ເປັນການເດີນທາງຖອຍຫຼັງລົງມາເລື້ອຍໆສຳລັບລາຄາຂອງຫຼຽນ Bitcoin ທີ່ຕົກລົງມາເຫຼືອພຽງ $31,791 ຕໍ່ຫຼຽນ ໃນມື້ຄືນທີ່ຜ່ານມາ ເມື່ອທຽບກັບລາຄາສູງສຸດທີ່ມູນຄ່າຂອງ Bitcoin ທີ່ໄປເຖິງນັ້ນກໍຄື $63,588 ຕໍ່ຫຼຽນ ໃນວັນທີ 13 ເມສາ 2021, ຖືວ່າລາຄາຕົກລົງມາເຖິງ 50% ໃນເວລາບໍ່ຮອດ 2ເດືອນ.
ສາເຫດທີ່ເຮັດໃຫ້ Bitcoin ມູນຄ່າຕົກຂະໜາດນີ້ເນື່ອງມາຈາກຫຼາຍປັດໄຈ, ສາເຫດໜຶ່ງກໍຄືການທີ່ໄດ້ມີກຸ່ມ Hacker ໄດ້ເຈາະເຂົ້າໄປໃນລະບົບທໍ່ຂົນສົ່ງນ້ຳມັນທີ່ໃຫຍ່ທີ່ສຸດໃນສະຫະລັດອາເມຣິກາເຮັດໃຫ້ທໍ່ການຂົນສົ່ງຂັດຂ້ອງ ພ້ອມທັງເອີ້ນຄ່າໄຖ່ເປັນ Bitcoin ຈຳນວນສູງເຖິງ $2,300,000, ເຊິ່ງກໍເຮັດໃຫ້ຫຼາຍໆພາກສ່ວນກໍເກີດຄວາມກັງວົນຕໍ່ກັບເຫດການນີ້ ຈຶ່ງໄດ້ເຮັດໃຫ້ເກີດມີການຄວບຄຸມການຂຶ້ນລົງຂອງ Cryptocurrency ໃຫ້ຫຼາຍຂຶ້ນ.
ນອກຈາກການປັບຕົວຂອງ Bitcoin ແລ້ວ Cryptocurrency ສະກຸນອື່ນໆກໍໄດ້ຮັບຜົນກະທົບເຊັ່ນກັນ ຈົນເຮັດໃຫ້ຕະຫຼາດໃນຕອນນີ້ມີການຜັນແປຢ່າງຫຼວງຫຼາຍ.
- Bitcoin -13%
- Ethereum -16%
- Binance Coin -18%
- Cardano -17%
- Dogecoin -18%
- XRP -17%
ອີກສາເຫດໜຶ່ງກໍອາດເປັນເພາະທາງການຈີນເອງໄດ້ເຂົ້າມາຄວບຄຸມການຂຸດເໝືອງ Cryptocurrency ຢ່າງເຂັ້ມງວດເພື່ອບໍ່ໃຫ້ກະທົບຕໍ່ເສດຖະກິດ, ພ້ອມທັງໄດ້ມີການແບນບັນຊີຂອງຜູ້ໃຊ້ ທີ່ເປັນຜູ້ທີ່ກ່ຽວຂ້ອງກັບການຄ້າຂາຍ ຫຼື ໃຫ້ຄວາມຮູ້ກ່ຽວກັບ Cryptocurrency ໃນ Weibo ເພື່ອໃຫ້ລົດປະລິມານເນື້ອຫາທີ່ກ່ຽວຂ້ອງກັບ Cryptocurrency ລົງ.
ຂໍ້ມູນຈາກ :
- https://www.facebook.com/longtunman/photos/a.113656345833649/1079326139266660/
- https://www.forbes.com/sites/jonathanponciano/2021/06/08/crypto-markets-crash-again-after-doj-seizes…
ຕິດຕາມຂ່າວທັງໝົດຈາກ LaoX: https://laox.la/all-posts/