ໃນວັນທີ 22 ກຸມພາ Alex Norström ຫົວໜ້າພະແນກທຸລະກິດຂອງ Spotify ໄດ້ກ່າວວ່າ Spotify ກຳລັງຂະຫຍາຍຕະຫຼາດດົນຕີໃຫ້ກວ້າງຂຶ້ນ 80 ແຫ່ງ ໂດຍຮັບຮອງເອົາພາສາໃໝ່ເຖິງ 36 ພາສາ ທັງປະເທດໃນທະວີບອາຟຣິກາຫຼາຍປະເທດ, ແຄຣິບບຽນ, ຢູໂຣບ, ອາເມຣິກາລາຕິນ ແລະ ປະເທດໃນແຖບອາຊີ ເຊິ່ງປະເທດລາວເຮົາເອງກໍເປັນໜຶ່ງໃນນັ້ນພ້ອມ, ເມື່ອລວມກັນແລ້ວ ຕະຫຼາດໃໝ່ແຫ່ງນີ້ມີຄົນທີ່ໃຊ້ອິນເຕີເນັດຢູ່ເຖິງ 1000 ລ້ານຄົນທີ່ສາມາດເຂົ້າເຖິງໄດ້.
ການຂະຫຍາຍຕະຫຼາດດັ່ງກ່າວ ໝາຍຄວາມວ່າ Spotify ຈະມີຕະຫຼາດຫຼາຍເຖິງ 173 ແຫ່ງ, Alex Norström ໄດ້ອະທິບາຍວ່າ “Spotify ຈະເປີດຕົວໃນຕະຫຼາດເຫຼົ່ານີ້ໃຫ້ໄດ້ຫຼາຍທີ່ສຸດເທົ່າທີ່ຈະເປັນໄປໄດ້…ພ້ອມກັບເນື້ອຫາ ແລະ ຟີເຈີຫຼັກທີ່ຈະພັດທະນາໄປຕາມການເວລາ ເຮົາເຊື່ອວ່າມີຜູ້ໃຊ້ງານ Spotify ຫຼາຍກວ່າ 1000 ລ້ານຄົນໃນນັ້ນ”
ໃນຂ່າວລະບຸວ່າ Spotify ມີແຜນການຈະໃຫ້ບໍລິການຟຣີ ແລະ ພຣີມຽມທີ່ພ້ອມໃຊ້ໃນຕະຫຼາດໃໝ່ໝົດທຸກແຫ່ງ ແລະ ຍັງປະກາດການສະໝັກສະມາຊິກໄຮໄຟໃໝ່ ເຊິ່ງຈະເປີດຕົວໃນບາງຕະຫຼາດໃນປາຍປີນີ້.
Alex Norström ຍັງໄດ້ກ່າວວ່າ “ຄຣີເອເຕີ ແລະ ຜູ້ຟັງຮຸ່ນໃໝ່ກຳລັງເຕີບໃຫຍ່ຂະຫຍາຍຕົວຂຶ້ນ ໂດຍມີຄວາມຫຼົງໄຫຼ ແລະ ຄວາມຄິດສ້າງສັນ ເຊິ່ງໄດ້ຮັບພະລັງຈາກຄວາມກ້າວໜ້າທີ່ຍິ່ງໃຫຍ່ຂອງເທັກໂນໂລຢີ”
ຂອບໃຈຂໍ້ມູນຈາກ:
