ໃນປັດຈຸບັນ ປະເທດລາວເຮົາເປັນປະເທດໜຶ່ງທີ່ຍັງນຳເຂົ້າສິນຄ້າຈາກປະເທດເພື່ອນບ້ານຫຼາຍພໍສົມຄວນ ແລະ ໃນດ້ານກະສິກຳຂອງລາວເຮົານັ້ນກໍຍັງບໍ່ທັນກວ້າງໄກ ແຕ່ກໍຍັງມີຫຼາຍແຂວງຫຼາຍກະສິກຳປູກຝັງລ້ຽງສັດ ທີ່ເປັນການສ້າງທຶນດ້ວຍທຶນຂອງຕົນເອງ ພ້ອມທັງມີຫຼາຍຄອບຄົວທີ່ສາມາດປ່ຽນອາຊີບເຮັດໄຮ່ເຮັດນາ ຫັນມາເຮັດກະສິກຳປູກຝັງ ເຊິ່ງມີຫຼາຍແຂວງຫຼາຍບ້ານຫຼາຍຄອບຄົວທີ່ມີລາຍໄດ້ຫຼາຍກວ່າ 100 ລ້ານກີບຕໍ່ປີ ເຮັດໃຫ້ປະຊາຊົນທີ່ເຮັດກະສິກຳສາມາດລ້ຽງຊີບຕົນເອງໄດ້ ແລະ ຍັງມີສິນຄ້າທີ່ມີຄຸນະພາບ ສົ່ງອອກຕ່າງແຂວງນຳອີກດ້ວຍ.
ຄອບຄົວ ທ່ານ ອ່ອນທອງ ບ້ານຍຳ ເມືອງຊຽງຄໍ້ ແຂວງຫົວພັນ ກໍເປັນອີກຄອບຄົວໜຶ່ງ ທີ່ເປັນຄອບຄົວຕົວແບບເຮັດກະສິກຳປູກຝັງ ເຊິ່ງແຕ່ກ່ອນເປັນຄອບຄົວທີ່ຍັງຂາດເຂີນດ້ານການເງິນ ຈຶ່ງໄດ້ມາເຮັດກະສິກຳປູກຕົ້ນໄມ້ໃຫ້ໝາກ ຕັ້ງແຕ່ປີ 1997 ຈົນມາຮອດປັດຈຸບັນ, ໃນແຕ່ລະປີມີລາຍໄດ້ເຖິງ 100 ລ້ານກີບ ເຊິ່ງສາມາດລ້ຽງຊີບຄອບຄົວໄດ້ດີຫຼາຍກວ່າແຕ່ກ່ອນ.
![](https://laox.la/wp-content/uploads/2021/03/image-262.png)
ທ່ານ ອ່ອນທອງ ເມື່ອກ່ອນກໍເປັນຄອບຄົວໜຶ່ງ ທີ່ຖືເອົາການເຮັດນາປູກເຂົ້າ ເຊິ່ງໃນແຕ່ລະປີໄດ້ຂາຍອອກແຕ່ກໍຍັງບໍ່ກຸ້ມກິນ, ຊີວິດການເປັນຢູ່ຍັງຄົງຫຍຸ້ງຍາກຂາດເຂີນ ເວລາເຈັບເປັນເອັນອຸ່ນກໍບໍ່ມີງເງິນປິ່ນປົວ.
ມາຮອດປີ 1997 ເພິ່ນຈຶ່ງປ່ຽນມາປູກຕົ້ນໄມ້ໃຫ້ໝາກ ໃນເບື້ອງຕົ້ນນັ້ນໄດ້ເລີ່ມປູກໝາກລຳໄຍ ແລະ ປູກໝາກກະທັນ ສະຫຼັບໃສ່ຈຳນວນໜຶ່ງ, ພາຍຫຼັງທີ່ປູກໄດ້ 2-3 ປີ ເຫັນໄດ້ວ່າໝາກກະທັນນັ້ນງາມຂຶ້ນ ແລະ ໃຫ້ຜົນຜະລິດດີກວ່າ, ສາມາດສ້າງລາຍຮັບໃຫ້ແກ່ຄອບຄົວ.
![](https://laox.la/wp-content/uploads/2021/03/image-263.png)
ມາຮອດປີ 2005 ທ່ານ ອ່ອນທອງ ໄດ້ຂະຫຍາຍເນື້ອທີ່ອອກ ເພື່ອປູກໝາກກະທັນຕື່ມ ເຊິ່ງປີໜຶ່ງສາມາດຂາຍໄດ້ 60 ກວ່າລ້ານກີບຕໍ່ປີ, ຖ້າລວມກັບການຂາຍໝາກອື່ນໆ ມີລາຍໄດ້ເຖິງ 100 ລ້ານກີບ, ໃນເນື້ອທີ່ດິນເປົ່າຂອງເພິ່ນນັ້ນແມ່ນຍັງໄດ້ປູກຫົວສີໄຄເສີມໃສ່ກ້ອງກົກໝາກກະທັນ, ປູກໝາກເຜັດ, ໝາກເຂືອ ແລະ ການປູກນັ້ນແມ່ນບໍ່ໄດ້ໃສ່ປຸຸ໋ຍ, ໃສ່ພຽງຝຸ່ນຈາກທຳມະຊາດເປັນຕົ້ນເອົາຝຸ່ນງົວທີ່ເພິ່ນລ້ຽງເອງນັ້ນມາໃສ່. ນອກຈາກນີ້ ກໍຍັງໄດ້ລ້ຽງໝູປະກອບຕື່ມອີກດ້ວຍ.
ນອກຈາກປູກໝາກກະທັນແລ້ວຍັງປູກໝາກມ່ວງ, ໝາກລຳໄຍ ລ້ຽງສັດໃຫຍ່-ນ້ອຍ, ລ້ຽງປາ ແລະ ປູກພືດຜັກຕ່າງໆຕື່ມອີກ. ປັດຈຸບັນມີເນື້ອທີ່ປູກໄມ້ໃຫ້ໝາກປະມານ 5 ເຮັກຕາ, ມີເນື້ອທີ່ປູກໝາກກະທັນ 2 ເຮັກຕາ, ເນື້ອທີ່ປູກໝາກມ່ວງ 2 ເຮັກຕາ ແລະ ປູກໝາກລຳໄຍ 1 ເຮັກຕາ.
ນາຍບ້ານຍັງເວົ້າໃຫ້ຮູ້ຕື່ມອີກວ່າຄອບຄົວທ່ານ ອ່ອນທອງ ເປັນຄອບຄົວທີ່ເອົາໃຈໃສ່ດຸໝັ່ນຕໍ່ການເຮັດກະສິກຳ ແລະ ຍັງເປັນຄອບຄົວແບບຢ່າງໃຫ້ແກ່ບ້ານອີກດ້ວຍ.
ຂອບໃຈຂໍ້ມູນຈາກ: