ແອັບ Clubhouse ເປັນແອັບທີ່ໃຫ້ຜູ້ໃຊ້ງານສາມາດເຂົ້າໄປສົນທະນາກັບຜູ້ໃຊ້ງານໃນຫົວຂໍ້ຕ່າງໆຄືກັນກັບການເຂົ້າຮ່ວມສະໂມສອນ. ແຕ່ຫຼ້າສຸດຕອນນີ້ມີການເຂົ້າໃຈຜິດກັນເປັນຄັ້ງໃຫຍ່ເພາະວ່າຕອນນີ້ແອັບທີ່ມີຊື່ຄືກັນກັບຂອງ Clubhouse ມີຍອດດາວໂຫຼດເພີ່ມຂຶ້ນເກືອບໆຫຼັກລ້ານຄັ້ງ ເພາະມີຄົນເຂົ້າໃຈວ່າແອັບນັ້ນເປັນແອັບດຽວກັບ Clubhouse ທີ່ກຳລັງເປັນທີ່ນິຍົມກັນຢູ່ຕອນນີ້ນັ້ນເອງ.
Clubhouses: Drop – in Audio Chat Platform Social ນ້ອງໃໝ່ທີ່ມີພຽງແອັບຢ່າງດຽວຈະບໍ່ສາມາດໃຊ້ງານໄດ້
![](https://laox.la/wp-content/uploads/2021/02/image-290.png)
ແອັບທີ່ເປັນກະແສ
Applications Clubhouse (ທີ່ມີຊື່ເຕັມໆວ່າ Clubhouse – Drop – in Audio Chat) ທີ່ຢູ່ດີໆກໍໄດ້ຮັບຄວາມນິຍົມຢ່າງຫຼວງຫຼາຍໃນຊ່ວງອາທິດທີ່ຜ່ານມາ ເລີ່ມຈາກ Elon Musk ທີ່ໄດ້ຈັດງານຖະແຫຼງການຜ່ານ Applications ນີ້ເຮັດໃຫ້ເປັນທີ່ຮູ້ຈັກຫຼາຍຂຶ້ນ ແຖມຍັງມີບຸກຄົນທີ່ມີຊື່ສຽງເຂົ້າຮ່ວມຈັດສຳມະນາກັບຜູ້ໃຊ້ງານໃນຫົວຂໍ້ຕ່າງໆເຮັດໃຫ້ຕອນນີ້ໃຜໆກໍຢາກໄດ້ແອັບ Clubhouse ມາໃຊ້ ແຕ່ສິ່ງທີ່ໜ້າເສຍດາຍຄືຕົວແອັບສາມາດໃຊ້ງານໄດ້ຈາກການເຊີນຊວນເທົ່ານັ້ນ.
Clubhouse App Project Management ທີ່ຄົນເຂົ້າໃຈຜິດວ່າເປັນ Clubhouse ທີ່ເປັນກະແສ
![](https://laox.la/wp-content/uploads/2021/02/image-291.png)
ແອັບທີ່ຊື່ຄືກັນ
ເປັນທີ່ຮູ້ຈັກກັນດີວ່າປັດຈຸບັນ Clubhouse ຍັງບໍ່ມີແອັບສຳລັບຝັ່ງ Android ໃຫ້ໃຊ້ງານກັນເທື່ອ ແຕ່ວ່າຕອນນີ້ໃນ Play Store ມີແອັບ Project Management ທີ່ຊື່ Clubhouse ຄືກັນ ແລະ ມີຍອດຂອງການຕິດຕັ້ງເພີ່ມຂຶ້ນສູງແບບໜ້າຕົກໃຈ ເພາະຫຼາຍຄົນເຂົ້າໃຈຜິດວ່າແອັບນີ້ເປັນແອັບດຽວກັບທີ່ກຳລັງດັງຢູ່ໃນຕອນນີ້ ເຊິ່ງຕົວແອັບນີ້ກໍໄດ້ຢູ່ໃນ App Store ມາຕັ້ງແຕ່ຊ່ວງປີ 2017 ແລ້ວ ແລະ ກໍບໍ່ໄດ້ມີສ່ວນກ່ຽວຂ້ອງໃດໆກັບແອັບທີ່ກຳລັງເປັນກະແສຢູ່ໃນຕອນນີ້.
ແຕ່ຢ່າງທີ່ຮູ້ກັນວ່າຕອນນີ້ Clubhouse ແອັບໂຊຊຽວນ້ອງໃໝ່ຈະມີໃຫ້ໃຊ້ງານສະເພາະຝັ່ງຂອງ iOS ເທົ່ານັ້ນ ສ່ວນ Android ຍັງຕ້ອງລໍຖ້າໄປກ່ອນ ແຕ່ວ່າຖ້າຄົ້ນຫາຄຳວ່າ “Clubhouse” ຢູ່ Play Store ກໍຈະພົບກັບແອັບທີ່ຊື່ຄືກັນ, ແຕ່ຄວາມເປັນຈິງແອັບ Project Management ໃຊ້ສຳລັບເອົາໄວ້ສົົນທະນາວຽກງານກັນເທົ່ານັ້ນ.
ໂດຍການທີ່ແອັບ Project Management ຊື່ຄືກັນນີ້ມີຄົນຕິດຕັ້ງເພີ່ມຂຶ້ນເປັນລ້ານໆຄັ້ງເບິ່ງຄືວ່າຈະເປັນເລື່ອງທີ່ດີ ແຕ່ວ່າເມື່ອມີຄົນຫຼົງເຂົ້າມາຕິດຕັ້ງຫຼາຍໆແລ້ວເພາະຄິດວ່າເປັນແອັບ Clubhouse ທີ່ໃຊ້ໃນການສົນທະນາກັນໃນຫົວຂໍ້ຕ່າງໆແລ້ວມາຄົ້ນພົບຕາມຫຼັງວ່າມັນບໍ່ແມ່ນແອັບດຽວກັນກໍເກີດຄວາມບໍ່ພໍໃຈຈຶ່ງໄປໃຫ້ຄະແນນ Review ແອັບໜຶ່ງດາວເປັນແຖວເລີຍ.
ແອັບທີ່ຮຽນແບບ Clubhouse
![](https://laox.la/wp-content/uploads/2021/02/image-292.png)
Clubhouse ທີ່ເປັນແອັບປອມ
ນອກຈາກນີ້ບໍ່ແມ່ນພຽງແຕ່ສະເພາະຝັ່ງ Android ທີ່ມີແອັບ Project Management ທີ່ມີຊື່ແອັບຄືກັນກັບ Clubhouse ທີ່ມີຍອດດາວໂຫຼດເພີ່ມຂຶ້ນຫຼາຍ, ແອັບທີ່ມີຊື່ຄືກັບ Clubhouse ຢູ່ເທິງ App Store ຂອງ iOS ກໍມີຍອດດາວໂຫຼດເພີ່ມຂຶ້ນສູງຄືກັນ ແຖມຍັງມີຍອດດາວໂຫຼດຫຼາຍກວ່າຢູ່ Play Store ອີກ ເພາະວ່າຢູ່ເທິງ App Store ມີຄົນທີ່ສວຍໂອກາດເຮັດແອັບ Clubhouse ປອມຂຶ້ນມາ ເພື່ອຫວັງກະແສຄວາມແຮງຕົວະຍົວະໃຫ້ຄົນມາກົດຕິດຕັ້ງນຳອີກດ້ວຍ.
ແຕ່ເຖິງຢ່າງກໍຕາມ ຕອນນີ້ທີມທີ່ຂຽນແອັບ App Clubhouse ກໍໄດ້ອອກມາເປີດເຜີຍວ່າ ຕອນນີ້ພວກເຂົາກຳລັງພັດທະນາແອັບ Clubhouse ທີ່ສາມາດໃຊ້ງານເທິງລະບົບປະຕິບັດການ Android ຢູ່ ແຕ່ກໍຍັງບໍ່ມີຂໍ້ມູນທີ່ແນ່ນອນວ່າແອັບເວີຊັນ Android ນີ້ຈະມີມາໃຫ້ດາວໂຫຼດໃນເມື່ອໃດ ແລະ ຫາກມີມາໃຫ້ດາວໂຫຼດແລ້ວຕົວແອັບຈະເຊົາຮິດກັນໄປແລ້ວ ຫຼື ບໍ່? ແຕ່ສຸດທ້າຍນີ້ພວກເຮົາຂໍຝາກເຖິງຜູ້ທີ່ຢາກດາວໂຫຼດແອັບ Clubhouse ມາລອງໃຊ້ເບິ່ງກໍຢ່າລືມກວດວ່າຊື່ທີ່ແທ້ຈິງຂອງແອັບນີ້ມີຊື່ວ່າ Clubhouse – Drop – in Audio Chat ຢ່າຫຼົງໄປດາວໂຫຼດແອັບອື່ນເດີ.
ຂອບໃຈຂໍ້ມູນຈາກ: