ທ່ານ ເຂັມຄໍາ ພົງສະຫວັດ ຫົວໜ້າຫ້ອງການປະສານງານໂຄງການກໍ່ສ້າງທາງລົດໄຟ ລາວ-ຈີນ ໄດ້ລາຍງານໃຫ້ຮູ້ວ່າ:
- ການກໍ່ສ້າງອາຄານສະຖານີລົດໄຟສໍາເລັດແລ້ວ 45%
- ການກໍ່ສ້າງສະຖານີແປງໄຟຟ້າຮັບໃຊ້ການແລ່ນລົດໄຟຄືບໜ້າປະມານ 35%
- ປັດຈຸບັນກໍາລັງເລັ່ງວຽກງານປະດັບປະດາ ແລະ ປ້ອງກັນເຈື່ອນສະຖານີບວມອໍ້
ສ່ວນວຽກງານຕິດຕັ້ງຕາຂ່າຍໄຟຟ້າຮັບໃຊ້ການແລ່ນລົດໄຟ, ຮັບໃຊ້ສະຖານີ ແລະ ຈຸດພັກເຊົາຂອງພະນັກງານ, ການອ້ອມຮົ້ວເຂດປ່າສະຫງວນທາງລົດໄຟ ພ້ອມທັງວຽກງານປູກຫຍ້າ ຕົບແຕ່ງປະດັບປະດາ ແລະ ການປັບປຸງສະພາບແວດລ້ອມອ້ອມຂ້າງຕາມແຜນການແລ້ວຈະສໍາເລັດພາຍໃນເດືອນກັນຍາ 2021, ສ່ວນໜ້າວຽກທັງໝົດຄາດວ່າຈະສໍາເລັດກ່ອນເດືອນຕຸລາ 2021 ນີ້ ເພາະຈະເລີ່ມທົດລອງແລ່ນລົດໄຟຕົວຈິງ.
ເສັ້ນທາງລົດໄຟລາວ-ຈີນ ຖືວ່າເປັນບາດກ້າວໜຶ່ງທີ່ສ້າງສາພັດທະນາເສດຖະກິດບ້ານເມືອງເຮົາ ໃຫ້ກ້າວໜ້າ ແລະ ສະດວກສະບາຍໃນການຂົນສົ່ງສິນຄ້າຕ່າງໆນາໆ, ນອກນີ້ ຍັງສົ່ງເສີມໃຫ້ປະຊາຊົນໃນບໍລິເວນນັ້ນມີລາຍໄດ້ໃນການຄ້າຂາຍໄດ້ດີ ພ້ອມທັງກະຕຸ້ນເສດຖະກິດການທ່ອງທ່ຽວໃຫ້ມີທ່າແຮງເພີ່ມຂຶ້ນນັບມື້ນັບດີຂຶ້ນ.
ຂອບໃຈຂໍ້ມູນຈາກ:
