ບໍ່ວ່າພວກເຮົາຈະເດີນທາງໄປທ່ຽວ ຫຼື ຮຽນຕໍ່ຢູ່ປະເທດຈີນ ໜຶ່ງໃນແອັບພິເຄຊັນທີ່ພວກເຮົາຈະຂາດໄປບໍ່ໄດ້ເລີຍກໍຄື “Meituan” ເນື່ອງຈາກວ່າມັນເປັນແອັບທີ່ບໍ່ພຽງແຕ່ໃຫ້ບໍລິການສັ່ງອາຫານ ແຕ່ມັນລວມເອົາເກືອບທຸກຢ່າງໃນຊີວິດປະຈຳວັນຂອງຄົນຈີນຢູ່ໃນແອັບດຽວ ບໍ່ວ່າຈະເປັນອາຫານສົດ, ໝາກໄມ້ຊະນິດຕ່າງໆ, ເຄື່ອງໃຊ້ໄຟ້ຟ້າ, ຈອງໂຮງແຮມ, ບໍລິການເສີມສວຍ, ປຶກສາແພດໝໍ, ຕັດຜົມ, ເຕີມເງິນ ແລະ ອື່ນໆກໍສາມາດຮັບຈົບໄດ້ໃນແອັບດຽວ!
ເມື່ອແນມໄປທີ່ຕະຫຼາດຈີນທີ່ມີການແຂ່ງຂັນດ້ານລາຄາຢ່າງດຸເດືອດ. ໂດຍສະເພາະທຸລະກິດ “ການບໍລິການຈັດສົ່ງອາຫານ” ສາມາດເຫັນໄດ້ຈາກບໍລິສັດທີ່ເຮັດທຸລະກິດເຊັ່ນ “Grab” ແລະ “foodpanda” ໃນປະເທດໄທ, ເຊິ່ງຕ້ອງທົນກັບການສູນເສຍມາເປັນເວລາຫຼາຍປີ ແລະ ເມື່ອບໍ່ດົນມານີ້ Grab ສາມາດເຮັດກຳໄລໄດ້ພຽງເລັກໜ້ອຍໃນໄຕມາດ 3 ປີ 2023 ນັບຕັ້ງແຕ່ກໍ່ຕັ້ງບໍລິສັດມາ 11 ປີ.
ແຕ່ສຳລັບຕະຫຼາດຈີນທີ່ມີການແຂ່ງຂັນກັນຫຼາຍກວ່າຢູ່ໄທ, “Meituan” ໄດ້ນຳໃຊ້ “3 ກົນລະຍຸດທີ່ສຳຄັນ” ຈົນສາມາດຂຶ້ນເປັນອັນດັບ 1 ໃນອຸດສາຫະກຳ ແລະ ຖືສ່ວນແບ່ງຕະຫຼາດແອັບພິເຄຊັນສຳລັບສັ່ງອາຫານຢູ່ຈີນເກືອບ 70%. ອີງຕາມ ChinaIRN, ບໍລິສັດຄົ້ນຄວ້າຕະຫຼາດຂອງຈີນໃນປີ 2022
ໂດຍໃນມື້ນີ້ເຮົາຈະສະຫຼຸບກ່ຽວກັບກົນລະຍຸດທີ່ Meituan ໃຊ້ໃນການຕີຕະຫຼາດ ການຈັດສົ່ງອາຫານ ແບບງ່າຍໆໃຫ້ເຂົ້າໃຈກັນ.
- ເຮັດໃຫ້ແອັບເປັນທຸກໆຢ່າງຂອງລູກຄ້າ
ສຳລັບບໍລິການດ້ານການຈັດສົ່ງ
- ອາຫານ: ຕ້ອງກວມເອົາຮ້ານອາຫານພື້ນເມືອງ, ຮ້ານອາຫານແບບ Fast food , ຮ້ານກາເຟ ແລະ ອື່ນໆ.
- ຢາປິ່ນປົວ: ຮ່ວມມືກັບຮ້ານຂາຍຢາຊັ້ນນໍາເພື່ອຈັດສົ່ງຢາໃຫ້ຮອດເຖິງເຮືອນຂອງລູກຄ້າ
- ຜະລິດຕະພັນສົດ: ຜັກ, ໝາກ ໄມ້, ຊີ້ນ, ອາຫານທະເລ
- ຂອງໃຊ້ໃນຄົວເຮືອນ: ສິນຄ້າບໍລິໂພກ ແລະ ຂອງໃຊ້ສ່ວນຕົວ
- ການໃຊ້ບໍລິການເຊັ່ນ: ບໍລິການຊັກລີດ, ບໍລິການທໍາຄວາມສະອາດ…
ສຳລັບບໍລິການອື່ນໆ
- ຈອງປີ້ຮູບເງົາ: ໂຮງຮູບເງົາທົ່ວປະເທດ
- ຈອງປີ້ຍົນ: ສາຍການບິນລາຄາປະຢັດ ແລະ ສາຍການບິນແບບເຕັມຮູບແບບ
- ການຈອງຮ້ານອາຫານ: ຮ້ານອາຫານປະເພດຕ່າງໆ
- ການຈອງໂຮງແຮມ: ໂຮງແຮມໃນທຸກລະດັບ ແລະ ລາຄາ
- ເອີ້ນລົດ: ບໍລິການລົດແທັກຊີ ແລະ ລົດໂດຍສານທົ່ວໄປ
- ແນມເຫັນສ່ວນແບ່ງຕະຫຼາດກ່ອນກໍາໄລ.
ກົນລະຍຸດດ້ານລາຄາ
- ໃຫ້ສ່ວນຫຼຸດຄ່າໃຊ້ຈ່າຍໃນການຈັດສົ່ງອາຫານ
- ໃຫ້ຄູປອງສ່ວນຫຼຸດສໍາລັບຮ້ານອາຫານ
- Promotion ຊື້ 1 ແຖມ 1
- ແຈກເງິນໃຫ້ຜູ້ໃຊ້ບໍລິການຄືນ
ກົນລະຍຸດດ້ານການຕະຫຼາດ
- ແຄມເປນໂຄສະນາອອນລາຍ
- ສະໜັບສະໜູນ Influencers
- ຮ່ວມມືກັບແບຣນທີ່ມີຊື່ສຽງ
- ລົງທຶນໃນເຕັກໂນໂລຊີ
ລະບົບ Ai
- ວິເຄາະຂໍ້ມູນລູກຄ້າ ແລະ ພຶດຕິກໍາການສັ່ງອາຫານ
- ແນະນຳຮ້ານອາຫານທີ່ກົງກັບຄວາມຕ້ອງການຂອງເຈົ້າ
- ຄາດການເວລາໃນການຈັດສົ່ງ
Algorithm
- ພັດທະນາລະບົບຈັດເສັ້ນທາງການໃນການສົ່ງສິນຄ້າ
- ເພີ່ມປະສິດທິພາບການຄຸ້ມຄອງຜູ້ຂັບຂີ່
- ການຄວບຄຸມຄຸນະພາບອາຫານ
ລະບົບອື່ນໆ
- ລະບົບການຊຳລະເງິນອອນລາຍທີ່ປອດໄພ
- ລະບົບຕິດຕາມສະຖານະການຈັດສົ່ງ
- ລະບົບການບໍລິການລູກຄ້າ
ນອກຈາກນີ້ຍັງມີກົນລະຍຸດອື່ນໆອີກເຊັ່ນ:
- ລະບົບສະມາຊິກ:
- ລະດັບສະມາຊິກ VIP
- ມອບສິດທິພິເສດ, ສ່ວນຫຼຸດ, ຄູປອງ, ສົ່ງຟຣີ
- ດຶງດູດໃຫ້ລູກຄ້າສັ່ງອາຫານຖີ່ຂຶ້ນ
ຂະຫຍາຍຖານລູກຄ້າຂອງທ່ານ:
- ຂະຫຍາຍການບໍລິການໄປສູ່ຕົວເມືອງຕ່າງໆ
- ເພີ່ມກຸ່ມລູກຄ້າໃໝ່ ເຊັ່ນ: ກຸ່ມນັກຮຽນ ແລະ ກຸ່ມທີ່ເຮັດວຽກ.
ສ້າງແບຣນ:
- ເນັ້ນຄວາມສະດວກ, ຄວາມໄວ ແລະ ຄວາມປອດໄພ.
- ສ້າງພາບລັກແບຣນທີ່ໜ້າເຊື່ອຖື.
ເຖິງແມ່ນວ່າ “Meituan” ຈະຖືຄອງສ່ວນແບ່ງຕະຫຼາດການຈັດສົ່ງອາຫານປະມານ 70%, ແຕ່ຄູ່ແຂ່ງທີ່ໃຫຍ່ຮອງລົງມາແມ່ນ “Ele.me” ຍັກໃຫຍ່ອີຄອມເມີຊ Alibaba ທີ່ຄອງສ່ວນແບ່ງເກືອບ 30% ກໍໄດ້ເພີ່ມໂປຣໂມຊັນເພື່ອທີ່ຈະຍາດຊິງສ່ວນແບ່ງການຕະຫຼາດເຊັ່ນກັນ.
ສຳລັບຜົນການດຳເນີນງານຂອງ “Meituan” ໃນໄລຍະ 5 ປີລະຫວ່າງ 2018 -2022 ມີດັ່ງນີ້.
- ໃນປີ 2022 ມີລາຍໄດ້ 255,781 ລ້ານໂດລາຮ່ອງກົງ, ຂາດທຶນ 7,775 ລ້ານໂດລາຮ່ອງກົງ.
- ໃນປີ 2021, ມີລາຍໄດ້ 215,887 ລ້ານໂດລາຮ່ອງກົງ, ຂາດທຶນ 28,369 ລ້ານໂດລາຮ່ອງກົງ.
- ໃນປີ 2020, ມີລາຍໄດ້ 128,994 ລ້ານໂດລາຮ່ອງກົງ, ກຳໄລສຸດທິ 5,291 ລ້ານໂດລາຮ່ອງກົງ.
- ໃນປີ 2019, ມີລາຍໄດ້ 110,589 ລ້ານໂດລາຮ່ອງກົງ, ກຳໄລສຸດທິ 2,539 ລ້ານໂດລາຮ່ອງກົງ.
- ໃນປີ 2018, ມີລາຍໄດ້ 77,259 ລ້ານໂດລາຮ່ອງກົງ, ຂາດທຶນ 136,777 ລ້ານໂດລາຮ່ອງກົງ.
ພວກເຮົາສາມາດເຫັນໄດ້ວ່າ “ລາຍໄດ້” ຂອງ Meituan ໄດ້ສືບຕໍ່ເຕີບໂຕສູງຂຶ້ນຢ່າງຕໍ່ເນື່ອງ, ແຕ່ “ກໍາໄລສຸດທິ” ຂອງມັນຍັງຄົງບໍ່ສະເໝີສະເໝີກັນ. ແລະໃນບາງປີ, ກໍມີການຂາດທຶນ ອັນເປັນຜົນມາຈາກຄວາມກົດດັນຈາກເສດຖະກິດຈີນທີ່ກໍາລັງຊະລໍຕົວລົງ, ການແຂ່ງຂັນທາງທຸລະກິດທີ່ຮຸນແຮງຂຶ້ນ, ລວມທັງຜົນກະທົບຂອງນະໂຍບາຍລະບຽບການທຸລະກິດຂອງລັດຖະບານ.
ສິ່ງເຫຼົ່ານີ້ສະແດງໃຫ້ເຫັນຮູບແບບການດຳເນີນທຸລະກິດແບບ Red Ocean, ເຖິງແມ່ນວ່າຈະເຕີບໂຕຢ່າງດີ ແລະ ເປັນການບໍລິການທີ່ຄົນຈີນບໍ່ສາມາດຂາດໄດ້. ແຕ່ການແຂ່ງຂັນດ້ານລາຄາກໍຍັງເປັນການແຂ່ງຂັນທີ່ມີຄວາມເຂັ້ມຂຸ້ນເຊັ່ນກັນ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/