Do Kwon ຜູ້ກໍ່ຕັ້ງ Terra ອອກມາບອກວ່າຕົນເອງນັ່ງຂຽນCode ຢູ່ຫ້ອງ ຫຼັງຕຳຫຼວດສາກົນອອກໝາຍແດງນຳຈັບຕົວລາວ

Do Kwon

ໃນວັນທີ 26 ກັນຍາ 2022 ຕຳຫຼວດສາກົນ (Interpol) ໄດ້ປະກາດອອກໝາຍແດງນຳຈັບຕົວ ໂດ ຄວອນ ຜູ້ກໍ່ຕັ້ງ Terra ຫຼັງຈາກການຫຼົ້ມສະຫຼາຍຂອງລະບົບນິເວດ Terra ເມື່ອເດືອນພຶດສະພາ 2022 ທີ່ຜ່ານມາ ເຊິ່ງໄດ້ສ້າງຄວາມເສຍຫາຍ ໃຫ້ຕະຫຼາດຄຣິບໂຕຢ່າງຫຼວງຫຼາຍ.

Do Kwon

ເຊິ່ງຫຼ້າສຸດ ຫຼັງການອອກໝາຍຈັບໄດ້ພຽງມື້ດຽວ ໂດ ຄວອນ ທີ່ຕອນນີ້ຖືກລະບຸວ່າກຳລັງຫຼົບໜີຢູ່ ໄດ້ອອກມາໂພສຂໍ້ຄວາມລົງໃນໂລກອອກລາຍວ່າ: “ຂ້ອຍບໍ່ໄດ້ພະຍາຍາມໜີແຕ່ແນວໃດ ຕອນນີ້ກຳລັງນັ່ງຂຽນ Code ຢູ່ຫ້ອງນັ່ງຫຼິ້ນ”.

Do Kwon

ໂດຍເມື່ອຖືກຖາມກ່ຽວກັບໝາຍແດງນຳຈັບທີ່ຖືກອອກໂດຍຕຳຫຼວດສາກົນ ຕາມຄຳຮ້ອງຂອງເກົາຫຼີໃຕ້ ໂດ ຄວອນ ກໍຍັງເຮັດຄືເສີຍໆ ແລະ ໄດ້ຕອບວ່າ “ຂ້ອຍບໍ່ພົບຫຍັງເລີຍ” ພ້ອມກັບໃສ່ລິ້ງເວັບໄຊຂອງຕຳຫຼວດສາກົນລົງໄປໃນ Twitter ສ່ວນຕົວອີກນຳ.

ແຕ່ກໍມີສະມາຊິກໃນຊຸມຊົນ ຄຣິບໂຕ ອອກມາໂຕ້ກັບຄືນວ່າ: “ປົກກະຕິແລ້ວ ປະກາດໝາຍແດງສ່ວນໃຫຍ່ບໍ່ໄດ້ເປີດເຜີຍຕໍ່ສາທາລະນະ ແລະ ຈຳກັດສະເພາະການບັງຄັບໃຊ້ທາງກົດໝາຍເທົ່ານັ້ນ” ແຕ່ ໂດ ຄວອນ ກໍໄດ້ບອກຕື່ມວ່າຂໍ້ມູນເຫຼົ່ານີ້ຄວນເປີດເຜີຍຕໍ່ສາທາລະນະຊົນ.

Do Kwon

ຢ່າງໃດກໍຕາມ ໂດ ຄວອນ ກໍບໍ່ໄດ້ຕອບຄຳຖາມທີ່ວ່າ ປັດຈຸບັນລາວໄດ້ອາໄສຢູ່ປະເທດສິງກະໂປແທ້ຫຼືບໍ່ ແຕ່ລາວກໍຢືນຢັນມາຕະຫຼອດວ່າ ບໍ່ໄດ້ພະຍາຍາມໜີຈາກທາງການ ແຕ່ຢ່າງໃດ.

ຂອບໃຈຂໍ້ມູນຈາກ:

ຕິດຕາມຂ່າວທັງໝົດຈາກ LaoX: https://laox.la/all-posts/

No comment

ຕອບກັບ