ສິງກະໂປແຊງໜ້າຮົງກົງຂຶ້ນເປັນອັນດັບ 1 ທຳເລທອງທຸລະກິດໃນອາຊີ, ສົ່ງຜົນໃຫ້ບັນດາບໍລິສັດໃນທົ່ວໂລກພາກັນແຫ່ເລືອກສິງກະໂປເປັນຖານທີ່ໝັ້ນ.
ສິງກະໂປໄດ້ກາຍເປັນຈຸດມຸ່ງໝາຍປາຍທາງອັນດັບໜຶ່ງ ຂອງບໍລິສັດຕ່າງປະເທດທີ່ຢາກຂະຫຍາຍທຸລະກິດຂອງເຂົາເຈົ້າຢູ່ໃນອາຊີ ແຊງໜ້າຄູ່ແຂ່ງຄືຮ່ອງກົງແບບບໍ່ເຫັນຝຸ່ນ. ໂດຍສະຖິຕິໃນປີ 2023 ໄດ້ສະແດງໃຫ້ເຫັນວ່າ, ມີຫຼາຍກວ່າ 4,200 ບໍລິສັດສາກົນເລືອກຕັ້ງສຳນັກງານໃຫຍ່ຢູ່ໃນສິງກະໂປ, ເຊິ່ງຫຼາຍກວ່າຢູ່ຮ່ອງກົງທີ່ມີພຽງ 1,336 ບໍລິສັດເທົ່ານັ້ນ.
ສຳລັບຈຸດແຂງທີ່ເຮັດໃຫ້ສິງກະໂປໂດດເດັ່ນ
- ການພົວພັນທີ່ດີກັບໂລກຕາເວັນຕົກ: ສິງກະໂປມີບົດບາດເປັນກາງໃນເວທີໂລກ. ສ້າງຄວາມໝັ້ນໃຈໃຫ້ແກ່ບໍລິສັດຕ່າງປະເທດ
- ເປັນແຫຼ່ງລວມຜູ້ທີ່ມີພອນສະຫວັນທີ່ຫຼາກຫຼາຍ: ສິງກະໂປດຶງດູດຜູ້ຊ່ຽວຊານຈາກທົ່ວໂລກ.
- ເສດຖະກິດທີ່ມີຄວາມຫຼາກຫຼາຍ ຊ່ວຍຫຼຸດຜ່ອນຄວາມສ່ຽງ
- ສະຖຽນລະພາບທາງດ້ານການເມືອງ: ສິງກະໂປມີລະບົບການເມືອງທີ່ໝັ້ນຄົງ.
- ນະໂຍບາຍພາສີທີ່ໜ້າສົນໃຈ: ສິງກະໂປສະເໜີອັດຕາພາສີທີ່ຍືດຫຍຸ່ນໄດ້.
- ການສະໜັບສະໜູນຂອງລັດຖະບານ: ສິງກະໂປມີນະໂຍບາຍສະໜັບສະໜູນທຸລະກິດ.
- ການລົງທຶນດ້ານ AI: ສິງກະໂປ ສຸມໃສ່ການພັດທະນາເຕັກໂນໂລຊີ AI
- ຄວາມພ້ອມຂອງດ້ານບຸກຄະລາກອນ: ປະຊາກອນສິງກະໂປມີຄວາມຊຳນານ ແລະ ຄຸ້ນເຄີຍກັບເຕັກໂນໂລຊີ.
ດ້ວຍປັດໄຈເຫຼົ່ານີ້, ສິງກະໂປຈຶ່ງໄດ້ກາຍເປັນທາງເລືອກທີ່ເໜືອກວ່າສຳລັບທຸລະກິດລະຫວ່າງປະເທດ, ບວກກັບຄວາມເຄັ່ງຕຶງດ້ານພູມສາດການເມືອງໃນພາກພື້ນ ແລ ະນະໂຍບາຍທີ່ເຄັ່ງຄັດຂອງຈີນ ຍິ່ງເຮັດໃຫ້ສິງກະໂປເປັນຈຸດໝາຍທີ່ດຶງດູດຫຼາຍກວ່າເກົ່າ.
ນອກຈາກນີ້, ສິງກະໂປຍັງຄອງອັນດັບທີ 7 ເປັນເມືອງທີ່ມີລະບົບນິເວດສະຕາດອັບທີ່ດີທີ່ສຸດໃນໂລກ, ອີງຈາກການຈັດອັນດັບຂອງ Startup Genome. ສະທ້ອນເຖິງທ່າແຮງຂອງສິງກະໂປໃນຖານະເປັນສູນລວມນະວັດຕະກໍາ ແລະ ເຕັກໂນໂລຊີຊັ້ນນໍາ.
ໂດຍລວມແລ້ວ, ສິງກະໂປກຳລັງກ້າວຂຶ້ນເປັນສູນກາງທຸລະກິດ ແລະ ເຕັກໂນໂລຊີທີ່ສຳຄັນໃນອາຊີ. ດ້ວຍຄວາມໄດ້ປຽບທາງດ້ານພູມສາດ, ນະໂຍບາຍທີ່ເອື້ອອໍານວຍ ແລະຊັບພະຍາກອນມະນຸດທີ່ມີຄຸນະພາບ. ດັ່ງນັ້ນ, ສິງກະໂປຈຶ່ງພ້ອມທີ່ຈະຕ້ອນຮັບບັນດາບໍລິສັດຈາກທົ່ວໂລກທີ່ຕ້ອງການຂະຫຍາຍທຸລະກິດ ແລະ ເຕີບໂຕໄປຄຽງຄູ່ກັບເສດຖະກິດອາຊີທີ່ກຳລັງພັດທະນາ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
