Jennie ສາວໜ້າໝວຍຈາກ BLACKPINK ໄດ້ຮ່ວມມືກັບ Calvin Klein ແບຣນເສື້ອຜ້າ ຊື່ດັງລະດັບໂລກ ເພື່ອອອກຊຸດຮູບຖ່າຍໃໝ່ທີ່ຈັບໃຈແຟນໆ ໂດຍໄດ້ຮັບແຮງບັນດານໃຈຈາກການໂຄສະນາໃນຍຸກ 90. ເຊິ່ງ ຄໍເລັກຊັນດັ່ງກ່າວມີແຟນໆ ແຫ່ເຂົ້າໄປເບິ່ງຢ່າງຫຼວງຫຼາຍຈົນເຮັດໃຫ້ ເວັບໄຊຂອງທາງ Calvin Klein ຫຼົ້ມໄປໄລຍະໜຶ່ງກັນເລີຍ.
Calvin Klein ເປີດເຜີຍຄໍເລັກຊັ່ນຮູບແຟຊັນແນວກິລາທີ່ເປັນແຮງບັນດານໃຈຈາກຍຸກ 90 ຂອງ Jennie ໃນໂລກອອນລາຍ ໂດນທາງ Calvin Klein ເປີດເຜີຍວ່າ: “Jennie ໃນພາບຊຸດໃໝ່ນີ້ ມີແຮງດຶງດູດ ແລະ ມີສະເໜ່ຢ່າງໜ້າເຫຼືອເຊື່ອ”.
ເຊິ່ງພາຍຫຼັງ ຮູບພາບໄດ້ຖືກເຜີຍແຜ່ ອອກມາບໍ່ດົນ ກໍໄດ້ຮັບຄວາມສົນໃຈຈາກແຟນໆຢ່າງຫຼວງຫຼາຍ ຈົນເຮັດໃຫ້ ເວັບໄຊຂອງທາງ CK ຫຼົ້ມ ແລະ ກາຍເປັນທີ່ເວົ້າເຖິງໃນໂລກອອນລາຍ ວ່າ ອິດທິພົນຂອງ Jennie ນັ້ນໄດ້ທຳລາຍ ເວັບໄຊຂອງ CK ໄປແລ້ວ.
ໂດຍ Jennie ເປັນ ໜື່ງໃນສະມາຊິກ 4 ສາວວົງ K-pop ວົງ BLACKPINK ທີ່ກໍາລັງໄດ້ຮັບຄວາມນິຍົມໄປທົ່ວໂລກ ແລະ ມີຜົນງານເພງຮິດຕິດຫູອອກມາຢູ່ເລື້ອຍໆ ຢ່າງເຊັ່ນ: DDU-DU DDU-DU ໃນປີ 2018 ມີຍອດວິວໃນ YouTube ຫຼາຍກວ່າ 2 ພັນລ້ານວິວ, How You Like That ນປີ 2020 ກວາດຍອດວິວໄປຫຼາຍກວ່າ 1,1 ພັນລ້ານວິວ, Kill This Love ໃນປີ 2019 ກວາດຍອດວິວໄປຫຼາຍກວ່າ 1,7 ພັນລ້ານ ແລະ ອີກຫຼາກຫຼາຍຜົນງານ.
ປັດຈຸບັນ, ທັງ 4 ສາວ BLACKPINK ກຳລັງເດີນທາງໄປທົ່ວໂລກເພື່ອສະແດງຄອນເສີດ “BORN PINK WORLD TOUR” ສະຖານທີ່ຕໍ່ໄປຂອງທັງ 4 ສາວຈະໄປສະແດງທີ່ Kuala Lumpur ປະເທດມາເລເຊຍໃນວັນທີ 4 ມີນາທີ່ຈະມາຮອດນີ້.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
