ໃນຍຸກ New Normal ທີ່ທຸກຄົນຕ້ອງພະຍາຍາມໃສ່ໜ້າກາກອະນາໄມຕະຫຼອດເວລາ ທຸກເທື່ອທີ່ອອກໄປນອກ ຫຼື ບ່ອນທີ່ມີຄົນແອອັດ, ສາວົກ Apple ຄົນທີ່ໃຊ້ iPhone 10 ຂຶ້ນໄປ ຈຶ່ງມັກມີບັນຫາໃນການປົກລັອກໂທລະສັບ ເພາະວ່ານັບຕັ້ງແຕ່ iPhone10 ຂຶ້ນໄປ ທາງ Apple ເພິ່ນບໍ່ໄດ້ໃສ່ລະບົບປົດລັອກດ້ວຍລາຍນິ້ວມືມາໃຫ້, ແຕ່ໃຊ້ພຽງລະບົບສະແກນໃບໜ້າ ຫຼື Face ID ແລະ ການປົດລັອກດ້ວຍລະຫັດເທົ່ານັ້ນ ຈຶ່ງເກີດຄວາມຫຍຸ້ງຍາກຫຼາຍໃນການຈະປົດລະຫັດໃນແຕ່ລະເທື່ອ.
ວັນທີ 8 ມີນາ 2022 Apple ໄດ້ເປີດຕົວຜະລິດຕະພັນໃໝ່ໆເຊັ່ນ iPad Air, iPhone SE ຮຸ່ນໃໝ່ ແລະ ສີໃໝ່ຂອງ iPhone 13 ໃນງານ Peak Performance. ສ່ວນອາທິດນີ້ໄດ້ມີການເປີດຕົວ iOS ໃໝ່ Version 15.4 ໃຫ້ຜູ້ໃຊ້ງານທົ່ວໄປສາມາດອັບເດດໃຊ້ງານໄດ້ເລີຍ, ດ້ວຍຟັງຊັນທີ່ຜູ້ໃຊ້ສາມາດປົດລັອກໃນຂະນະທີ່ໃສ່ໜ້າກາກອະນາໄມ ແຕ່ກໍຍັງມີຂໍ້ຈຳກັດຢູ່. ໂດຍຟັງຊັນນີ້ສາມາດໃຊ້ໄດ້ສະເພາະ iPhone 12 ຂຶ້ນໄປ (ກ່ອນໜ້ານີ້ການປົດລັອກຂະນະທີ່ໃສ່ໜ້າກາກກໍສາມາດເຮັດໄດ້ ແຕ່ຕ້ອງໃຊ້ຄວບຄູ່ກັນໄປກັບ Apple Watch) ມາພ້ອມກັບ Emoji ໃໝ່ອີກ 123 ຕົວ.
Emoji ໃໝ່ 123 ຕົວນັ້ນ ມີ 11 ຕົວ ທີ່ຖືກພັດທະນາມາຈາກ Emoji ຊຸດເກົ່າ, ສ່ວນອີກ 112 ຕົວ ແມ່ນຊຸດໃໝ່ທີ່ທາງ Apple ໄດ້ຮອງຮັບໄວ້ໃນ Emoji 14.0 ນັ້ນເອງ. Emoji ທີ່ໄດ້ຮັບຄວາມສົນໃຈເຊັ່ນ: ການປະສານສອງມືເປັນຮູບຫົວໃຈ, ທ່າຊີ້ນິ້ວທີ່ມີທັງມືຊ້າຍ-ມືຂວາ, ການຂວໍ້າມື-ຫງາຍມື, ເຮັດມືເປັນ Mini Heart (ຮູບຫົວໃຈນ້ອຍ).
ສ່ວນໝວດໝູ່ Smiley ກໍໄດ້ເພີ່ມ Melting Face (ໃບໜ້າທີ່ຫຼອມລະລາຍ), ໃບໜ້າທີ່ກັ້ນນໍ້າຕາ ແລະ Smiley ທີ່ເຮັດທ່າເຄົາລົບແບບທະຫານ ແລະ ຍັງມີຄາແຣັກເຕີ້ Pregnant Person (ຄົນຖືພາ) ທີ່ມີທັງຜູ້ຍິງ ແລະ ຜູ້ຊາຍ.
ສ່ວນໝວດໝູ່ອື່ນໆກໍຍັງມີຄາແຣັກເຕີ້ທີ່ເພີ່ມເຂົ້າມາໃໝ່ເຊັ່ນ: ໝາກຖົ່ວຢູໃນແກ້ວ, ຮັງນົກເປົ່າ, ຮັງນົກທີ່ເຕັມໄປດ້ວຍໄຂ່, ປະກາລັງ, ດອກບົວ, ແກ້ວເປົ່າທີ່ຖອກນ້ໍາລົງເທິງພື້ນ ສະໄລເດີ້ໃນສະໜາມເດັກຫຼິ້ນ, ລໍ້ລົດ, ໝາກບານດິສໂກ, ແບັດເຕີຣີຕໍ່າ ແລະ ອີກອື່ນໆ ອີກຫຼາກຫຼາຍ.
ຂອບໃຈຂໍ້ມູນຈາກ:
ຕິດຕາມຂ່າວທັງໝົດຈາກ LaoX: https://laox.la/all-posts/
