ອິນໂດເນເຊຍໄດ້ກ້າວເຂົ້າສູ່ການກາຍເປັນປະເທດທີ່ສຳຄັນໃນອຸດສາຫະກຳລົດໄຟຟ້າ (EV) ດ້ວຍການເປີດຕົວໂຮງງານຜະລິດໝໍ້ໄຟ EV ແຫ່ງທຳອິດຂອງອາຊີຕາເວັນອອກສຽງໃຕ້, ຕັ້ງຢູ່ໃນແຂວງ Java ພາກຕາເວັນຕົກ. ໂຮງງານດັ່ງກ່າວມີຄວາມສາມາດໃນການຜະລິດແບັດເຕີຣີ 10 ກິກາວັດຊົ່ວໂມງຕໍ່ປີ, ເຊິ່ງພຽງພໍສໍາລັບລົດ EV ປະມານ 150,000 ຄັນ.
ໂຮງງານແຫ່ງໃໝ່ນີ້ໄດ້ມີມູນຄ່າການລົງທຶນເຖິງ 1 ຕື້ໂດລາສະຫະລັດຈາກການຮ່ວມທຶນລະຫວ່າງ Hyundai Motor Group, LG Energy Solution ແລະ Indonesia Battery Corporation, ສະທ້ອນໃຫ້ເຫັນເຖິງຄວາມມຸ່ງໝັ້ນຂອງທັງສາມຝ່າຍໃນການຊຸກຍູ້ການພັດທະນາ EV ໃນພາກພື້ນ, ໂຮງງານດັ່ງກ່າວຈະຜະລິດແບດເຕີຣີສໍາລັບລົດ Kona ຮຸ່ນ ຂອງ Hyundai ຈໍານວນ 50,000 ຄັນຕໍ່ປີ
- ມຸ່ງສູ່ເປົ້າໝາຍອັນດັບຕົ້ນໆຂອງໂລກ.
ອິນໂດເນເຊຍຕັ້ງເປົ້າໝາຍທີ່ຈະເປັນໜຶ່ງໃນສາມປະເທດຜູ້ຜະລິດແບັດເຕີຣີ EV ອັນດັບຕົ້ນໆຂອງໂລກພາຍໃນປີ 2027, ໂດຍຕັ້ງເປົ້າໝາຍກຳລັງການຜະລິດ 140 ກິກາວັດໂມງຕໍ່ປີໃນປີ 2030, ເຊິ່ງຄິດເປັນ 4-9% ຂອງຄວາມຕ້ອງການທົ່ວໂລກ. ເປົ້າໝາຍນີ້ໄດ້ຮັບການຊຸກຍູ້ໂດຍສະຖານະພາບຂອງອິນໂດເນເຊຍໃນຖານະຜູ້ຜະລິດ nickel ລາຍໃຫຍ່ທີ່ສຸດຂອງໂລກ. ໂດຍມີ nickel ສຳຮອງ 21 ລ້ານໂຕນ, ກວມເອົາ 22% ຂອງ nickel ສຳຮອງທົ່ວໂລກ. ເຖິງແມ່ນວ່າເເຮ່ nickel 70% ຈະຖືກນໍາໃຊ້ໃນອຸດສາຫະກໍາສະແຕນເລດ, ແຕ່ຄວາມຕ້ອງການ nickel ສໍາລັບແບັດເຕີຣີກໍສືບຕໍ່ເພີ່ມຂຶ້ນສູງ.
- ການດຶງດູດນັກລົງທຶນ
ອິນໂດເນເຊຍກຳລັງດຶງດູດນັກລົງທຶນຈາກບໍລິສັດຜູ້ຜະລິດ EV ໃນທົ່ວໂລກເຊັ່ນບໍລິສັດ BYD ແລະ Wuling ຂອງຈີນ ເຊິ່ງມີໂຮງງານຜະລິດຢູ່ໃນປະເທດ ແລະ ລົດ EV ຂອງພວກເຂົາໄດ້ຖືກວາງຈຳໜ່າຍຢູ່ໃນຕະຫຼາດແລ້ວ.
- ການເຕີມເຕັມຫ່ວງໂສ້ອຸປະທານ
ເພື່ອເຕີມເຕັມຫ່ວງໂສ້ອຸປະທານແບດເຕີຣີ ອິນໂດເນເຊຍກຳລັງພັດທະນາໂຮງກັ່ນ lithium ແລະ ໂຮງງານຜະລິດວັດສະດຸ anode. ເຖິງແມ່ນວ່າອິນໂດເນເຊຍຈະບໍ່ມີ lithium ສຳຮອງຫຼາຍ, ແຕ່ກໍສາມາດນໍາເຂົ້າຈາກອອສເຕຣເລຍໄດ້ ເຊິ່ງເປັນຜູ້ຜະລິດ lithium ລາຍໃຫຍ່ທີ່ສຸດຂອງໂລກ. ອອສເຕຣເລຍສົ່ງອອກ lithium ເຄິ່ງໜຶ່ງຂອງໂລກໄປຫາຈີນ, ແຕ່ກໍມີທ່າແຮງທີ່ຈະສົ່ງອອກໄປຍັງອິນໂດເນເຊຍເຊັ່ນດຽວກັນ.
- ບາດກ້າວທີ່ສຳຄັນໃນອະນາຄົດ
ການເປີດຕົວໂຮງງານຜະລິດແບດເຕີຣີ EV ແມ່ນບາດກ້າວທີ່ສໍາຄັນສໍາລັບອິນໂດເນເຊຍ. ມັນສະແດງໃຫ້ເຫັນຄວາມມຸ່ງໝັ້ນຂອງປະເທດໃນການພັດທະນາເສດຖະກິດສີຂຽວ ແລະ ກາຍເປັນຜູ້ມີບົດບາດສໍາຄັນໃນເວທີໂລກດ້ານ EV ດ້ວຍຊັບພະຍາກອນທໍາມະຊາດທີ່ອຸດົມສົມບູນ, ກົນລະຍຸດທີ່ສະຫຼາດ ແລະ ແຮງຈູງໃຈຈາກພາກລັດ. ອິນໂດເນເຊຍມີໂອກາດບັນລຸເປົ້າໝາຍ ແລະ ກາຍເປັນຜູ້ນຳໜ້າໃນອຸດສາຫະກຳ EV ໃນອະນາຄົດ.
ທີ່ມາ:
ຕິດຕາມຂ່າວທັງໝົດຈາກ LaoX: https://laox.la/all-posts/
