ງົບດຸນຂອງລັດຖະບານສະຫະລັດກຳລັງເພີ່ມຂຶ້ນຢ່າງຫຼວງຫຼາຍ ໂດຍມີໜີ້ສິນເພີ່ມຂຶ້ນຫຼາຍກວ່າ 100 ຕື້ໂດລາພາຍໃນ 15 ມື້.
ຕົວເລກຫຼ້າສຸດຈາກລະບົບ FiscalData ຂອງລັດຖະບານຊີ້ໃຫ້ເຫັນວ່າ ໜີ້ຂອງປະເທດໄດ້ມີການເພີ່ມຂຶ້ນຈາກ 33,637 ພັນຕື້ໂດລາໃນຕົ້ນເດືອນພະຈິກເປັນ 33,740 ພັນຕື້ໂດລາໃນວັນທີ 16 ພະຈິກ, ເຊິ່ງເພີ່ມຂຶ້ນຫຼາຍກວ່າ 102,17 ຕື້ໂດລາ.
ໂດຍຕົວເລກດັ່ງກ່າວໄດ້ເຮັດໃຫ້ນັກວິເຄາະໃນວໍຊິງຕັນອອກມາຕັກເຕືອນກ່ຽວກັບສະຖານະການເງິນຂອງອາເມຣິກາ, ໂດຍ EJ Antoni ຈາກ Heritage Foundation ໄດ້ກ່າວວ່າ ຝ່າຍບໍລິຫານ Biden ເມີນເສີຍຕໍ່ຄໍາເຕືອນຈາກໜ່ວຍງານຈັດລໍາດັບ ແລະ ການໃຊ້ຈ່າຍແບບ “ບໍ່ສົນຫຍັງເລີຍ”.
“ໂລກກໍາລັງຕື່ນຂຶ້ນມາພົບກັບຄວາມເປັນຈິງທີ່ອາດຈະສົ່ງຜົນກະທົບຕໍ່ຊາວອາເມຣິກາຫຼາຍສິບລ້ານຄົນ. ຖ້າຫາກລັດຖະບານຍັງບໍ່ສາມາດຊຳລະໜີ້ໄດ້ໃນໄວໆນີ້.
ສະຖານະການດ້ານການເງິນກຳລັງເຂົ້າວິກິດການຮ້າຍແຮງຢ່າງໄວວາ ຈົນເຮັດໃຫ້ທ່າອ່ຽງໜີ້ສິນຂອງສະຫະລັດມີການປັບຕົວຫຼຸດລົງສອງສາມມື້ກ່ອນໜ້ານີ້ ແລະທຸກໆຢ່າງນັ້ນກໍຊ້າເກີນໄປແລ້ວ, ໂດຍສະຖານະການນີ້ຈະສົ່ງຜົນກະທົບຢ່າງຮ້າຍແຮງຕໍ່ຜູ້ເສຍພາສີ ແລະ ຜູ້ຖືພັນທະບັດ, ລວມທັງຜູ້ທີ່ກອງທຶນເງິນບໍານານອີກດ້ວຍ”
EJ Antoni ຍັງຢ້ຳອີກວ່າ ດອກເບ້ຍປະຈໍາປີສໍາລັບໜີ້ສິນຂອງລັດຖະບານກາງໃນປັດຈຸບັນແມ່ນຫຼາຍກວ່າ 1 ພັນຕື້ໂດລາ ແລະ ກຳລັງເພີ່ມຂຶ້ນຢ່າງໄວວາ.
“ຄ່າໃຊ້ຈ່າຍດອກເບ້ຍໃນປັດຈຸບັນແມ່ນຄ່າໃຊ້ຈ່າຍທີ່ໃຫຍ່ທີ່ສຸດເປັນອັນດັບ 3 ຂອງລັດຖະບານກາງ ເຊິ່ງເປັນຮອງພຽງຈາກສຳນັກງານປະກັນສັງຄົມ ແລະ ພະແນກສາທາລະນະສຸກ ແລະ ການບໍລິການເທົ່ານັ້ນ.
ແລະອີກບໍ່ດົນຫາຍະນະກໍຈະເກີດຂຶ້ນ, ໃນຕອນທີ່ສິ່ງຕ່າງໆໄດ້ຮ້າຍແຮງຂຶ້ນເລື້ອຍໆເກີນກວ່າຈະສາມາດຄວບຄຸມໄດ້ ແລະ ມັນເປັນທີ່ຊັດເຈນແລ້ວວ່າໃນທີ່ສຸດລັດຖະບານຈະບໍ່ສາມາດຊໍາລະໜີ້ສິນຂອງປະເທດໄດ້”
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
