Binance ເວັບເທຣດຍັກໃຫຍ່ອັນດັບ 1 ຂອງໂລກປະກາດການເປີດຕົວໂຄງການ Launchpool ຄັ້ງທີ 46 ພ້ອມກັບຫຼຽນໃໝ່ “PIXEL” , ເຊິ່ງແມ່ນໂຄງການເກມໂຊຊຽວ Web3 ທີ່ຜູ້ຫຼິ້ນສາມາດໂຕ້ຕອບ, ແລກປ່ຽນ ແລະ ເຮັດກິດຈະກຳຮ່ວມກັນຜ່ານເກມໄດ້. ໂດຍຕົວເກມຈະຖືກສ້າງຂຶ້ນໃນເຄືອຂ່າຍ Ronin Blockchain ແລະ ຄາດວ່າຈະພ້ອມໃຫ້ໃຊ້ງານພາຍໃນ 24 ຊົ່ວໂມງກ່ອນທີ່ launchpool ຈະເປີດ.
ນັກລົງທຶນສາມາດເຮັດຟາມຫຼຽນ PIXEL ໄດ້ໂດຍກົງດ້ວຍການນຳເອົາ BNB ແລະ FDUSD ມາ stake ເປັນເວລາ 10 ມື້ ໂດຍຈະເລີ່ມແຕ່ວັນທີ 9 ກຸມພາ 2024 ເປັນຕົ້ນໄປ.
ຫຼັງຈາກສຳເລັດຂັ້ນຕອນການ stake ແລະ ຟາມໂທເຄັນແລ້ວ, ທາງ Binance ຈະເພິ່ມລາຍຊື່ຫຼຽນ PIXEL ເຂົ້າໃນລະບົບເທຣດໃນວັນທີ 19 ມັງກອນ 2024 ແລະ ຈະຈັບຄູ່ຊື້ຂາຍມີດັ່ງນີ້: PIXEL/BTC, PIXEL/ USDT, PIXEL/BNB, PIXEL/ FDUSD ແລະ PIXEL/TRY
ລາຍລະອຽດຂອງ PIXEL Launchpool
- ຊື່ໂທເຄັນ: Pixels (PIXEL)
- ການສະໜອງໂທເຄັນທັງໝົດ: 5,000,000,000 PIXEL
- ຮາງວັນ Launchpool Token: 350,000,000 PIXELI (7% ຂອງການສະໜອງ token ທັງໝົດ)
- ການສະໜອງການໝຸນວຽນເບື້ອງຕົ້ນ: 771,041,667 PIXEL (15.42% ຂອງການສະໜອງ token ທັງໝົດ)
- ລາຍລະອຽດ Smart contract: Ethereum, Ronin
- ເງື່ອນໄຂສໍາລັບການ staking: ຜູ້ໃຊ້ຈໍາເປັນຕ້ອງໄດ້ຢືນຢັນຕົວຕົນຂອງເຂົາເຈົ້າໃນຮູບແບບ KYC.
Hard Cap ລາຍຊົ່ວໂມງສູງສຸດຕໍ່ຜູ້ໃຊ້:
- 116,666.66 PIXEL ຖ້າ stake ດ້ວຍຫຼຽນ BNB
- 29,166.66 PIXEL ຖ້າ stake ດ້ວຍຫຼຽນ FDUSD
Pool ທີ່ຮອງຮັບ
- Stake BNB: ຈະໄດ້ຮັບຮາງວັນ 280,000,000 PIXEL, ກວມເອົາ 80% ຂອງຮາງວັນທັງໝົດ.
- Stake FDUSD: ຈະໃຫ້ຮາງວັນ 70,000,000 PIXEL, ກວມເອົາ 20% ຂອງຮາງວັນທັງໝົດ.
ທັງນີ້, ໄລຍະເວລາໃນການ staking ເພື່ອຟາມ tokens ຈະເລີ່ມຕົ້ນຕັ້ງແຕ່ວັນທີ 9 ເດືອນກຸມພາ 2024 ຈົນເຖິງກາງຄືນຂອງວັນທີ 18 ເດືອນກຸມພາ 2024.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
