ລັດຖະມົນຕີກະຊວງກະສິກຳຂອງນິວຊີແລນປະກາດ ການສົ່ງອອກສັດທີ່ຍັງມີຊີວິດຜ່ານທາງທະເລ ຫຼື ເຮືອ ຮອບສຸດທ້າຍໄດ້ສິ້ນສຸດລົງແລ້ວ ແລະ ການສົ່ງອອກສັດທີ່ມີຊີວິດຈາກນິວຊີແລນໄດ້ຢຸດແລ້ວ. ໃນຂະນະທີ່ນິວຊີແລນປະຕິບັດຢ່າງເຕັມທີ່ກ່ຽວກັບການສົ່ງອອກສັດທີ່ມີຊີວິດ ໂດຍຄຳນຶງເຖິງສະຫວັດດີພາບຂອງສັດ.
ໂດຍຢ້ອນກັບໄປກ່ອນໜ້ານີ້ເມື່ອປີ 2021 ລັດຖະບານນິວຊີແລນ ໄດ້ມີການປະກາດມາແລ້ວວ່າການສົ່ງອອກສັດນອກຊາຍຝັ່ງ ເຊິ່ງສ່ວນໃຫຍ່ໃຊ້ໃນການຄ້າຂາຍສັດກັບຈີນຈະໄດ້ຍຸຕິລົງ ເຊິ່ງຊາວກະສິກອນຈະໄດ້ຮັບເວລາປະມານ 2 ປີ ໃນການຫັນປ່ຽນອອກຈາກທຸລະກິດສົ່ງອອກ ທີ່ໄດ້ກຳໄລນີ້.
![](https://laox.la/wp-content/uploads/2023/04/image-318.png)
ໂດຍ ເດມຽນ ໂອຄອນເນີ ລັດຖະມົນຕີກະຊວງກະສິກຳຂອງນິວຊີແລນ ລະບຸໃນຖະແຫຼງການວ່າ: “ຕໍາແໜ່ງຂອງປະເທດຂອງພວກເຮົາທີ່ຕັ້ງຢູ່ໃນແຜນທີ່ນັ້ນ ໝາຍຄວາມວ່າການເດີນທາງໄປຕະຫຼາດໃນຂວັ້ນໂລກເໜືອມັກຈະເປັນການເດີນທາງທີ່ຍາວນານ ແລະ ນີ້ເຮັດໃຫ້ສິ່ງທ້າທາຍດ້ານຄວາມປອດໄພຂອງສັດບໍ່ສາມາດຫຼີກເວັ້ນໄດ້”.
![](https://laox.la/wp-content/uploads/2023/04/image-319.png)
ການສົ່ງອອກສັດທີ່ມີຊີວິດທາງທະເລກວມເອົາປະມານ 0,32% ຂອງລາຍຮັບຂອງສິນຄ້າສົ່ງອອກທີ່ສໍາຄັນຂອງນິວຊີແລນ ເຊິ່ງລວມເຖິງພາກກະສິກຳ ແລະ ບໍ່ແຮ່ ນັບຕັ້ງແຕ່ໄລຍະປີ 2015 ເປັນຕົ້ນມາ. ຍອດມູນຄ່າການສົ່ງອອກສັດມີຊີວິດໃນປີ 2022 ແມ່ນມີປະມານ 524 ລ້ານໂດລາ ນິວຊີແລນ ຫຼື ປະມານ 322,78 ລ້ານໂດລາສະຫະລັດ.
![](https://laox.la/wp-content/uploads/2023/04/image-320.png)
ໂດຍສາເຫດສຳຄັນ ທີ່ເຮັດໃຫ້ ນິວຊີແລນ ຕັດສິນໃຈທົບທວນເລື່ອງ ຢຸດການສົ່ງອອກສັດທີ່ຍັງມີຊີວິດ ທາງເຮືອ ກໍຄືເມື່ອປີ 2020 ຫຼັງຈາກເກີດອຸບັດຕິເຫດ ເຮືອຂົນສົ່ງງົວລຳໜຶ່ງທີ່ຈະໄປປະເທດຈີນໄດ້ຈົມລົງ. ເປັນເຫດເຮັດໃຫ້ງົວຕາຍກວ່າ 6.000 ໂຕ ແລະ ພະນັກງານໃນເຮືອ 41 ຄົນຈາກ 43 ຄົນເສຍຊີວິດ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/