ນິວຊີແລນປະກາດຕັດຄວາມສຳພັນທາງການເມືອງ-ການທະຫານກັບປະເທດມຽນມາ ເປັນປະເທດທຳອິດໃນໂລກແລ້ວ


ໃນວັນທີ 9 ກຸມພາທີ່ຜ່ານມາ ຈາຊິນດາ ອາເດິນ ນາຍົກລັດຖະມົນຕີປະເທດນິວຊີແລນ ມີຄຳສັ່ງຍຸຕິຄວາມສຳພັນທາງການເມືອງ ແລະ ການທະຫານກັບປະເທດມຽນມາ ເປັນປະເທດທຳອິດໃນປະຊາຄົມໂລກ, ຫຼັງຈາກທີ່ກອງທັບມຽນມາກໍ່ລັດຖະປະຫານຍຶດອຳນາດຂອງລັດຖະບານທີ່ມາຈາກການເລືອກຕັ້ງ ເຊິ່ງນຳໂດຍ ອອງຊານ ຊູຈີ ທີ່ກຳລັງຖືກກອງທັບຄວບຄຸມຕົວ ພ້ອມກັບສະມາຊິກລັດຖະບານອີກຫຼາຍຄົນໃນຕອນນີ້, ພ້ອມຍັງຮຽກຮ້ອງໃຫ້ປະຊາຄົມໂລກຮ່ວມປະນາມການກໍ່ລັດຖະປະຫານດັ່ງກ່າວ ແລະ ສະໜັບສະໜູນຂະບວນການຮຽກຮ້ອງປະຊາທິປະໄຕໃນມຽນມາ.

ທາງລັດຖະບານນິວຊີແລນໄດ້ກ່າວເຖິງການກະທຳດັ່ງກ່າວ ແລະ ຈະຍຸຕິຄວາມສຳພັນທາງການເມືອງ-ການທະຫານກັບມຽນມາ, ທຸກໆໂຄງການຊ່ວຍເຫຼືອຂອງນິວຊີແລນທີ່ຈະສົ່ງໄປມຽນມາຈະບໍ່ຖືກນຳໃຊ້ໄປສະໜັບສະໜູນ ຫຼື ສົ່ງເສີມອຳນາດຂອງລັດຖະບານທະຫານຢ່າງແນ່ນອນ. ພ້ອມນັ້ນຍັງປະກາດແບນການເດີນທາງເຂົ້າປະເທດນິວຊີແລນຂອງນາຍທະຫານໃນລະດັບສູງຂອງກອງທັບມຽນມາອີກດ້ວຍ.

ທີ່ມາ: https://www.abc.net.au/news/2021-02-09/new-zealand-suspends-ties-with-myanmar-after-military-coup/13137038?fbclid=IwAR2AkCxd8fNOw1eUNRr1S7BPVx0zn3mvtH0gBVCdIVLLBIpSBw4ERV3_ogI

ຂ່າວຕ່າງປະເທດ

#HOD#LaoX#ນິວຊີແລນ#ມຽນມາ

error: Content is protected !!