ສະຫະລັດອາຣັບເອມິເລດ ກຽມສັກວັກຊີນໃຫ້ແກ່ເດັກນ້ອຍອາຍຸ 3 ປີຂຶ້ນໄປ


ເມື່ອວັນທີ 5 ສິງຫາທີ່ຜ່ານມາ ສຳນັກຂ່າວຊິນຫົວຂອງປະເທດຈີນ ໄດ້ລາຍງານວ່າ ປັດຈຸບັນ, ກະຊວງສາທາລະນະສຸກຂອງສະຫະລັດອາຣັບເອມິເລດ ໄດ້ອະນຸມັດການສັກວັກຊີນປ້ອງກັນເຊື້ອພະຍາດໂຄວິດ-19 ໃຫ້ແກ່ເດັກທີ່ມີອາຍຸລະຫວ່າງ 3-17ປີ  ໂດຍນຳໃຊ້ວັກຊີນຂອງ ຊີໂນຟາມ (Sinopharm) ທີ່ຄິດຄົ້ນໂດຍປະເທດຈີນ ຫຼັງຈາກທີ່ໄດ້ເລີ່ມທົດລອງສັກວັກຊີນຊະນິດດັ່ງກ່າວ ພ້ອມກັບຕິດຕາມອາການຂອງລະບົບພູມຕ້ານທານ ໃນເດັກຈຳນວນ 900ຄົນ ໃນເດືອນພຶດສະພາທີ່ຜ່ານມາ.

ນອກຈາກນັ້ນ, ໃນໄລຍະເດືອນມິຖຸນາ ລັດຖະບານຂອງສະຫະລັດອາຣັບເອມິເລດ ຍັງໄດ້ເລີ່ມການສັກວັກຊີນປ້ອງກັນໂຄວິດ-19 ຍີ່ຫໍ້ໄຟເຊີ ໄບໂອເອັນເທັກ (Pfizer BioNTech) ໃຫ້ແກ່ເດັກພາຍໃນປະເທດທີ່ມີອາຍຸລະຫວ່າງ 12-15ປີ  ເປັນຕົ້ນມາ.  

ຫຼ້າສຸດໃນວັນທີ 12 ສິງຫານີ້, ສະຫະລັດອາຣັບເອມິເລດ ແມ່ນໄດ້ສັກວັກຊີນໃຫ້ແກ່ປະຊາຊົນພາຍໃນປະເທດແລ້ວ ຫຼາຍກວ່າ 81,33% ສຳລັບເຂັມທຳອິດ ແລະ ມີຈຳນວນ 72,59% ທີ່ໄດ້ຮັບຄົບ 2 ເຂັມແລ້ວ. ສຳລັບຕົວເລກຜູ້ຕິດເຊື້ອທັງໝົດພາຍໃນປະເທດສະຫະລັດອາຣັບເອມິເລດແມ່ນມີທັງໝົດ 696,906ຄົນ ເສຍຊີວິດແລ້ວ 1,988ຄົນ.

ທີ່ມາ​:

https://bit.ly/3lU4QAz

https://bit.ly/3m0PDh1

ພາບ: India Today, Time Out Dubai

ຕິດຕາມຂ່າວທັງໝົດຈາກ LaoX: https://laox.la/all-posts/

ຂ່າວຕ່າງປະເທດ

#HOD#LaoXສະຫະລັດອາຣັບເອມິເລດເດັກນ້ອຍເອມິເລດ

error: Content is protected !!