ເມື່ອບໍ່ດົນມານີ້, ທີມງານທີ່ຢູ່ເບື້ອງຫຼັງຫຼຽນໝາຍອດນິຍົມຄື Shiba Inu (SHIB) ໄດ້ມີການປະກາດເປີດຕົວໃນວາລະສານ The Shib ສະບັບທີ 2 ກ່ຽວກັບການຮ່ວມມືກັບນັກກິລາທີ່ມີຊື່ສຽງທ່ານໜຶ່ງ ແລະ ກຽມພ້ອມທີ່ຈະແຈກຢາຍໂທເຄັນ (NFT) ຈຳນວນ 3,000 ລາຍການໃຫ້ແກ່ຜູ້ໂຊກດີ.
ຜູ້ຄົນໃນຊຸມຊົນ SHIB ຕ່າງກໍພາກັນສົງໄສວ່າບຸກຄົນນີ້ແມ່ນໃຜ? ເຊິ່ງກໍໄດ້ມີການສັນນິດຖານຈາກວິດີໂອທີ່ໄດ້ໂພສລົງໃນແພລັດຟອມ X ວ່າອາດຈະເປັນນັກກິລາຕີມວຍ.ໂດຍຄວາມຄິດເຫັນທີ່ຮັບຄວາມນິຍົມຫຼາຍສຸດໄດ້ຊີ້ໄປທີ່ຕຳນານນັກມວຍລາຍໜຶ່ງ ເຊິ່ງຂ່າວລືດັ່ງກ່າວກໍໄດ້ກາຍເປັນຈິງ ເພາະວ່າຜູ້ທີ່ຈະຮ່ວມໂຄງການໃນຄັ້ງນີ້ແມ່ນອະດີດນັກມວຍມືອາຊີບຊາວຟິລິບປິນ “Manny Pacquiao” ເຊິ່ງລາວໄດ້ເປີດເຜີຍຂໍ້ຕົກລົງໃນແພລັດຟອມ X ຜ່ານທາງໜ້າ page Manny Pacquiao Foundation.
ໂດຍ Manny Pacquiao ໄດ້ກ່າວວ່າ “ຂໍຂອບໃຈຊຸມຊົນ SHIB ທີ່ສະໜັບສະໜູນ Manny Pacquiao Foundation ຂອງພວກເຮົາ, ພວກເຮົາຮູ້ສຶກຕື່ນເຕັ້ນຫຼາຍກັບການຮ່ວມມືໃນຄັ້ງນີ້, ຂໍໃຫ້ພະເຈົ້າອວຍພອນເຈົ້າ”
Manny Pacquiao ນັ້ນແມ່ນບຸກຄົນທີ່ມີຊື່ສຽງ ເປັນທີ່ຈົດຈໍາ ແລະ ໄດ້ຮັບການເຄົາລົບນັບຖືຢູ່ໃນວົງການຕີມວຍ. Manny Pacquiao ໄດ້ຮັບໄຊຊະນະເຖິງ 62 ຄັ້ງໃນ 72 ນັດຈາກການແຂ່ງຂັນຕີມວຍມືອາຊີບຂອງລາວ. ນອກຈາກນີ້ Manny Pacquiao ຍັງເປັນນັກມວຍຄົນທໍາອິດໃນປະຫວັດສາດທີ່ໄດ້ຄວ້າໄຊຊະນະ lineal ໃນຫ້າຮຸ່ນນ້ຳໜັກທີ່ແຕກຕ່າງກັນ ແລະ ເຂົາຍັງຮັກສາສະຖິຕິຂອງການເປັນນັກມວຍຄົນດຽວທີ່ຖືຄອງແຊ້ມໂລກໃນສີ່ທົດສະວັດທີ່ແຕກຕ່າງກັນໃນຊຸມປີ 1990, 2000, 2010 ແລະ 2020.
ໂດຍທ່າອ່ຽງຫຼ້າສຸດຂອງ SHIB ໃນວັນພຸດທີ່ຜ່ານມາ, ລາຄາຂອງ Shiba Inu (SHIB) ໄດ້ເພີ່ມຂຶ້ນ 20% ໃນ 30 ມື້ທີ່ຜ່ານມາ, ເຊິ່ງຜົນການດຳເນີນງານໃນເຊີງບວກອາດຈະເປັນຜົນຍ້ອນການພັດທະນາຂອງ Shibarium ແລະ ການດຳເນີນການຕາມໂປຣແກຣມການການເຜົາໄໝ້ໂທເຄັນ SHIB ທີ່ໄດ້ປະສົບຜົນສໍາເລັດ.
Shibarium ນັ້ນໄດ້ເປີດຕົວຢ່າງເປັນທາງການໃນທ້າຍເດືອນສິງຫາ ແລະ Shiba Inu ໄດ້ຜ່ານຫຼາຍເຫດການສໍາຄັນນັບຕັ້ງແຕ່ນັ້ນມາ. ຈໍານວນບລັອກທັງໝົດໃນເຄືອຂ່າຍໄດ້ເກີນ 1.5 ລ້ານແລ້ວ, ໃນຂະນະທີ່ຈໍານວນການເຮັດທຸລະກໍາທັງໝົດແມ່ນເກືອບ 4 ລ້ານລາຍການ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
