Binance ແພລັດຟອມຊື້້ຂາຍ cryptocurrency ອັນດັບ 1 ຂອງໂລກ ໄດ້ສະເຫຼີມສະຫຼອງຄົບຮອບ 7 ປີທີ່ມີຜູ້ໃຊ້ງານຫຼາຍກວ່າ 200 ລ້ານຄົນ, ສະທ້ອນໃຫ້ເຫັນເຖິງການຂະຫຍາຍຕົວຢ່າງຕໍ່ເນື່ອງຂອງອຸດສາຫະກໍາ crypto.
ເພື່ອເປັນການສະເຫຼີມສະຫຼອງຄວາມສຳເລັດໃນຄັ້ງນີ້, Binance ໄດ້ເປີດຕົວແຄມເປນໃໝ່ “Be Binance”, ທີ່ຈະມອບຮາງວັນ ແລະ ກິດຈະກໍາຕ່າງໆໃຫ້ກັບຜູ້ໃຊ້ທົ່ວໂລກ.
ແຄມເປນ “Be Binance” ກວມເອົາຫຼາຍກວ່າ 19 ປະເທດທົ່ວໂລກ. ເຊິ່ງປະກອບມີທັງກິດຈະກໍາອອນລາຍ ແລະ ອອຟລາຍເຊັ່ນ: ການພົບປະຂອງຜູ້ໃຊ້, Virtual events , ການແຂ່ງຂັນໃນ social media ແລະ ໂປຣໂມຊັນພິເສດຕ່າງໆ. ຜູ້ໃຊ້ຍັງສາມາດເຂົ້າຮ່ວມມ່ວນຊື່ນກັບກິດຈະກຳແຈກຂອງຮາງວັນຜ່ານ social media ແລະ ຊຸມຊົນ Binance Square ພຽງຕອບຄໍາຖາມ ແລະ ແບ່ງປັນປະສົບການຂອງທ່ານກ່ຽວກັບ Binance ເພື່ອລຸ້ນຮັບຮາງວັນ BNB tokens ມູນຄ່າທັງໝົດ 7,000 ໂດລາ ແລະ ຂອງທີ່ລະນຶກອີກຫຼາຍຢ່າງ
ສຳລັບກິດຈະກຳອອຟລາຍ ແມ່ນຈະຈັດຂຶ້ນໃນ 19 ປະເທດທົ່ວໂລກ, ລວມທັງສະຫະລັດອາຣັບເອມີເຣດ, ອອສເຕຣເລຍ, ນິວຊີແລນ, ບຸນກາຣີ, ສະເປນ ແລະ ເບນິນ.
Binance ໄດ້ເຕີບໂຕຢ່າງໄວວາພາຍໃນ 5 ປີທໍາອິດ, ໂດຍມີຜູ້ໃຊ້ຄົບ 100 ລ້ານຄົນ ແລະ ເພີ່ມຂຶ້ນເປັນ 200 ລ້ານຄົນໃນສອງປີຕໍ່ມາ, ສະແດງໃຫ້ເຫັນອັດຕາການເຕີບໂຕທີ່ໄວກວ່າ 2 ເທົ່າ. Binance ປັດຈຸບັນມີປະລິມານການຊື້ຂາຍປະຈໍາວັນຫຼາຍກວ່າ 25,300 ລ້ານໂດລາສະຫະລັດ, ເຊິ່ງນີ້ແມ່ນຫຼາຍກວ່າແພລັດຟອມອັນດັບສອງຄື Coinbase ເຖິງ 7 ເທົ່າ.
Rachel Conlan ຫົວໜ້າຝ່າຍການຕະຫຼາດຂອງ Binance ກ່າວວ່າ
“ພວກເຮົາມຸ່ງໝັ້ນທີ່ຈະສຶກສາອົບຮົມໃຫ້ແກ່ຜູ້ຄົນໃນທົ່ວໂລກກ່ຽວກັບວິທີການທີ່ຈະເຮັດໃຫ້ສິນຊັບດິຈິຕອນສາມາດຊ່ວຍໃຫ້ຊີວິດຂອງພວກເຂົາດີຂຶ້ນ ແລະ ສະແດງໃຫ້ເຫັນເຖິງການນໍາໃຊ້ທີ່ກວ້າງຂວາງຂອງສິນຊັບ crypto”.
Binance ຕັ້່້ງເປົ້າໝາຍທີ່ຈະເຂົ້າເຖິງຜູ້ໃຊ້ Web3 ຈຳນວນ 1 ຕື້ຄົນທໍາອິດ, ເຊິ່ງ Conlan ຄິດວ່າແມ່ນເປົ້າໝາຍທີ່ທ້າທາຍ ແຕ່ກໍສາມາດບັນລຸໄດ້. “ໃນສອງສາມປີກ່ອນ, ການເຂົ້າເຖິງຜູ້ໃຊ້ 200 ລ້ານຄົນເບິ່ງຄືວ່າເປັນໄປບໍ່ໄດ້, ແຕ່ມື້ນີ້ການນໍາເອົາຜູ້ໃຊ້ 1 ຕື້ຄົນທໍາອິດມາສູ່ Web3 ກັບກາຍເປັນສິ່ງທີ່ເຮົາຈະສາມາດຈັບຕ້ອງໄດ້ຫຼາຍຂຶ້ນ”
ການຄົບຮອບ 7 ປີຂອງ Binance ນັບເປັນອີກ 1 ບົດພິສູດຄວາມສໍາເລັດ ແລະ ທ່າແຮງຂອງແພລັດຟອມ. ໃນການເປັນຜູ້ນໍາໃນການຊື້ຂາຍ cryptocurrency ແລະຊຸກຍູ້ການຂະຫຍາຍຕົວຂອງອຸດສາຫະກໍາໄປສູ່ເປົ້າໝາຍໃໝ່.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
