ເມື່ອເວົ້າເຖິງກາຕູນໜຶ່ງໃນໄວເດັກຂອງຫຼາຍໆຄົນແລ້ວ ແນ່ນອນວ່າ The Powerpuff Girls ສາມວິລະສະຕຣີສາວພະລັງວິເສດຕ້ອງເປັນໜຶ່ງໃນລາຍຊື່ກາຕູນໄວເດັກຂອງຫຼາຍຄົນແນ່ນອນ.
ຫຼ້າສຸດ ເວັບໄຊ vulture.com ລາຍງານວ່າ The Powerpuff Girls ກຳລັງຈະກັບມາອີກຄັ້ງໃນສະບັບຄົນສະແດງແລ້ວ!
![](https://laox.la/wp-content/uploads/2021/03/dgdg-1024x576.jpg)
The Powerpuff Girls ກາຕູນໃນດວງໃຈເລື່ອງນີ້ມີຕົວລະຄອນຄື ບອດຊຳ, ບັບໂບ ແລະ ບັດເຕີຄັບ ເດັກສາວສາມຄົນທີ່ມີບຸກຄະລິກຕົວລະຄອນທີ່ແຕກຕ່າງກັນ ແຕ່ທີ່ພວກເຂົາມີຄືກັນຄືພະລັງເໜືອມະນຸດ ອັນເກີດຈາກການທົດລອງຜິດພາດຂອງສາສະດາຈານຢູໂທນຽມ.
ແລະ ຫຼ້າສຸດ The CW ສະຖານີໂທລະພາບໃນອາເມຣິກາປະກາດວ່າຈະນຳ The Powerpuff Girls ກັບມາເຮັດອີກຄັ້ງ ແລະ ກຽມສ້າງຕອນທຳອິດສຳລັບທົດລອງກ່ອນເຮັດເປັນຊີຣີແທ້ ເຊິ່ງຄວາມພິເສດຄືມາໃນຮູບແບບຮີໂລສາວອາຍຸ 20 ປີ ທີ່ຮູ້ສຶກວ່າຊີວິດໄວເດັກຖືກລັກໄປກັບການຕໍ່ສູ້ກັບເຫຼົ່າຄົນຮ້າຍ ແຕ່ປາກົດມີເຫດໃຫ້ຕ້ອງກັບມາກອບກູ້ໂລກນຳກັນອີກຄັ້ງ.
![](https://laox.la/wp-content/uploads/2021/03/dfgd.jpg)
ເຊິ່ງຄັ້ງນີ້ແມ່ນຂຽນບົດໂດຍ Diablo Cody ນັກຂຽນບົດຊື່ດັງຜູ້ຄວ້າຮາງວັນ Oscars ມາແລ້ວ ແລະ Heather Regnier ຜູ້ກຳກັບຮູບເງົາຫຼາກຄວາມສາມາດ, ຕ້ອງມາລຸ້ນນຳກັນວ່າ ສະບັບຄົນສະແດງນີ້ຈະຈັດເຕັມ ແລະ ມັດໃຈຜູ້ຮັບຊົມໄດ້ຫຼາຍສ່ຳໃດ ທີ່ສຳຄັນຈະເປັນໃຜທີ່ໄດ້ບົດບາດເຫຼົ່ານີ້ໄປນັ້ນ ແຟນໆຢ່າງພວກເຮົາກໍຕ້ອງຕິດຕາມໄປນຳກັນຕໍ່.
ພາບ: teenvogue.com, vulture.com
ຂອບໃຈຂໍ້ມູນຈາກ:
- https://www.vulture.com/2021/02/powerpuff-girls-live-action-reboot-diablo-cody.html?fbclid=IwAR0tiDOgitG-u-1iFjnD0S5bm0BhoIzcldv0LaKuEayeCRBSuyc2OrraEvs
- https://www.instyle.com/reviews-coverage/tv-shows/diablo-cody-powerpuff-girls-remake