ສຳນັກຂ່າວ Bloomberg ລາຍງານວ່າ ກະຊວງການເງິນຂອງລັດຖະບານ ສະຫະລັດອາເມຣິກາ ຕ້ອງພິມເງິນອອກມາເປັນຈຳນວນຫຼາຍແບບທີ່ບໍ່ເຄີຍມີມາກ່ອນ ດ້ວຍຈຳນວນກວ່າ 2 ລ້ານໂດລາຕໍ່ນາທີ ເພື່ອມາໃຊ້ໜີ້ດອກເບ້ຍພັນທະບັດທີ່ສູງຂຶ້ນເລື້ອຍໆ.
ໂດຍກະຊວງການເງິນຂອງ ອາເມຣິກາ ຕ້ອງແບກຮັບພາລະໜີ້ສິນຫຼາຍຂຶ້ນ ຈາກໜີ້ດອກເບ້ຍພັນທະບັດ ຈາກການທີ່ທະນາຄານກາງ ຫຼື FED ຂຶ້ນດອກເບ້ຍ ແລະ ຕຶງອັດຕາດອກເບ້ຍໄວ້ທີ່ 5,25-5,5%.
ຈາກ ອັດຕາດອກເບ້ຍທີ່ເພີ່ມຂຶ້ນ, ໃນເດືອນກຸມພາ, ຫ້ອງການງົບປະມານຂອງລັດຖະສະພາຄາດຄະເນວ່າດອກເບ້ຍ ແລະ ເງິນປັນຜົນທີ່ຈ່າຍໃຫ້ບຸກຄົນຈະເພີ່ມຂຶ້ນເຖິງ 327 ຕື້ໂດລາສະຫະລັດໃນປີນີ້ ເຊິ່ງຫຼາຍກວ່າສອງເທົ່າຂອງຈໍານວນເງິນໃນກາງຊຸມປີ 2010 ແລະ ຈະສືບຕໍ່ເພີ່ມຂຶ້ນໃນແຕ່ລະປີ ໃນທົດສະວັດທີ່ຈະມາເຖິງ. ໃນເດືອນມີນາດຽວ, ກະຊວງການເງິນໄດ້ຈ່າຍດອກເບ້ຍປະມານ 89 ຕື້ໂດລາໃຫ້ແກ່ຜູ້ຖືໜີ້ ຫຼື ປະມານ 2 ລ້ານໂດລາຕໍ່ນາທີ.
ພັນທະບັດຂອງ ລັດຖະບານ ສະຫະລັດອາເມຣິກາ ໄດ້ຮັບຄວາມສົນໃຈເປັນຢ່າງສູງຈາກນັກລົງທຶນທົ່ວໂລກ ດ້ວຍຄວາມເຊື່ອໝັ້ນໃນເງິນໂດລາ ແລະ ເຊື່ອວ່າລັດຖະບານຈະສາມາດຈ່າຍໜີ້ຄືນໄດ້ແນ່ນອນ ແລະ ດ້ວຍຜົນຕອບທີ່ແທນຈາກດອກເບ້ຍທີ່ສູງເປັນປະຫວັດການນີ້ ເຮັດໃຫ້ນັກລົງທຶນທົ່ວໂລກແຫ່ມາຊື້ພັນທະບັດຂອງ ອາເມຣິກາ ຫຼາຍຂຶ້ນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
