ທ່ານຈະເຮັດແນວໃດ ຖ້າມື້ໜຶ່ງລູກຊາຍສຸດທີ່ຈະດື້ຂອງທ່ານໄປຫຼິ້ນກັບມາພ້ອມກວາງ?
ເຫດການນີ້ເກີດຂຶ້ນທີ່ລັດເວີຈິເນຍ ປະເທດສະຫະລັດອາເມຣິກາ ເມື່ອ “ໂດມິນິກ” ເດັກນ້ອຍສຸດດື້ອາຍຸ 4 ປີ ອອກໄປຫຼິ້ນນອກບ້ານໃນຂະນະທີ່ແມ່ຂອງລາວກຳລັງເກັບເຄື່ອງຢູ່.
ສະເຕຟານີ ບຣາວ ຜູ້ເປັນແມ່ ເລົ່າວ່າຫຼັງຈາກທີ່ຈັດການເຄື່ອງໃນຕູ້ເຢັນແລ້ວ ສະເຕຟານີກໍໄດ້ຍິນສຽງຍ່າງຂອງລູກຊາຍກັບມາຈາກນອກເຮືອນຫຼັງຈາກໄປຫຼິ້ນ, ແຕ່ເມື່ອສະເຕຟານີອອກໄປເປີດປະຕູຕ້ອນຮັບກໍຕ້ອງແປກໃຈກັບພາບທີ່ເຫັນ.
“ນີ້ຄົງເປັນເຫດການທີ່ບໍ່ມີວັນລືມ ຂ້ອຍຢືນອຶ້້ງແລະຕະລຶງໄປເຖິງ 2 ວິນາທີ ເພາະບໍ່ຢາກຈະເຊື່ອວ່າລູກຊາຍຈະກັບມາພ້ອມກັບກວາງນ້ອຍ”
ສ່ວນເດັກຊາຍດັ່ງກ່າວເຮັດຄືບໍ່ມີຫຍັງເກີດຂຶ້ນ ປານກັບວ່າພຽງແຕ່ພາໝູ່ກັບມາຫຼິ້ນນຳຢູ່ເຮືອນເທົ່ານັ້ນ. ຫຼັງຈາກນັ້ນ, ສະເຕຟານີໄດ້ບອກກັບລູກຊາຍຂອງຕົນເອງວ່າ ໃຫ້ພາກວາງນ້ອຍນີ້ກັບໄປສົ່ງຢູ່ເຮືອນຂອງມັນ ຖ້າບໍ່ດັ່ງນັ້ນແມ່ຂອງມັນຄືຈະຕ້ອງຕາມຫາລູກແທ້ໆ.
ຫຼັງຈາກນັ້ນ ພາບຄວາມໜ້າຮັກລະຫວ່າງມິດຕະພາບຂອງໂດມິນິກ ກັບກວາງນ້ອຍກໍກາຍເປັນກະແສເທິງ Facebook ໃນອາເມຣິກາຈົນເຮັດໃຫ້ຫຼາຍຄົນອົດທີ່ຈະຍິ້ມຕາມບໍ່ໄດ້ກັນເລີຍ.
ພາບ: nbc12.com
ຂອບໃຈຂໍ້ມູນຈາກ:
- https://www.nbc12.com/2021/01/28/year-old-virginia-boy-befriends-baby-deer-while-playing-outside/?fbclid=IwAR2onatPRtTP5fUGvoZ-TIziqr2EGiZiXFJg7QSPy36EOmgFd6XcJIgg29o
- https://www.indiatoday.in/trending-news/story/4-year-old-boy-befriends-baby-deer-while-playing-outside-in-virginia-adorable-viral-pic-1763912-2021-01-29
){kind=link}