ປັດຈຸບັນ ໂລກໄດ້ຫັນມາສູ່ຍຸກລົດໄຟຟ້າ ຫຼື EV ຫຼາຍຂຶ້ນ ເນື່ອງຈາກມັນມີຄວາມຍືນຍົງ ແລະ ບໍ່ປ່ອຍມົນລະພິດສູ່ສິ່ງແວດລ້ອມ. ໃນຂະນະທີ່ລົດຮຸ່ນໃໝ່ທີ່ອອກມາຈະຫັນປ່ຽນໄປສູ່ລົດໄຟຟ້າໝົດ ລົດຮຸ່ນເກົ່າທີ່ອອກມາດົນກໍຄ່ອຍໆຕົກຍຸກໄປ ແລະ ກາຍເປັນຂີ້ເຫຍື້ອເມື່ອໝົດອາຍຸການໃຊ້ງານ.
![ອັງກິດ](https://laox.la/wp-content/uploads/2022/04/image-90.png)
ແຕ່ຫຼ້າສຸດ ກໍເລີ່ມມີການເອົາລົດເກົ່າມາປ່ຽນເຄື່ອງມໍເຕີ ກາຍເປັນລົດໄຟຟ້າໄດ້ ເຊິ່ງກໍເປັນອີກທາງເລືອກໜຶ່ງສຳລັບຜູ້ທີ່ຮັກລົດເກົ່າ ຫຼື ຢາກອະນຸລັກລົດຮຸ່ນເກົ່າໄວ້ ໂດຍທີ່ມັນບໍ່ໄດ້ປ່ອຍມົນລະພິດທຳລາຍສິ່ງແວດລ້ອມ.
![ອັງກິດ](https://laox.la/wp-content/uploads/2022/04/image-87.png)
ບໍລິສັດ MINI ບໍລິສັດລົດສັນຊາດອັງກິດ ທີ່ທຸກຄົນຮູ້ຈັກກັນດີໃນຮຸ່ນ MINI cooper ໄດ້ເປີດໃຫ້ບໍລິການ MINI Recharged ທີ່ບໍລິການປ່ຽນລົດ Mini ຮຸ່ນເກົ່າໃຫ້ກາຍເປັນລົດໄຟຟ້າທີ່ທັນສະໄໝ ເປັນການໝຸນວຽນຊັບພະຍາກອນ, ລົດການປ່ອຍມົນລະພິດ ແລະ ປະຢັດລາຍຈ່າຍໄດ້ໃນໄລຍະຍາວ.
![ອັງກິດ](https://laox.la/wp-content/uploads/2022/04/image-88.png)
ຫຼັງຈາກປ່ຽນເປັນລົດໄຟຟ້າແລ້ວ ລົດດັ່ງກ່າວສາມາດແລ່ນໄດ້ໃນຄວາມໄວສູງສຸດ 100 ກິໂລແມັດ/ຊົ່ວໂມງ, ຊາຈແບັດເຕີຣີເຕັມເທື່ອໜຶ່ງແລ່ນໄດ້ 160 ກິໂລແມັດ, ບໍ່ມີສຽງເຄື່ອງຈັກ ແລະ ບໍ່ປ່ອຍມົນລະພິດ.
![ອັງກິດ](https://laox.la/wp-content/uploads/2022/04/image-89.png)
ໃນອະນາຄົດບໍລິສັດຈະມີແຜນປ່ຽນລົດໃນຍຸກ 1959-2000 ເປັນລົດໄຟຟ້າ ເພື່ອຈະຍືດອາຍຸການໃຊ້ງານຂອງລົດ ເພື່ອຄວາມຍຶນຍົງໃນອະນາຄົດ ມຸ່ງໜ້າສູ່ອະນາຄົດຫົນທາງສະອາດ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/