ອີງຕາມການລາຍງານຂອງ Bloomberg ໃນມື້ນີ້, Zhu Su ຜູ້ກໍ່ຕັ້ງ Three Arrows Capital ເຊິ່ງລົ້ມລະລາຍໃນປີ 2022, ໄດ້ຖືກຈັບຢູ່ສິງກະໂປແລ້ວ ແລະ ໄດ້ຖືກສານສິງກະໂປຕັດສິນໃຫ້ຈຳຄຸກ 4 ເດືອນ.
ໂດຍ Teneo ຜູ້ຊຳລະໜີ້ຂອງບໍລິສັດ Three Arrows Capital ໄດ້ອອກມາຢືນຢັນວ່າ Su Zhu ໄດ້ຖືກຈັບຢູ່ສະໜາມບິນໃນຕອນບ່າຍຂອງວັນທີ 29 ໃນຂະນະທີ່ພະຍາຍາມຫຼົບໜີອອກຈາກສິງກະໂປ. ແລະໃນວັນທີ 25 ກັນຍາທີ່ຜ່ານມາ, Teneo ກໍໄດ້ຮັບການອອກໝາຍຈັບ ແລະ ຕັດສິນຈຳຄຸກ 4 ເດືອນຈາກສານໃນຂໍ້ຫາທີ່ Zhu Su ບໍ່ໃຫ້ຄວາມຮ່ວມມືໃນການສືບສວນ ແລະ ຈົງໃຈທີ່ຈະບໍ່ປະຕິບັດຕາມຄຳສັ່ງຂອງສານ. ໂດຍຕົວຂອງເຂົານັ້ນພະຍາຍາມທີ່ຈະຫຼົບໜີກ່ອນທີ່ຈະຖືກຈັບທີ່ສະໜາມບິນໃນຂະນະທີ່ກຳລັງຈະເດີນທາງອອກນອກປະເທດ.
ຈາກຄຳຕັດສິນຂອງສານນີ້ ຜູ້ຊຳລະບັນຊີຂອງ Teneo ສາມາດຍື່ນຄໍາຮ້ອງຂໍຕໍ່ສານໄດ້ ເພື່ອຮັບປະກັນວ່າ Zhu Su ຈະສາມາດປະຕິບັດຕາມຄໍາສັ່ງຂອງສານໄດ້. ລວມເຖິງການໃຫ້ຂໍ້ມູນ ແລະ ເອກະສານທີ່ກ່ຽວຂ້ອງກັບ 3AC ໃນລະຫວ່າງ ແລະ ຫຼັງຈາກການຈໍາຄຸກຂອງລາວ.
ໃນທ້າຍເດືອນມິຖຸນາທີ່ຜ່ານມາ, Crypto hedge fund Three Arrows Capital ໄດ້ຮັບຄຳສັ່ງໃຫ້ຊໍາລະບັນຊີໂດຍສານໃນໝູ່ເກາະ British Virgin. ກ່ອນທີ່ຈະຍື່ນຟ້ອງລົ້ມລະລາຍໃນຕົ້ນເດືອນກໍລະກົດ.
ເຊິ່ງການຍື່ນໃຫ້ລົ້ມລະລາຍໃນຄັ້ງນັ້ນ ສາເຫດເກີດມາຈາກການສູນເສຍຢ່າງໜັກຂອງກອງທຶນ. ຫຼັງຈາກທີ່ຕ້ອງປະເຊີນກັບການຫຼຸດລົງທີ່ຮ້າຍແຮງໃນຕະຫຼາດ crypto. ລວມເຖິງການທີ່ກອງທຶນດັ່ງກ່າວນັ້ນໄດ້ເປັນຜູ້ໃຫ້ກູ້ຢືມກັບບໍລິສັດ crypto ຫຼາຍແຫ່ງທີ່ບໍ່ສາມາດຊໍາລະຄືນເງິນໄດ້ເຊັ່ນ BlockFi, Celsius, Babel Finance ແລະ Voyager Digital.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
