Carol Dweck ເປັນນັກຈິດຕະວິທະຍາທີ່ໄດ້ອຸທິດຊີວິດວຽກງານຂອງລາວ ເພື່ອສຶກສາດ້ານທັດສະນະຄະຕິ ແລະ ສັກກະຍະພາບ ເຊິ່ງຜົນງານການວິໄຈຫຼ້າສຸດຂອງລາວນັ້ນສະແດງໃຫ້ເຫັນວ່າ “ທັດສະນະຄະຕິສາມາດບົ່ງບອກຄວາມສຳເລັດໄດ້ຫຼາຍກວ່າລະດັບໄອຄິວ” ລາວພົບວ່າ ທັດສະນະຄະຕິທີ່ເປັນແກນຫຼັກຂອງຄົນເຮົານັ້ນແບ່ງອອກເປັນ 2 ປະເພດຄື: ກອບຄວາມຄຶດແບບຈຳກັດ (Fix Mindset) ແລະ ກອບຄວາມຄຶດທີ່ເຕີບໂຕ (Growth Mindset).
ຄົນທີ່ມີກອບຄວາມຄຶດແບບຈຳກັດ ຈະເປັນຄົນທີ່ຍຶດໝັ້ນໃນຄວາມຄຶດຂອງຕົນເອງ ແລະ ບໍ່ຍອມປ່ຽນແປງຕົນເອງເພື່ອສິ່ງໃດໆ ເຊິ່ງການທີ່ມີວິທີຄຶດແບບນີ້ເອງ ອາດຈະເປັນບັນຫາໄດ້ເວລາທີ່ພົບພໍ້ກັບສິ່ງທີ່ຕົວເອງບໍ່ສາມາດຮັບມືໄດ້ ແລະ ມັນຈະເຮັດໃຫ້ຮູ້ສຶກສິ້ນຫວັງ ແລະ ຍອມທໍ້ຖອຍໄດ້.
ສ່ວນຄົນທີ່ມີກອບຄວາມຄຶດທີ່ເຕີບໂຕ ຈະເປັນຄົນທີ່ມັກເຊື່ອວ່າຄົນເຮົານັ້ນສາມາດພັດທະນາາຕົນເອງໄດ້ສະເໝີ ຕາບໃດທີ່ເຮົາຍັງມີຄວາມພະຍາຍາມຢູ່ ແລະ ວິທີນີ້ອາດຈະເຮັດໃຫ້ເກີດມີຄວາມກ້າວໜ້າຫຼາຍກວ່າຄົນທີ່ມີຄວາມຄຶດແບບຕາຍໂຕ ເຖິງວ່າໄອຄິວຈະບໍ່ໄດ້ສູງກໍຕາມ ເພາະຄົນປະເພດນີ້ຈະມັກສິ່ງທີ່ທ້າທາຍ ແລະ ເບິ່ງວ່າສິ່ງຕ່າງໆທີ່ເຂົ້າມາເປັນໂອກາດໃນການຮຽນຮູ້ສິ່ງໃໝ່ໆ.
![](https://laox.la/wp-content/uploads/2020/10/31.png)
ໂດຍທົ່ວໄປແລ້ວຄົນທີ່ມີຄວາມສາມາດ ຫຼື ເປັນຄົນສະຫຼາດຈະເຮັດໃຫ້ມີຄວາມໝັ້ນໃຈຫຼາຍກວ່າຄົນອື່ນ ເຊິ່ງເປັນຄວາມຈິງສະເພາະເວລາທີ່ພໍ້ເລື່ອງງ່າຍໆເທົ່ານັ້ນ ແຕ່ປັດໄຈທີ່ສຳຄັນກວ່ານັ້ນແມ່ນການຈັດການກັບຄວາມຜິດພາດ ແລະ ການພົບພໍ້ກັບອຸປະສັກຕ່າງໆທີ່ຍາກແລະຫນັກຫນາ ຄົນທີ່ມີກອບຄວາມຄຶດແບບເຕີບໂຕຈະພ້ອມອ້າແຂນຮັບອຸປະສັກຕ່າງ.
Dweck ກ່າວວ່າຄວາມສຳເລັດໃນຊີວິດ ແມ່ນເລື່ອງຂອງການຮັບມືກັບຄວາມຫລົ້ມເຫຼວໃນຊີວິດເຮົານີ້ລະ ໂດຍລາວໄດ້ອະທິບາຍວິທີຄຶດຂອງຄົນທີ່ຄວາມຄຶດແບບເຕີບໂຕໄວ້ວ່າ “ຄວາມຫລົ້ມເຫຼວເປັນພຽງຂໍ້ມູນອັນໜຶ່ງ ເຮົາຕິດປ້າຍເອົາໄວ້ວ່າມັນເປັນຄວາມຫລົ້ມເຫຼວ ເຊິ່ງມັນເຮັດໃຫ້ເຮົາຮູ້ວ່າ ຖ້າວິທີນີ້ບໍ່ໄດ້ຜົນ ເຮົາກໍລອງອີກວິທີໃໝ່ເບິ່ງ” ບໍ່ວ່າເຮົາຈະເປັນຄົນປະເພດໃດກໍຕາມ ເຮົາສາມາດປ່ຽນແປງ ແລະ ພັດທະນາຄວາມຄຶດແບບເຕີບໂຕໄດ້ທັງນັ້ນ ແລະ ເຮົາມີວິທີທີ່ຈະຊ່ວຍປັບມຸມມອງທ່ານໃຫ້ມີຄວາມຄຶດທີ່ດີຂຶ້ນດ້ວຍວິທີດັ່ງຕໍ່ໄປນີ້:
ຢ່າຈົມຢູ່ກັບຄວາມຮູ້ສຶກວ່າຕົນເອງໄຮ້ຄ່າ
ໃຜໆກໍເຄີຍມີຊ່ວງເວລາທີ່ຮູ້ສຶກວ່າຕົນເອງໄຮ້ຄ່າທັງນັ້ນ ເຊິ່ງບົດທົດສອບຂອງທ່ານແມ່ນ ທ່ານຈະມີປະຕິກິລິຍາຕອບກັບຄວາມຮູ້ສຶກແບບນີ້ແນວໃດ? ທ່ານຈະເລືອກຮຽນຮູ້ເປັນບົດຮຽນ ແລະ ກ້າວຕໍ່ໄປ ຫຼືື ຈະປ່ອຍໃຫ້ຕົນເອງຈົມລົງໄປເລື້ອຍໆ ມີຫຼາຍຄົນທີ່ປະສົບຜົນສຳເລັດ ບໍ່ສາມາດມາເຖິງຈຸດນີ້ໄດ້ ຖ້າຫາກພວດເຂົາບໍ່ເຄີຍຍອມໃຫ້ກັບຄວາມຮູ້ສຶກທໍ້ຖອຍມາກ່ອນ ຍົກຕົວຢ່າງບຸກຄົນເຫຼົ່ານີ້.
ວໍລ ດິສນີ ທີ່ເຄີຍຖືກໄລ່ອອກຈາກບໍລິສັດ Kansas City Star ເພາະບໍ່ມີຄວາມຄຶດສ້າງສັນ ແລະ ໄອຄິວ ຕໍ່ມາລາວກໍ່ຕັ້ງບໍລິສັດໂຕເອງ ແລະກາຍເປັນບໍລິສັດຜະລິດສື່ບັນເທີງ ໂດຍສະເພາະກາຕູນແລະຮູບເງົາ ທີ່ໃຫຍ່ອັນດັບຕົ້ນໆຂອງໂລກ
ໂອປຣາ ວິນຟຣີ ກໍເຄີຍຖືກໄລ່ອອກຈາກການເປັນຜູ້ປະກາດຂ່າວ ຂອງບໍລິວັດ ບອລຕິມໍ ເພາະວ່າລາວອ່ອນໄຫວກັບເລື່ອງສ່ວນຕົວເກີນໄປ ຕໍ່ມາລາວກາຍເປັນພິທີກອນທີ່ມີຊື່ສຽງລະດັບຕົ້ນໆຂອງປະເທດ
ເຮນຣີ ຟອດ ເຄີຍລົ້ມເຫຼວຈາການສ້າງບໍລິສັດມາແລ້ວ 2 ຄັ້ງ ກ່ອນຈະປະສົບຜົນສຳເລັດຈາກບໍລິສັດ Ford ທີ່ສາມາດປະຕິວັດອຸດສະຫະກຳຜະລິດລົດໃຫຍ່ ໃຫ້ເປັນແບບສາຍການຜະລິດ ເຊິ່ງເປັນໂມເດລໃຫ້ບໍລິສັດອື່ນໆເຮັດຕາມໃນເວລາຕໍ່ມາ
ສະຕີເວັນ ສະປິລເບີກ ເຄີຍຖືກປະຕິເສດຈາກ USC’s Cinematic Art School ມາຫຼາຍຄັ້ງເຊັ່ນກັນ ຕໍ່ມາລາວພິສູດໂຕເອງໂດຍການກາຍເປັນນຶ່ງໃນ ຜູ່ກຳກັບຮູບເງົາແຖວຫນ້າຂອງຮໍລີວູດ
ລອງຈິນຕະນາການວ່າພວກເຂົາເຫຼົ່ານີ້ ມີຄວາມຄຶດແບບຈຳກັດ ກໍອາດຈະຍອມ ແລະ ເຊົາເຮັດໄປແລ້ວ ຄົນທີ່ມີຄວາມຄຶດແບບເຕີບໂຕຈະຮູ້ສຶກບໍ່ໄຮ້ຄ່າ ເພາະຮູ້ວ່າ ການທີ່ຈະປະສົບຄວາມສຳເລັດໄດ້ ທ່ານຕ້ອງເຕັມໃຈທີ່ຈະຫລົ້ມເຫຼວ ແລະ ລຸກຂຶ້ນໃໝ່ໄດ້ອີກຄັ້ງ.
![](https://laox.la/wp-content/uploads/2020/10/32.jpg)
ຄວາມເອົາໃຈໃສ່ ແລະ ຫຼົງໄຫຼໃນສິ່ງທີ່ເຮັດ
ແນ່ນອນວ່າ ໃນໂລກນີ້ມີຄົນທີ່ມີພອນສະຫວັນ ແລະ ເກັ່ງຫຼາຍກວ່າເຮົາສະເໝີ ແຕ່ເຮົາບໍ່ສາມາດເອົາຄວາມເອົາໃຈໃສ່ ແລະ ຫຼົງໄຫຼໃນສິ່ງທີ່ເຮົາມັກມາທົດແທນພອນສະຫວັນທີ່ຂາດຫາຍໄປໄດ້ ນັ້ນເປັນສິ່ງທີ່ຜັກດັນໃຫ້ຄົນເຮົາບໍ່ຢຸດພັດທະນາຕົນເອງ ວໍເຣນ ບັບເຟດ ລາວແນະນຳວ່າໃຫ້ຫາສິ່ງທີ່ມັກ ແລະ ຫຼົງໄຫຼແທ້ໆ ດ້ວຍວິທີທີ່ເອີ້ນວ່າ 5/25 ໂດຍໃຫ້ຂຽນສິ່ງທີ່ສົນໃຈຫຼາຍທີ່ສູດ 25 ຢ່າງ ແລ້ວຕັດອອກ 20 ຂໍ້ 5 ຂໍ້ທີ່ເຫຼືອນັ້ນລະ ຈະແມ່ນສິ່ງທີ່ມັກເຮົາມັກທີ່ສຸດແທ້ໆ.
ລົງມືເຮັດ
ຄົນທີ່ມີກອບຄວາມຄຶດແບບເຕີບໂຕ ບໍ່ໄດ້ເອົາຊະນະຄວາມຢ້ານໄດ້ຍ້ອນພວກເຂົາກ້າຫານກວ່າຄົນອື່ນ ແຕ່ເປັນຍ້ອນວ່າພວກເຂົາຮູ້ວ່າ ຄວາມຢ້ານເປັນອາລົມທີ່ເຮັດໃຫ້ໝົດກຳລັງໃຈ ເຊິ່ງທາງອອກທີ່ດີທີ່ສຸດແມ່ນການລົງມືເຮັດຢ່າງຈິງຈັງ ມັນຈະປ່ຽນຄວາມກັງວົນຕໍ່ຄວາມຫລົ້ມເຫຼວເປັນພະລັງທາງບວກໄດ້.
ກ້າວໄປໃຫ້ໄກກວ່າຈຸດທີ່ເຄີຍກ້າວມາ
ຄົນທີ່ເຕັມໄປດ້ວຍກຳລັງໃຈ ຈະບໍ່ລັງເລທີ່ຈະເອົາໃຈໃສ່ໃນສິ່ງທີ່ເຮັດ ພວກເຂົາຈະຜັກດັນຕົນເອງໃຫ້ໄປໄກກວ່າຈຸດເກົ່າສະເໝີ. ມີເລື່ອງເລົ່າເລື່ອງໜຶ່ງຂອງ ບຣູສ ລີ ກ່າວໄວ້ວ່າ “ແລ່ນຕໍ່ອີກຈັກ 2 ໄມລ໌ເທາະ!” ດ້ວຍຄວາມອິດເມື່ອຍ ລູກສິດຂອງລາວຈຶ່ງເວົ້າວ່າ ຖ້າແລ່ນຕໍ່ອີກຂ້ອຍຕ້ອງຕາຍແທ້ໆ ບຣູສ ລີ ກໍເລີຍຕອບວ່າ “ຊັ້ນກໍແລ່ນຕໍ່ແມ້!” ເມື່ອແລ່ນຄົບ 5 ໄມລ໌ ລູກສິດຂອງລາວທັງເມື່ອຍ ແລະ ໃຈຮ້າຍ ບຣູສ ລີ ຈຶ່ງອະທິບາຍໃຫ້ລູກສິດຟັງວ່າ “ຕໍ່ໃຫ້ເຈົ້າບໍ່ແລ່ນຕໍ່ອີກ 2 ໄມລ໌ ເຈົ້າກໍອາດຈະຕ້ອງຕາຍຢູ່ດີ ຖ້າເອົາແຕ່ສ້າງຂີດຈຳກັດໃຫ້ຕົວເອງ ບໍ່ວ່າຈະເລື່ອງໃດ ເຈົ້າກໍຈະມີຂີດຈຳກັດໃຫ້ຕົວເອງຢູ່ເຕັມໄປໝົດ ຂີດຈຳກັດທີ່ແທ້ຈິງມັນບໍ່ມີດອກ ມີແຕ່ອຸປະສັກທີ່ຈະຕ້ອງກ້າວຂ້າມມັນໄປໃຫ້ໄດ້ ເຖິງແມ່ນວ່າມັນຈະຂ້າເຈົ້າກໍຕາມ ເພາະຄົນເຮົາມັນຕ້ອງມີການພັດທະນາຕົນເອງຢູ່ສະເໝີ ຖ້າເຈົ້າບໍ່ພັດທະນາຕົນເອງຂຶ້ນມື້ລະໜ້ອຍ ອາດຈະກາຍເປັນວ່າເຈົ້າເອງກໍຖອຍຫລັງລົງເລື້ອຍໆແທນ ແລະ ເຈົ້າເອງກໍບໍ່ຢາກເປັນແບບນັ້ນ ແມ່ນບໍ່ລະ?”
![](https://laox.la/wp-content/uploads/2020/10/33-1024x682.png)
ຄາດຫວັງຜົນທີ່ໄດ້ຮັບ
ຄົນທີ່ມີກອບຄວາມຄຶດແບບເຕີບໂຕມັກຈະຮູ້ວ່າ ພວກເຂົາຈະຕ້ອງຫລົ້ມເຫຼວຢູ່ເລື້ອຍໆ ແຕ່ພວກເຂົາບໍ່ເຄີຍຢຸດຄາດຫວັງ ເຖິງແມ່ນວ່າຈະຮູ້ແບບນັ້ນກໍຕາມ ການຕັ້ງຄວາມຫວັງກັບຜົນທີ່ໄດ້ຮັບເປັນຕົວກະຕຸ້ນໃຫ້ເຈົ້າໄດ້ກ້າວຕໍ່ໄປ ລອງຄຶດເບິ່ງວ່າ ຖ້າຫາກເຮົາບໍ່ຕັ້ງຄວາມຫວັງວ່າ ຕົວເອງຈະປະສົບຜົນສຳເລັດ ເຮົາກໍຄົງຈະບໍ່ພະຍາຍາມມາຮອດຈຸດນີ້ດອກ ແມ່ນບໍ່?
ປັບຕົວກັບບັນຫາທີ່ໄດ້ພົບ
ບໍ່ມີໃຜທີ່ບໍ່ຕ້ອງພົບເຈີກັບຄວາມຍາກລຳບາກ ຜູ້ຄົນທີ່ມີກອບຄວາມຄຶດແບບເຕີບໂຕ ຈະໃຊ້ຄວາມຍາກລຳບາກໃນການພັດທະນາຕົນເອງ ບໍ່ແມ່ນໃຊ້ເພື່ອໃຫ້ຕົນເອງຖົດຖອຍ ເມື່ອຖືກທ້າທາຍດ້ວຍເຫດການທີ່ບໍ່ຄາດຄຶດ ພວກເຂົາຈະປັບຕົວໃຫ້ເຂົ້າກັບມັນຈົນກວ່າຈະຜ່ານພົ້ນມັນໄປໄດ້.
ຢ່າຈົ່ມເວລາທີ່ບໍ່ໄດ້ດັ່ງໃຈ
ການຈົ່ມ ເປັນລັກສະນະພຶດຕິກຳຂອງຄົນທີ່ທີກອບຄວາມຄຶດແບບຈຳກັດແບບຊັດເຈນ ຄົນທີ່ີຄວາມຄຶດແບບເຕີບໂຕຈະຊອກຫາທຸກໂອກາດທີ່ເປັນໄປໄດ້ສະເໝີ ຈຶ່ງບໍ່ມີພື້ນທີ່ພໍໃຫ້ຈົ່ມ.
![](https://laox.la/wp-content/uploads/2020/10/34-1024x361.jpg)
ທີ່ມາ: https://m.facebook.com/story.php?story_fbid=561821651395729&id=211285206449377