ເຕັກໂນໂລຊີປັນຍາປະດິດ (AI) ກໍາລັງປ່ຽນແປງໂລກຂອງພວກເຮົາຢ່າງໄວວາ. ເທຣນໃໝ່ເຫຼົ່ານີ້ກໍາລັງຊຸກຍູ້ຂອບເຂດຂອງສິ່ງທີ່ເປັນໄປໄດ້ບໍ່ໄດ້ໃຫ້ເປັນໄປໄດ້ ເພື່ອນໍາໄປສູ່ການພັດທະນາທີ່ໜ້າຕື່ນເຕັ້ນ ແລະ ການປະຫຍຸກໃຊ້ທີ່ຫຼາກຫຼາຍ.
KBTG ໄດ້ນໍາສະເໜີ 5 ເທຣນດ້ານເຕັກໂນໂລຊີປັນຍາປະດິດ (AI) ທີ່ພັດທະນາຢ່າງຕໍ່ເນື່ອງ ແລະ ວ່ອງໄວໃນປີ 2024. ເຊີ່ງຄາດວ່າຈະມີເທຣນສໍາຄັນທີ່ຄວນຈັບຕາເບິ່ງດັ່ງຕໍ່ໄປນີ້:
1. LVM AI (Large Vision Model based on Transformer): ເຕັກໂນໂລຊີ AI ການປະມວນຜົນຮູບພາບຂັ້ນສູງນີ້ ຈະຊ່ວຍເຮັດໃຫ້ລະບົບ AI ສາມາດເຂົ້າໃຈຮູບພາບໄດ້ຢ່າງເລິກເຊິ່ງ. ເຕັກໂນໂລຊີນີ້ຈະນຳໄປສູ່ລະບົບການຈົດຈຳໃບໜ້າທີ່ຖືກຍິ່ງຂຶ້ນ, ການກວດສອບວັດຖຸຕ້ອງຫ້າມທີ່ມີປະສິດທິພາບ ແລະ ການວິເຄາະການຈະລາຈອນອັດສະລິຍະ
2. Multi-Modal AI: ເຕັກໂນໂລຊີ AI ທີ່ເຂົ້າໃຈຂໍ້ມູນໃນຫຼາຍຮູບແບບ ປູທາງໄປສູ່ການສື່ສານທາງຄອມພິວເຕີຂອງມະນຸດ-ຄອມພິວເຕີທີ່ເປັນທໍາມະຊາດຍິ່ງຂຶ້ນ. ລະບົບການແປພາສາອັດຕະໂນມັດທີ່ລາບລື່ນ, ລະບົບຕອບອັດຕະໂນມັດອັດສະລິຍະ ແລະ ລະບົບການແນະນໍາຜະລິດຕະພັນທີ່ຖືກໃຈຜູ້ໃຊ້ ທີ່ລໍຖ້າໃຫ້ທ່ານສໍາຜັດ
3. Multi-Agent AI: ເຕັກໂນໂລຊີ AI ທີ່ເຮັດວຽກຮ່ວມກັນເປັນທີມ ຊ່ວຍໃຫ້ລະບົບ AI ມີຄວາມຍືດຫຍຸ່ນ ແລະ ປະຕິບັດວຽກງານໄດ້ຫຼາກຫຼາຍ. ລະບົບຂັບເຄື່ອນອັດຕະໂນມັດທີ່ປອດໄພ, ລະບົບການຄວບຄຸມການຈະລາຈອນທີ່ມີປະສິດທິພາບ ແລະລະບົບຄວາມປອດໄພທີ່ດີກວ່າ ລ້ວນເປັນໄປໄດ້ດ້ວຍເຕັກໂນໂລຊີນີ້.
4. Rational AI: ເຕັກໂນໂລຊີ AI ທີ່ສາມາດຄິດວິເຄາະ ແລະ ຕັດສິນໃຈໄດ້ຢ່າງສົມເຫດສົມຜົນ. ລະບົບການວິນິດໄສໂຣກທີ່ຖືກຕ້ອງ, ລະບົບກົດໝາຍທີ່ຍຸຕິທຳ ແລະລະບົບການເງິນທີ່ສະຫຼາດ ລ້ວນແຕ່ເປັນຕົວຢ່າງຂອງສັກກະຍາພາບທີ່ Rational AI ນໍາສະເໜີ.
5. Domain-Specific AI: ເຕັກໂນໂລຊີ AI ທີ່ປັບແຕ່ງໃຫ້ເໝາະກັບວຽກງານສະເພາະ ຊ່ວຍໃຫ້ໝັ້ນໃຈໃນປະສິດທິພາບ ແລະ ຄວາມຖືກຕ້ອງສູງສຸດ. ລະບົບກວດຫາໂຣກມະເຮັງທີ່ວ່ອງໄວ, ລະບົບການຄາດເດົາລາຄາຫຼັກຊັບທີ່ຖືກຕ້ອງ ແລະ ລະບົບການວິເຄາະຂໍ້ມູນທາງດ້ານການເງິນຢ່າງເລິກເຊິ່ງ ລ້ວນເປັນຜົນໄດ້ຮັບທີ່ຄາດຫວັງໄດ້ຈາກເຕັກໂນໂລຊີນີ້.
ເທຣນເຫຼົ່ານີ້ສະແດງໃຫ້ເຫັນເຖິງອະນາຄົດທີ່ AI ມີບົດບາດສໍາຄັນ, ເຕັກໂນໂລຊີເຫຼົ່ານີ້ຈະຊຸກຍູ້ການພັດທະນາທີ່ໜ້າເຫຼືອເຊື່ອ. ປັບປຸງຊີວິດຂອງພວກເຮົາ ແລະ ປ່ຽນໂລກຂອງພວກເຮົາໄປຢ່າງສິ້ນເຊີງ
ຢ່າງໃດກໍຕາມ, ຍັງມີບັນຫາດ້ານຈັນຍາບັນ ແລະ ຄວາມປອດໄພທີ່ຕ້ອງໄດ້ຮັບການພິຈາລະນາພ້ອມກັບການພັດທະນາເຕັກໂນໂລຊີ AI ແລະ ການນໍາໃຊ້ AI ຢ່າງມີຄວາມຮັບຜິດຊອບ ແລະ ໂປ່ງໃສຂອງ AI.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
