ປັດຈຸບັນເຫັນວ່າຫຼາຍໆ ແບຣນສະມາດໂຟນຊັ້ນນຳ ຈະຫັນເຂົ້າມາເຮັດທຸລະກິດລົດໄຟຟ້າ ເຊິ່ງຕອນນີ້ກໍເປັນຂອງ Apple ບໍລິສັດຊັ້ນນຳດ້ານສະມາດໂຟນ.
ຂ່າວລືທີ່ວ່າ Apple ຈະຫັນມາຜະລິດລົດໄຟຟ້ານັ້ນ ເລີ່ມມາຈາກການທີ່ທາງ Apple ໄດ້ທາບທາມຜູ້ບໍລິຫານລະດັບສູງຂອງ BMW ທີ່ມີຊື່ວ່າ Ulrich Kranz ຜູ້ເຊິ່ງໄດ້ຮັບຜິດຊອບໂປຣເຈັກລົດໄຟຟ້າຂອງ BMW ເພື່ອມາເປັນຫົວໜ້າໂປຣເຈັກ “Project Titan” ລົດໄຟຟ້າຄັນທຳອິດຂອງແບຣນ Apple ນອກຈາກນັ້ນຍັງມີ Micheal Schwekutsch ອະດີດຮອງປະທານຝ່າຍວິສະວະກຳຂອງ Tesla ເຂົ້າມາເສີມທັບອີກຄົນ.
Project Titan ເປັນໂປຣເຈັກຂອງ Apple ຮວມເອົາຫົວກະທິທາງດ້ານລົດໄຟຟ້າເຂົ້າມາຮ່ວມມືກັນ ເຊີ່ງຖືໄດ້ວ່າເປັນການເລີ່ມຕົ້ນໂປຣເຈັກທີ່ມີຄວາມສວຍງາມ ເຊິ່ງເຮັດໃຫ້ຫຼາຍໆຄົນຄາດການກັນວ່າ Apple Car ລົດໄຟຟ້າພະລັງງານສະອາດຈະໄດ້ຮັບການຜະລິດ ແລະ ພ້ອມເປີດຕົວໃຫ້ພວກເຮົານຳໃຊ້ກັນພາຍໃນປີ 2025 ທີ່ຈະມາຮອດນີ້.
ຂອບໃຈຂໍ້ມູນຈາກ :
– https://bit.ly/35mFaD3
– https://bit.ly/35laBgW
ຕິດຕາມຂ່າວທັງໝົດຈາກ LaoX: https://laox.la/all-posts/