີພາ ຜູ້ກໍ່ຕັ້ງ ແລະ ຊີອີໂອຂອງບໍລິສັດ Bitkub ໄດ້ເປີດເຜີຍວ່າ Bitkub ພ້ອມທີ່ຈະລົງທະບຽນຢູ່ໃນຕະຫຼາດຫຼັກຊັບຂອງປະເທດໄທ. ໂດຍໄດ້ຜ່ານເກນມາດຕະຖານທັງໝົດໃນດ້ານທຶນຈົດທະບຽນ, ກຳໄລ, ຍອດມູນຄ່າຕະຫຼາດ, ບັນຊີຊຸດໃຫຍ່, ລວມທັງມາດຕະຖານໃໝ່ຂອງຕະຫຼາດຫຼັກຊັບທີ່ມີຄວາມເຂັ້ມຂຸ້ນຫຼາຍຂຶ້ນ
ໃນປັດຈຸບັນ, Bitkub ກໍາລັງຢູ່ໃນຂະບວນການຄັດເລືອກທີ່ປຶກສາທາງດ້ານການເງິນ ແລະ ຜູ້ກວດສອບພາຍໃນ ເຊິ່ງຄາດວ່າຈະໃຊ້ເວລາ 1-2 ປີ. ຫຼັງຈາກໄດ້ຮັບທີ່ປຶກສາທາງດ້ານການເງິນ ແລະ ຜູ້ກວດສອບພາຍໃນເເລ້ວ, Bitkub ຈະຍື່ນຂໍເຂົ້າລົງທະບຽນຕະຫຼາດຫຼັກຊັບ.
ຈິລະຍຸດ ກ່າວຕື່ມວ່າ, Bitkub ຍັງມີຄວາມສົນໃຈເຂົ້າຕະຫຼາດຫຼັກຊັບຮ່ອງກົງ. ເນື່ອງຈາກວ່າຮ່ອງກົງຕ້ອງການເປັນດິຈິຕອນ ສູນການໃນການເຂົ້າເຖິງຂອງໂລກ ແລະ BitKub ເປັນຜູ້ໃຫ້ບໍລິການສິນຊັບດິຈິຕອນທີ່ໃຫຍ່ທີ່ສຸດໃນອາຊຽນ.
ຕໍ່ກັບການຈົດທະບຽນຢູ່ໃນຕະຫຼາດຫຼັກຊັບ, ຈິຣະຍຸດ ໄດ້ອະທິບາຍວ່າ Bitkub ຕ້ອງການລະດົມທຶນເພື່ອຂະຫຍາຍທຸລະກິດໄປສູ່ບໍລິສັດບໍລິການເຂົ້າເຖິງດິຈິຕອນລະດັບພູມິພາກທີ່ໃຫ້ບໍລິການໃນຫຼາຍປະເທດທົ່ວໂລກ. ລວມໄປເຖິງຕ້ອງການເປີດໂອກາດໃຫ້ປະຊາຊົນເຂົ້າມາມີສ່ວນຮ່ວມໃນ Bitckub.
ຈິລະຍຸດ ເເນມເຫັນວ່າສິນຊັບດິຈິຕອນເປັນສິນຊັບ mainstream ທີ່ມີຄວາມສ່ຽງຫຼຸດລົງ ແລະ ນັກລົງທຶນມີຄວາມຮູ້ ຄວາມເຂົ້າໃຈຫຼາຍຂຶ້ນໂດຍສະຖາບັນການເງິນທີ່ເຂົ້າມາໃຫ້ບໍລິການຫຼາຍຂຶ້ນ.
ໃນປີນີ້, Bitkub ຈະສຸມໃສ່ AI ແລະ ເປີດຕົວຜະລິດຕະພັນໃໝ່. ອອກມາສູ່ຕະຫຼາດເປັນຈໍານວນຫຼວງຫຼາຍ Bitkubventure ຈະຂະຫຍາຍການລົງທຶນໃຫ້ແກ່ SMEs ເພື່ອຊ່ວຍໃຫ້ SMEs ປັບຕົວເຂົ້າກັບໂລກໃນອະນາຄົດ.
“Bitkub ເຫັນວ່າການແຂ່ງຂັນເປັນເລື່ອງທີ່ດີ ທີ່ເຮັດໃຫ້ທຸກຄົນຕື່ນຕົວ ແລະ ຜະລິດຕະພັນໃໝ່ໄດ້ຖືກປ່ອຍອອກມາ ລູກຄ້າຈະໄດ້ຮັບຜົນປະໂຫຍດສູງສຸດ”
ຈິລະຍຸດເຫັນວ່າ, ຕະຫຼາດຊັບສິນດິຈິຕອນຂອງໄທຍັງສາມາດເຕີບໂຕຂຶ້ນໄປໄດ້ອີກ ເເລະ ກໍາລັງຈະກາຍເປັນອຸດສາຫະກໍາທາງດ້ານການເງິນທີ່ສໍາຄັນ ແລະ ພາກລັດມີນະໂຍບາຍສົ່ງເສີມການ tokenization.
Bitkub Capital Group Holdings Co., Ltd. ເປັນບໍລິສັດເຕັກໂນໂລຊີຊັ້ນນໍາໃນຂົງເຂດ blockchain ແລະ ສິນຊັບດິຈິຕອນໃນປະເທດໄທ. ເຊິ່ງໄດ້ຖືກສ້າງຕັ້ງຂຶ້ນໃນປີ 2018 ດ້ວຍວິໄສທັດ “ນໍາພາໂລກໄປສູ່ຍຸກດິຈິຕອນແບບຍືນຍົງ”
Bitkub ມີການໃຫ້ບໍລິການທີ່ຫຼາກຫຼາຍເຊັ່ນ: ສູນການຄ້າສິນຊັບດິຈິຕອນ, ບໍລິການ Blockchain, ບໍລິການນາຍໜ້າຊື້ຂາຍສິນຊັບດິຈິຕອນ, ບໍລິການເກັບຮັກສາສິນຊັບດິຈິຕອນ ແລະ ການບໍລິການອື່ນໆ ທີ່ກ່ຽວຂ້ອງ
ໃນປັດຈຸບັນ, BitKub ມີຜູ້ໃຊ້ຫຼາຍກວ່າ 5 ລ້ານຄົນ ແລະ ປະລິມານການຊື້ຂາຍຊັບສິນດິຈິຕອນຫຼາຍກວ່າ 100 ຕື້ບາດຕໍ່ມື້.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
