ເມື່ອວັນຈັນທີ່ຜ່ານມາ ຈຳນວນບລັອກຂອງ Bitcoin ໃນ Mempool ໄດ້ເພີ່ມຂຶ້ນທະລຸບລັອກທີ 800.000 ເຊິ່ງເປັນຄັ້ງທຳອິດໃນປະຫວັດສາດ ຫຼັງຈາກການຖືກຳເນີດຂຶ້ນຂອງບລັອກ Genesis ເມື່ອ 14 ປີກ່ອນ, ເຮັດໃຫ້ໃນປັດຈຸບັນ Bitcoin ເຫຼືອບລັອກທີ່ສາມາດຂຸດໄດ້ພຽງ 40.000 ບລັອກເທົ່ານັ້ນ.
ທັງນີ້ Bitcoin ໄດ້ຜ່ານ Halving ມາເເລ້ວ 3 ຄັ້ງ, ໂດຍຄັ້ງທີ 3 ເກີດຂຶ້ນໃນວັນທີ 11 ພຶດສະພາ ປີ 2020 ທີ່ບລັອກໝາຍເລກ 630.000 ຖືກຂຸດໄດ້ໂດຍກຸ່ມ “AntPool”. ຖ້າພວກເຮົານັບໄປອີກ 210.000 ບລັອກ, ມັນກໍຈະຕົກຢູ່ໃນເດືອນເມສາ 2024 ຫຼື ເຫຼືອເວລາອີກ 268 ມື້.
ໂດຍປາກົດການ Halving ຈະເຮັດໃຫ້ຜູ້ຂຸດສາມາດຂຸດ Bitcoin ໄດ້ພຽງເຄິ່ງໜຶ່ງເທົ່ານັ້ນຈາກ 6,25 BTC/ຕໍ່ບລັອກໃນປັດຈຸບັນ ຈະເຫຼືອພຽງ 3,125 BTC /ຕໍ່ບລັອກ ເຊິ່ງຈະເລີ່ມທີ່ບລັອກໝາຍເລກ 840.000 ເປັນຕົ້ນໄປ.
ຢ່າງໃດກໍຕາມ, ບັນດານັກວິເຄາະມີຄວາມເຫັນວ່າ ພາຍຫຼັງການ Halving ໃນປີໜ້າ, Bitcoin ຈະມີລາຄາເພີ່ມຂຶ້ນຫຼາຍເຊັ່ນດຽວກັບການ Halving ທີ່ຜ່ານມາ, ເຊິ່ງຈະສົ່ງຜົນໃຫ້ Bitcoin ບັນລຸຈຸດສູງສຸດໃໝ່ທຸກໆຄັ້ງ.
ເຖິງແມ່ນວ່າຜົນຕອບແທນຈາກການຂຸດ Bitcoin ຈະລົດລົງ, ເເຕ່ການຂຸດຄົ້ນ Bitcoin ອາດຈະມີຄວາມເຄັ່ງຕຶງຫຼາຍຂຶ້ນໃນອະນາຄົດ. ເນື່ອງຈາກທ່າອ່ຽງຂອງລາຄາທີ່ຈະເພີ່ມສູງຂຶ້ນຕາມການເວລາ ແລະ ຈໍານວນບລັອກທີ່ຍັງເຫຼືອຢູ່ບໍ່ຫຼາຍໃນປັດຈຸບັນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
