ຫຼາຍຄົນຝັນເຖິງໃຝ່ຝັນເຖິງຊີວິດໃນໄວກະສຽນທີ່ໄດ້ພັກຜ່ອນ, ໃຊ້ເວລາກັບຄອບຄົວ, ເຮັດກິດຈະກໍາທີ່ມັກ ໂດຍບໍ່ມີການກັງວົນກ່ຽວກັບເງິນ. ແຕ່ກ່ອນທີ່ຈະມາຮອດຈຸດນັ້ນ ຈຳເປັນຕ້ອງໄດ້ມີການວາງແຜນ ແລະ ການກະກຽມຢ່າງຮອບຄອບ.
ໃນມື້ນີ້ເຮົາຈະມາແນະນຳໃຫ້ທ່ານລອງ “ໃຊ້ຊີວິດແບບກະສຽນກ່ອນໄວ” ເຊິ່ງແມ່ນການຈໍາລອງສະຖານະການກຽມຕົວໃຫ້ພ້ອມສຳລັບໄວກະສຽນຢ່າງແທ້ຈິງ. ໂດຍທ່ານສາມາດປະຕິບັດຕາມຄຳແນະນຳດັ່ງລຸ່ມນີ້:
1. ຫຼຸດຜ່ອນລາຍຈ່າຍ
- ກວດສອບຄືນຄ່າໃຊ້ຈ່າຍທີ່ຜ່ານມາ ເບິ່ງວ່າມີຫຍັງແດ່ທີ່ເຮົາສາມາດປະຢັດໄດ້.
- ກໍານົດເປົ້າໝາຍເພື່ອຫຼຸດຜ່ອນຄ່າໃຊ້ຈ່າຍເຊັ່ນ: ຫຼຸດຜ່ອນ 10% ຕໍ່ເດືອນ.
- ຊອກຫາວິທີທີ່ຈະຊ່ວຍປະຢັດ ເຊັ່ນ: ແຕ່ງກິນເອງແທນທີ່ຈະກິນເຂົ້ານອກ, ເລືອກຊື້ຂອງທີ່ຈໍາເປັນ, ໃຊ້ສ່ວນຫຼຸດໃນການຊື້ສິນຄ້າ, ຢຸດໃຊ້ການບໍລິການທີ່ບໍ່ຈໍາເປັນ…
2. ຫຼຸດຜ່ອນພາລະໜີ້ສິນ
- ປິດບັດເຄຣດິດທີ່ບໍ່ຈໍາເປັນ.
- ວາງແຜນຈັດການໜີ້ສິນທີ່ມີຢູ່.
- ຫຼີກເວັ້ນການສ້າງໜີ້ສິນໃໝ່
3. ວາງແຜນປະກັນສຸຂະພາບ
- ສຶກສາແຜນປະກັນສຸຂະພາບທີ່ເໝາະສົມກັບຕົນເອງ.
- ເລືອກແຜນປະກັນໄພທີ່ກວມເອົາຄ່າປິ່ນປົວທີ່ຈໍາເປັນ.
- ເລີ່ມຊື້ປະກັນໄພຕອນຍັງນ້ອຍ ເພື່ອເບ້ຍປະກັນທີ່ຕໍ່າ
4. ຈັດລຽງຫຼັກຊັບການລົງທຶນ
- ສຶກສາປະເພດການລົງທຶນທີ່ມີຄວາມສ່ຽງຕໍ່າເຊັ່ນ: ເງິນຝາກມີກໍານົດ, ກອງທຶນຕະຫຼາດເງິນ…
- ກະຈາຍການລົງທຶນໃນສິນຊັບສິນທີ່ຫຼາກຫຼາຍປະເພດ.
- ລົງທຶນໃນໄລຍະຍາວເພື່ອຫຼຸດຜ່ອນຄວາມສ່ຽງ.
5. ທ່ຽວໃຫ້ໜ້ອຍລົງ
- ປັບແຜນການເດີນທາງໃຫ້ສອດຄ່ອງກັບງົບປະມານ.
- ເລືອກທີ່ຈະເດີນທາງພາຍໃນປະເທດແທນທີ່ຈະໄປຕ່າງປະເທດ.
- ຊອກຫາຖ້ຽວບິນ ແລະ ໂປຣໂມຊັນທີ່ພັກລາຄາຖືກ.
6. ອອກກໍາລັງກາຍ
- ໝັ່ນອອກກຳລັງກາຍຢ່າງສະໝໍ່າສະເໝີ
- ເລືອກປະເພດຂອງການອອກກໍາລັງກາຍທີ່ເໝາະສົມສໍາລັບອາຍຸ ແລະ ສຸຂະພາບຂອງຕົນເອງ.
- ລອງອອກກໍາລັງກາຍເປັນກຸ່ມເພື່ອເພີ່ມແຮງຈູງໃຈ.
ລອງໃຊ້ຄໍາແນະນໍາເຫຼົ່ານີ້ໄປປັບໃຊ້ກັບຕົວທ່ານເອງໃຫ້ຄ້າຍຄືກັບການເຝິກຊ້ອມກ່ອນລົງສະໜາມຕົວຈິງ. ເພາະມັນຈະຊ່ວຍໃຫ້ທ່ານກຽມພ້ອມທີ່ຈະຈັດການກັບຊີວິດໃນໄວກະສຽນຢ່າງໝັ້ນໃຈ, ມີຄວາມສຸກກາຍ ສຸກໃຈ ແລະ ສະບາຍເງິນໃນກະເປົາອີກດ້ວຍ
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
