ດັດຊະນີລາຄາຜູ້ບໍລິໂພກ (CPI) ຂອງຫວຽດນາມ ໃນເດືອນພຶດສະພາ ເພີ່ມຂຶ້ນເປັນ 4.44% ເມື່ອທຽບໃສ່ປີກາຍ. ເຮັດລະດັບສູງສຸດໃນຮອບ 16 ເດືອນ, ໃນຂະນະທີ່ອັດຕາເງິນເຟີ້ເພີ່ມຄວາມກົດດັນຕໍ່ທະນາຄານກາງເຮັດໃຫ້ເຂັ້ມງວດຕໍ່ນະໂຍບາຍການເງິນຫຼາຍຂຶ້ນ.
ຕົວເລກດັ່ງກ່າວແມ່ນສູງກວ່າຕົວເລກ 4.4% ໃນເດືອນເມສາ. ໂດຍມີສາເຫດຫຼັກມາຈາກຕົ້ນທຶນຂອງອາຫານ, ການສຶກສາ ແລະ ການບໍລິການສຸຂະພາບທີ່ເພີ່ມຂຶ້ນ.
ທັງນີ້, ອັດຕາເງິນເຟີ້ຢູ່ຫວຽດນາມ ມັນຍັງຄົງຢູ່ເໜືອເຄື່ອງໝາຍ 4% ເປັນເດືອນທີສອງຕິດຕໍ່ກັນ, ເຖິງແມ່ນວ່າສະກຸນເງິນທ້ອງຖິ່ນທີ່ຫຼຸດລົງຕ່ຳສຸດເປັນປະຫວັດສາດເມື່ອທຽບກັບເງິນໂດລາໃນເດືອນນີ້ ເຮັດໃຫ້ການນໍາເຂົ້າມີຄ່າໃຊ້ຈ່າຍສູງຂຶ້ນ. ທະນາຄານກາງໄດ້ເພີ່ມອັດຕາດອກເບ້ຍເປັນ 4.5% ໃນອາທິດທີ່ຜ່ານມາ ເພື່ອຮັກສາສະຖຽນລະພາບຂອງເງິນດົງ ແລະ ການກະຕຸ້ນການເດີມພັນວ່າອາດຈະເພີ່ມອັດຕາດອກເບ້ຍອ້າງອີງເພື່ອສະໜັບສະໜູນສະກຸນເງິນ.
ອັດຕາເງິນເຟີ້ພື້ນຖານທີ່ບໍ່ລວມເອົາລາຍການທີ່ມີການຜັນຜວນ ຫຼຸດລົງເຫຼືອ 2.68% ເມື່ອທຽບເປັນລາຍປີໃນເດືອນພຶດສະພາ. ສົ່ງຜົນໃຫ້ຕົວເລກສະເລ່ຍໃນ 5 ເດືອນທໍາອິດຢູ່ທີ່ 2.78%.
ການສົ່ງອອກຂອງປະເທດໄດ້ເພີ່ມຂຶ້ນ 15.8% ໃນເດືອນພຶດສະພາຈາກປີກ່ອນເປັນ 32.81 ຕື້ໂດລາສະຫະລັດ. ການນຳເຂົ້າເພີ່ມຂຶ້ນ 29.9% ເມື່ອທຽບໃສ່ໄລຍະດຽວກັນຂອງປີກາຍທີ່ບັນລຸເຖິງ 33.81 ຕື້ໂດລາສະຫະລັດ.
ສິ່ງນີ້ໄດ້ສ້າງການຂາດດຸນການຄ້າສິນຄ້າຄັ້ງທຳອິດໃນຮອບ 2 ປີ, ໂດຍມີມູນຄ່າ 1.07 ຕື້ໂດລາສະຫະລັດໃນເດືອນນີ້. ຫຼັງຈາກເກີນດຸນຕໍ່າສຸດໃນຮອບ 15 ເດືອນໃນເດືອນແລ້ວນີ້. ຍ້ອນເຫດນັ້ນ, ຍອດມູນຄ່າການສົ່ງອອກຂອງປະເທດໄດ້ຫຼຸດລົງເປັນ 8.01 ຕື້ USD ໃນ 5 ເດືອນທຳອິດຂອງປີ, ເຊິ່ງຫຼຸດລົງ 21.5% ເມື່ອທຽບເປັນລາຍປີ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
