ຄະນະກໍາມະການຫຼັກຊັບແຫ່ງຊາດອາເຈນຕິນາ (CNV) ໄດ້ຢືນຢັນໃນທ້າຍອາທິດວ່າ ໜ່ວຍງານຄຸ້ມຄອງດູແລຂອງອາເຈນຕິນາໄດ້ເຈລະຈາກັບໜ່ວຍງານຄຸ້ມຄອງດູແລຂອງ El Salvador ກ່ຽວກັບການຮອງຮັບເອົາ Bitcoin (BTC) ມາໃຊ້
ອີງຕາມການຖະແຫຼງການຢ່າງເປັນທາງການຈາກ CNV ແລະ ລາຍງານໂດຍ Criptonoticias. ເຈົ້າໜ້າທີ່ຜູ້ອາວຸໂສຈາກອາເຈນຕິນາໄດ້ພົບກັບຫົວໜ້າຄະນະກໍາມະການສິນຊັບດິຈິຕອນແຫ່ງຊາດຂອງ El Salvador ໃນອາທິດທີ່ຜ່ານມາ.
ໂດຍໃນການເຈລະຈາໄດ້ສຸມໃສ່ການຕີລາຄາບັນດາຂໍ້ຕົກລົງຮ່ວມມືທີ່ອາດຈະເກີດຂຶ້ນກ່ຽວກັບສິນຊັບດິຈິຕອນ.
Roberto Silva ປະທານ CNV ແລະ Patricia Boedo ຮອງປະທານາທິບໍດີ ເດີນທາງໄປ El Salvador ເພື່ອທຳຄວາມເຂົ້າໃຈວິທີການຂອງລັດຖະບານໃນການຄຸ້ມຄອງ BTC.
ຈຸດປະສົງຂອງການຢ້ຽມຢາມໃນຄັ້ງນີ້ແມ່ນເພື່ອເພີ່ມທະວີການພົວພັນກັບລັດຖະບານ El Salvador ແລະ ຊອກຫາໂອກາດໃນການຮ່ວມມື, ໂດຍມີ Bitcoin ເປັນຫົວຂໍ້ໃນການສົນທະນາ.
“ພວກເຮົາຕ້ອງການເພີ່ມທະວີການພົວພັນຂອງພວກເຮົາກັບ El Salvador. ດັ່ງນັ້ນ, ພວກເຮົາຈະຊອກຫາຄວາມເປັນໄປໄດ້ຂອງການລົງນາມໃນຂໍ້ຕົກລົງຮ່ວມມືກັບລັດຖະບານ El Salvador” ຮອງປະທານ CNV Patricia Boedo ກ່າວ.
ການຢ້ຽມຢາມດັ່ງກ່າວເປັນການຕິດຕາມກອງປະຊຸມທາງດ້ານວິຊາການເບື້ອງຕົ້ນຂອງ Boedo ໃນ El Salvador ໃນເດືອນມີນາ.
Juan Carlos Reyes, ປະທານຄະນະກໍາມະການສິນຊັບດິຈິຕອນແຫ່ງຊາດຂອງ El Salvador (CNAD) ໄດ້ເນັ້ນໜັກເຖິງບົດບາດຜູ້ນໍາຂອງອາເຈນຕິນາໃນຂະແໜງເຕັກໂນໂລຊີ. ລາວໄດ້ສະແດງຄວາມສົນໃຈໃນການເຮັດວຽກຢ່າງມີປະສິດທິພາບກັບ Bitcoin ແລະ ອຸດສາຫະກໍາຊັບສິນດິຈິຕອນຢ່າງມີປະສິດທິພາບເພື່ອສ້າງກົດລະບຽບທີ່ເໝາະສົມ.
Juan Carlos Reyes ກ່າວວ່າ
“ອາເຈນຕິນາເປັນຜູ້ບຸກເບີກໃນຂະແໜງເຕັກໂນໂລຊີ ແລະ CNV ກໍຕ້ອງການທີ່ຈະເຮັດວຽກຮ່ວມກັບອຸດສາຫະກໍາ Bitcoin ແລະ ສິນຊັບສິນດິຈິຕອນຢ່າງມີປະສິດທິພາບ ເພື່ອສ້າງກົດລະບຽບທີ່ເໝາະສົມ”.
ຂໍ້ຕົກລົງກັບ El Salvador ໄດ້ຖືກເຫັນວ່າເປັນການພັດທະນາໃນທາງບວກສໍາລັບຊຸມຊົນ Bitcoin ແລະ crypto ຂອງອາເຈນຕິນາ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
