ນ້ຳເກືອແມ່ນ ເກືອ Sodium Chloride ລະລາຍໃນນ້ຳບໍລິສຸດປາສະຈາກເຊື້ອໂຣກ ແລະ ມີຄວາມເຂັ້ມຂຸ້ມ 0.9%, ບໍ່ເຮັດໃຫ້ເກີດການລະຄາຍເຄືອງ, ມີຄວາມສົມດຸນກັບນໍ້າໃນເຊລຮ່າງກາຍ ເຊິ່ງເໝາະສຳລັບທໍາຄວາມສະອາດທົ່ວໄປ ບໍ່ສະເພາະແຕ່ໃຊ້ລ້າງບາດແຜ ຫຼື ລ້າງດັງເທົ່ານັ້ນ ຖືໄດ້ວ່າມີສັບພະຄຸນຫຼາກຫຼາຍ ແລະ ຄວນມີໄວ້ຕິດເຮືອນ.
ດ້ວຍຄຸນປະໂຫຍດທີ່ມີຄວາມອ່ອນໂຍນ, ບໍ່ລະຄາຍເຄືອງ, ບໍ່ມີສານເຄມີ ແລະ ສາມາດລ້າງບາດແຜໄດ້. ດັ່ງນັ້ນ, ຈຶ່ງເໝາະສຳລັບນຳມາທຳຄວາມສະອາດສິວອັກເສບໄດ້ທຸກສະພາບຜິວ.
ຖ້າໃບໜ້າໄດ້ຮັບການດູແລທີ່ດີ, ບໍ່ມີສານເຄມີລົບກວນ ບາດແຜຈາກສິວກໍຈະຈາງ ແລະ ເຊົາໄດ້ໄວຂຶ້ນ, ແຕ່ຫາກໃຊ້ຜະລິດຕະພັນບຳລຸງຜິວໜ້າຕ່າງໆທີ່ເປັນສ່ວນປະກອບຂອງສານເຄມີ ອາດຈະເຮັດໃຫ້ຂະບວນການຮັກສາບາດແຜຖືກລົບກວນ, ສິວເຊົາໄດ້ຊ້າ ແລະ ສ່ຽງຕໍ່ການເກີດຮອຍສິວ.
ສຳລັບຄົນໃຜທີ່ໜ້າບໍ່ເປັນສິວກໍສາມາດເຊັດໜ້າດ້ວຍນ້ຳເກືອໄດ້ເຊັ່ນກັນ. ເນື່ອງຈາກວ່າປະໂຫຍດຂອງນ້ຳເກືອແມ່ນສາມາດທຳຄວາມສະອາດຜິວໜັງໄດ້ ເຊິ່ງຊ່ວຍຫຼຸດຜ່ອນການເກີດສິວອຸດຕັນຈາກຝຸ່ນເທິງໃບໜ້າ.
ວິທີທຳຄວາມສະອາດຜິວໜ້າດ້ວຍນໍ້າເກືອ
- ລ້າງມືໃຫ້ສະອາດ ເທນໍ້າເກືອໃສ່ສຳລີພໍໝາດໆ
- ເຊັດທົ່ວບໍລິເວນໜ້າ ໂດຍສະເພາະຫົວສິວ ແລະ ສິວອຸດຕັນເທິງໃບຫນ້າຫຼັງຈາກການປິ່ນປົວສິວ
ນອກເໜືອຈາກການເຊັດໃຫ້ສະອາດດ້ວຍນ້ຳເກືອແລ້ວ ການທຳຄວາມສະອາດແປງແຕ່ງໜ້າ ແລະ ເລືອກຜະລິດຕະພັນທີ່ເໝາະສົມກັບຜິວໜ້າ, ກິນອາຫານທີ່ຊ່ວຍຟື້ນຟູຜິວ, ຫຼຸດຜ່ອນອາຫານທີ່ມີໄຂມັນສູງ ຫຼື ອາຫານທີ່ກະຕຸ້ນໃຫ້ເກີດສິວ, ການດື່ມນໍ້າໃຫ້ພຽງພໍຕໍ່ຮ່າງກາຍເພື່ອເພີ່ມຄວາມຊຸ່ມຊື່ນ ແລະ ພັກຜ່ອນໃຫ້ພຽງພໍ ຖືວ່າເປັນວິທີທີ່ຄວນເຮັດຄວບຄູ່ກັນໄປເພື່ອຜິວໜ້າຜ່ອງໃສ, ໄຮ້ສິວ ແລະ ຜິວລຽບນຽນສຸຂະພາບດີ.
ອ້າງອີງຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
