ລັດຖະບານ ສ ເກົາຫຼີ ໄດ້ວາງເປົ້າໝາຍດຶງດູດແຮງງານວິຊາຊີບ 150,000 ຄົນ ຈາກຕ່າງປະເທດໃນປີ 2035, ໂດຍເພີ່ມຂຶ້ນເປັນ 2 ເທົ່າໃນຈຳນວນ 72,000 ຄົນໃນປີ 2023, ເພື່ອປັບປຸງປະສິດທິພາບການຜະລິດໃນສະພາບການທີ່ປະຊາກອນໃນໄວເຮັດວຽກພາຍໃນປະເທດຫຼຸດລົງ.
ແຜນງານດັ່ງກ່າວ ແມ່ນສ່ວນໜຶ່ງ ຂອງແຜນການພັດທະນາແບບສ້າງສັນ ແລະ ເຕັມໄປດ້ວຍພະລັງ ແບບ dynamic ຂອງ ສ ເກົາຫຼີ ເຊິ່ງເປັນຊຸດລວມຂອງເປົ້າໝາຍນະໂຍບາຍໄລຍະຍາວທີ່ປະກາດໂດຍກະຊວງເສດຖະກິດ ແລະ ການເງິນ ສ ເກົາຫຼີ (MOEF) ແລະ ບັນດາກະຊວງທີ່ກ່ຽວຂ້ອງ ເພື່ອແກ້ໄຂຈັງຫວະການເຕີບໂຕທີ່ອ່ອນແອຂອງປະເທດ.
ປັດຈຸບັນ ອັດຕາການເຕີບໂຕລວມຍອດຜະລິດຕະພັນພາຍໃນປະເທດ (GDP) ຂອງ ສ ເກົາຫຼີ ຄາດວ່າຈະຫຼຸດລົງ 1% ໃນຊຸມປີຂ້າງໜ້າ ແລະ ອາດຈະຕໍ່າກວ່າ 1% ຫຼັງປີ 2035. ເຖິງວ່າຈະມີການຄາດຄະເນນີ້, ແຕ່ MOEF ໄດ້ປັບປຸງການຄາດຄະເນການເຕີບໂຕຂອງປີນີ້ຈາກ 2,2% ເປັນ 2,6%.
ຕິດຕາມຂ່າວທັງໝົດຈາກ LaoX: https://laox.la/all-posts/
