ເກົາຫຼີໃຕ້ໄດ້ປະກາດແຜນການໜູນຊ່ວຍອຸດສາຫະກຳ semiconductor ມູນຄ່າ 2600 ຕື້ວອນ (ປະມານ 19 ຕື້ໂດລາ), ເພື່ອຊຸກຍູ້ໃຫ້ຜູ້ຜະລິດຊິບ ແລະ suppliers ໃຫ້ເພີ່ມການລົງທຶນໃນ semiconductors ໃນປະເທດ, ເຊິ່ງສ່ວນໃຫຍ່ແມ່ນກ່ຽວກັບຜົນປະໂຫຍດດ້ານພາສີ. ໂດຍພວກເຂົາຕ້ອງການເພີ່ມຄວາມສາມາດໃນການແຂ່ງຂັນໃນອຸດສາຫະກໍາຊິບ, ເຊິ່ງໃນປັດຈຸບັນມີການແຂ່ງຂັນກັນເພື່ອດຶງດູດການລົງທຶນຫຼາຍຂຶ້ນ.
ສຳລັບແຜນການລົງທຶນຄັ້ງໃຫຍ່ທີ່ມີເງິນທຶນ 2600 ຕື້ວອນຈະປະກອບໄດ້ດ້ວຍ:
- ເງິນສະໜັບສະໜູນທາງດ້ານການເງິນ, ພື້ນຖານໂຄງສ້າງ, ການຄົ້ນຄວ້າ ແລະ ພັດທະນາ
- ເງິນສະໜັບສະໜູນວິສາຫະກິດຂະໜາດນ້ອຍ ແລະ ຂະໜາດກາງ (SMEs)
- ກອງທຶນສະໜັບສະໜູນລະບົບນິເວດ semiconductor 1 ພັນຕື້ວອນ
- ສະໜັບສະໜູນການຂະຫຍາຍໂຮງງານ ແລະ ສາຍການຜະລິດໃໝ່.
- ຂະຫຍາຍຜົນປະໂຫຍດດ້ານພາສີສໍາລັບການລົງທຶນຂອງຊິບ
- ມຸ່ງໄປເຖິງການສ້າງວຽກເຮັດງານທໍາຫຼາຍລ້ານຕຳແໜ່ງ
ສຳລັບເປົ້າໝາຍໃນການລົງທຶນຄັ້ງນີ້:
- ຮັກສາຄວາມເປັນຜູ້ນໍາໃນການຜະລິດຊິບໜ່ວຍຄວາມຈໍາ
- ຂະຫຍາຍໄປສູ່ທຸລະກິດອື່ນໆເຊັ່ນ: ການອອກແບບຊິບ (fabless) ແລະ ການຜະລິດຊິບທີ່ອອກແບບໂດຍຜູ້ອື່ນ (foundry)
- ແຂ່ງຂັນກັບບໍລິສັດຊັ້ນນໍາເຊັ່ນ TSMC (ໄຕ້ຫວັນ)
- ສ້າງກຸ່ມຊິບທີ່ໃຫຍ່ທີ່ສຸດຂອງໂລກຢູ່ໃກ້ກັບໂຊລ
ຄວາມສໍາຄັນຂອງ semiconductors
Semiconductors ເປັນສິນຄ້າສົ່ງອອກອັນດັບ 1 ຂອງເກົາຫຼີໃຕ້. ກວມເອົາ 1 ໃນ 5 ຂອງມູນຄ່າການສົ່ງອອກທັງໝົດ.
ການເຕີບໂຕຂອງອຸດສະຫະກຳນີ້ ຈະສົ່ງຜົນດີຕໍ່ເສດຖະກິດໂດຍລວມ, ສ້າງວຽກເຮັດງານທຳຫຼາຍລ້ານຕຳແໜ່ງ ແລະ ກະຕຸ້ນການພັດທະນາໃນອຸດສາຫະກຳທີ່ກ່ຽວຂ້ອງ.
ສິ່ງທ້າທາຍທີ່ລໍຖ້າອຸດສາຫະກໍາ Semiconductor ຂອງເກົາຫຼີໃຕ້
ເຖິງວ່າແຜນການລົງທຶນຂອງເກົາຫຼີໃຕ້ທີ່ມີມູນຄ່າ 2600 ຕື້ວອນຈະມີຈຸດປະສົງເພື່ອຊຸກຍູ້ອຸດສາຫະກຳ Semiconductor ໃຫ້ຂຶ້ນສູ່ລະດັບສູງສຸດກໍຕາມ. ແຕ່ຍັງມີອຸປະສັກທີ່ຈະປະເຊີນຄື:
- ການແຂ່ງຂັນທີ່ດຸເດືອດລະຫວ່າງສະຫະລັດ ແລະ ຈີນ. ເກົາຫລີໃຕ້ປະເຊີນກັບການແຂ່ງຂັນທີ່ຮຸນແຮງສໍາລັບສ່ວນແບ່ງຕະຫຼາດ.
ຈໍາເປັນຕ້ອງຮັກສາຄວາມກ້າວໜ້າທາງດ້ານເຕັກໂນໂລຢີ ແລະ ສ້າງຜະລິດຕະພັນທີ່ເໜືອກວ່າຄູ່ແຂ່ງຂັນ.
- ກຸ່ມຊິບຂະໜາດໃຫຍ່ໃກ້ກັບໂຊລ ຕ້ອງການນໍ້າໃນປະລິມານຫຼວງຫຼາຍ
ເຮັດໃຫ້ເກົາຫຼີໃຕ້ຕ້ອງປະເຊີນກັບການຂາດແຄນນ້ຳເປັນປະຈຳ. ຈໍາເປັນຕ້ອງຊອກຫາວິທີການຈັດການນໍ້າແບບຍືນຍົງເພື່ອສະໜັບສະໜູນການຂະຫຍາຍຕົວຂອງອຸດສາຫະກໍາ.
- ແຜນການສະໜັບສະໜູນທີ່ສຸມໃສ່ບໍລິສັດຂະໜາດໃຫຍ່.
SME ຕ້ອງການການສະໜັບສະໜູນເພີ່ມເຕີມເພື່ອຊຸກຍູ້ການພັດທະນາເຕັກໂນໂລຊີ ແລະ ນະວັດຕະກໍາ. ຈຳເປັນຕ້ອງມີກົນໄກໜູນຊ່ວຍທີ່ອຳນວຍຄວາມສະດວກໃຫ້ແກ່ SMEs.
- ຄວາມເຄັ່ງຕຶງລະຫວ່າງປະເທດອາດສົ່ງຜົນກະທົບຕໍ່ຕ່ອງໂສ້ອຸປະທານ. ເກົາຫຼີໃຕ້ຕ້ອງໄດ້ເພິ່ງພາຊິ້ນສ່ວນ ແລະ ວັດຖຸດິບຂອງຕ່າງປະເທດ ເພື່ອກະຈາຍຄວາມສ່ຽງ ແລະ ເພິ່ງພາຕົນເອງຫຼາຍຂຶ້ນ.
- ອຸດສາຫະກໍາ semiconductor ຕ້ອງການພະນັກງານທີ່ມີທັກສະສູງ.
ເກົາຫຼີຕ້ອງດຶງດູດ ແລະ ຮັກສາຜູ້ມີພອນສະຫວັນ. ຕ້ອງສ້າງສະພາບແວດລ້ອມການເຮັດວຽກທີ່ເອື້ອອໍານວຍໃຫ້ແກ່ການພັດທະນາ ແລະ ການຂະຫຍາຍຕົວ.
ຢ່າງໃດກໍຕາມ, ສິ່ງທ້າທາຍເຫຼົ່ານີ້ ນີ້ແມ່ນລ້ວນແມ່ນໂອກາດທັງໝົດສໍາລັບເກົາຫຼີໃຕ້ ແລະ ການເອົາຊະນະອຸປະສັກເຫຼົ່ານີ້ຈະຊ່ວຍໃຫ້ເກົາຫຼີໃຕ້ຮັກສາຄວາມເປັນຜູ້ນໍາໃນອຸດສາຫະກໍາ.
ການພັດທະນາເຕັກໂນໂລຊີ ແລະ ນະວັດກໍາໃໝ່ຈະສ້າງໂອກາດທາງທຸລະກິດໃໝ່ໆ, ດຶງດູດບຸກຄະລາກອນທີ່ມີພອນສະຫວັນເພື່ອສົ່ງເສີມການເຕີບໂຕຂອງເສດຖະກິດໂດຍລວມ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
